ESTHA 3:1 - Lacid Common Language Bible

¹ Dayo, zoo: myang" thang: ri Khokham Ahasuru gi Haman ga: da" byu dayug ri mung" zoug: jung: aya: moo khyen: to" da:. Haman gi Agag amyed ashen mo Hammedatha da" nya: yuggi zoo: nghoid da:.

ESTHA 3:1 Referans Kwoze

GYUNG: SOO" 24:7

Nyangnu" gi moug: gyid agoin ago" yo" ri" goo" wa nyangnu" da" myau: shi" joem we' gyid gyi: gyi: yo" da" yoothung" joem moo sho" too" goo" wa. Nyangnu" da" khokham gi Agag tho' je gyi: sheung: loo wa. Houg: lho: nyang: wigi vhoebkhang" zigi moug: vi: khyoo: lam je: loo" wa.

DANIELA 6:2

Hau: tho' agoo" nyang: gi Daniela yo' gootu: eig yug ri mung" zoug: yiri moo" pyoo: byid: wa yo' nyang: vho: da" moo" ri dei byid: wa shid re" aya: byid: to" da:.

ESTHA 5:11

Nyang: gi houg: bang: ri nyang: jonu" khayhi' yo" khyoo:- yuggi zoo: kha myoo' yug yo" khyoo:- khokham pho wigi nyang: ri myhang: da" joyoo moo khasu" byid: too" byid: khyoo:- yo' khokham pho da" gyizoug: yi goo" bang: tho' khayhi' je yhouggyen: ziri phau: kyo" da:.

ESTHA 3:10

Khokham phoo gi lu dang: pyo: jang" moo dazid khyo" wigi tarha" ri ci: da" nya: lo, pain" ri khyoid yu lho: Agag amyed ashen nghoid da" Hammedatha da" nya: yuggi zoo: Yuda byumyu" yi da" gyivoo Haman ri byid: da:.

1 SAMUELA 15:33

Samuela gi «Re" sham: gi myhi' zeing yi myoo: sho' ri zooshang: ze" phug nhang: yhang: ti"- re" myhi' ri we' zooshang: sho: phyug nhang: wa zi nghoid bye:» ga: wigi tid. Hau: thang: nyang: gi Gilgala mo xoin" to' jang: ayam moo Agag ri adu du zain: ceing said pyam bye:.

APOEM AYANG: 41:40

Nga" moug: nga" dain" ri vhoebkhang" su: nang ri ngoo koid nhang: wa hau: lho: nga" mung" byu yi dangain" gi re" dang: ri tam" gyo: boem wa nghoid. Re" da" amyeing" akhang" gi ngoo mo lid lho: azhang eig loem: gyi: su: nghoid wa.

DANG: ZHOEM 29:2

Deingmain" da" Khokham toin" shed yu" ge'- nanu" ri ngoo ngei pyo: nyid da" mung" byu yi toin" shed ba- akhyeing" ashoeb, da" zoug: ngoo ri toin" shed ge'- koug shu: nyid da" mung" byu yi ngoo toin" shed wa.

ESTHA 8:3

Hau: thang: Estha gi nyang: nya: gung ri khokham pho da" khyid: yang: moo: goeb lho: ngau da:. Nyang: gi Yuda byumyu" yiri thougtheung wa ga: Agag da" amyed ashen Haman khoug lheing: lheing: to" da" moo" ri toem pyam byid: wa shid re" khokham phoo ri mho' da:.

ESTHA 7:6

Estha gi «Ngoonu" da" gyivoo- ngoonu" ri shen" yhen wa su: gi he: akhyeing" da" byu Haman nghoid da lhe"» ga: tid da:. Haman gi khokham phoo yo' khokham myhi' shidkhoin" moo: gyoug dain ziyo' yu" zhug nyid da:.

ESTHA 1:14

Nyang: phajhi" je lhoung mho' bye: bang: gi Khashena- Shetha- Admatha- Tarshi- Mere- Marsena yo' Memukhan bang: nghoid ago". Persi yo' Media mung" mo he: gyizoug: yi nyhed yug gi nya: mungdain: mo gyi: thang da" zoug: yi nghoid ago".

EZRA 7:14

Ngoo yo' dage" nga" phajhi" byid: nheigboo nyhed yug gi nang phau" myang: ziyo' cang nyid da" re" Mangso tarha" khayhi' ge ga: ziri myang wa shid re" Yerusalem yo' Yuda mung" akhyoo" ri yhe: yu" baja" ein: nang ri nhang: kaid bye:.

1 SAMUELA 15:8

Nyang: gi Amaleg khokham Agag ri myheug yu wigi nya: byu dangain" ziri said pyam da:.

APOEM AYANG: 41:55

Egutu byumyu" yigi zooyoid shid" loo lang" nyangnu" gi khokham jhang zoo: noem mho' lo boem bye:. Houg: yoomo nyang: gi nyangnu" ri Yoseb jhang yhe: lho: nyang: tid khyo" cang koid ge' ga: tid kaid.

PHAJHI" DANG: 10:6

Yoo" zoo: yoo" shug bang: ri cishu: anhang: pyam to" uri nheig agyeing: bang: rigi amyeing" akhang" byid: to" zi shoug" ago".