DANIELA 9:5 - Lacid Common Language Bible

⁵ «Ngoonu" gi yooboo shoid boem bye:. Ngoonu" gi akhyeing" ashoeb loo. Ngoonu" gi shoid moo" koid lid lo boem bye:. Nang wigi ngoonu" ri koid ca" wa amyeing" byid: to" ziri ngoonu" ngeug pyam boem bye:. Nang ngoonu" ri jo da" khyoo: ci: shug byid: to" jang" mo nungthang lheing: phug lo" boem bye:.

DANIELA 9:5 Referans Kwoze

MALAKHI 3:7

Nanu" da" phoug" phyid" yi da" bidnyid mo zi akhid" nyid" ju" sho' nanu" gi nga" tarha" joem mo gang: lain lo" boem lho: hau: ziri acang nghoid ago". Akhid" nanu" nga" jhang khyoo: doem phug lheung: lo nghoid rigi ngoo we' nanu" shoid khyoo: lheung: loo shi" wa. Hougsu" nghoid loug we' nanu" gi «Ngoonu" khasu" se' phug lheing: loo wa» ga: myid nyid boem ago".

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

DANIELA 9:15

O" Aseing ngoonu" da" Mangsoo we"- nang gi re" byumyu" yiri Egutu mo shu" thu yu lho: re" yoem: so' ri ci: shug byid: da:. Houg: lho: re" yoem: so' ri damyid boin: nyid boem ashi"- ngoonu" gi yooboo shoid boem bye:. Ngoonu" gi shoid vhang: zi koid boem bye:.

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

HOSEA 1:2

Hosea khyo" Israela byumyu" yiri Aseing wigi xang: shi" dang: tid uri nyang: gi Hosea ri «Yhoem: seing: myhi' yhe: yu we'. Re" yhoem: seing: myhi' gi jhug azug su: nghoid wa. Houg: lho: re" zoo: yigi nyang: yo' dakhyoo" ti" nghoid loo goo" wa. Houg: yo' dakhyoo" nga" byumyu" yigi ngoo ri too" kho' lho: jhug azug bang: bue" ri" goo" wa» ga: tid da:.

EZEKIEL 6:9

Houg moo nyangnu" pyoung" nyhid: to" zi shoug" wa. Houg: moo nyangnu" ngoo ri myid boin: wigi nyangnu" da" jhug azug nheigloem: joem gi ngoo ri she: pyam lho: nyangnu" nga" tho' yu phara" soolhoo: ri je vho: ngei gang mo nyangnu" ri ngoo yooboo dam wigi ngi: yoem" nhang: ziri se' loo goo" wa. Houg: lho: nyangnu" gi nyangnu" nya: gung ri co' loo" goo" wa. Ciwim gari nyangnu" nyang: koid loo bye: da" akhyeing" ziyo' aco' ajhoid moo" zoo" joem yoomo nghoid.

NGOUG JI: 1:20

O" Aseing we"- ngoo dayam, dayoo: shoug" nyid ziyo' nga" nheigloem: myid myoo: ung: loug nyid ziri yu" byid: we'. Nga" yooboo joem yoomo ngoo kougshu: wigi nga" nheigloem: byo, yoin" loo" bye:. Hau" fu" moo" khyoo: joem moo: byu said go" nyid boem ago". Yhoem: khoug: moo: lang" byu shid: byoo dain zi jo, ago".

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

COUNG" NGHEI 18:21

Ngoo gi Aseing da" tarha" ci: cang loo bye:- nga" Mangso jang" mo aphang: lo" yu.

YEREMIA 3:25

Ngoonu" gi sho' zi' yo' leung jo, wigi ngi yoem" zigi ngoonu" ri" nghoeb boem" pyam ge da:. Ngoonu" Aseing Mangsoo ri khanham we' yooboo shoid lid lo boem bye:. Ngoonu" gi nya: da" amyeing" dang: joem ri khanham we' alhung cang nyid goo" nhung» ga: tid ago".

ESAIA 59:13

Ngoonu" gi nang ri thougtheung gyi koid- nang ri ngeug he: pyam'- re" thang: cang wa he: pyam' boem bye:. Ngoonu" gi subi" ri zeig zo: wigi nang mo phug lo" boem bye:. Ngoonu" myid soin: khyoo: joem gi shoid. Ngoonu" tid dang: khoin" joem gi mhoug zi danghoid.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

COUNG" NGHEI 119:102

Nanyang: nga" da" sara: nghoid nyid yoomo re" da" khyoo: shed dang: khoin" joem ri ngoo ngeug pyam nyid zi anghoid.

EZRA 9:6

Ngoo mho' zigi «O" Mangso ngoo gi re" shidkhoin" mo vhuloem avoem" tu: yeung too" loo: sho' nyang: sho' bye:. Ngoonu" yooboo gi ngoonu" vhuloem tho' myhang: sho' boem loo bye:. Hau: zigi mougkhung: myhang nyang: myhang: jo, bye:.

COUNG" NGHEI 119:176

Ngoo gi byoug lo' da" yang dadu: yhang: ti" khyoo: vhang: du: dam: yen". Houg: yoomo re" lho: re" da" zoo: phoo ngoo ri cang shoo: we'. khasu" wim gari re" da" tarha" joem ri ngoo ngeug pyam nyid su: anghoid.

YEREMIA 44:3

Ciwim gari houg: mo byu yigi akhyeing" da" lo, moo" koid ziyo' ngoo ri nheig yoo: nhang: ago". Gootu: yu phara" joem ri nyangnu" xoin" ngei" byid: wigi nyangnu" we' nang we' re" phoug" phyid" yi we' ano' yu" da" yu phara" joem ri dei byid: ago".

NGOUG JI: 1:18

Nghoid loug we' Aseing gi tarha" nyeung veung" su: nghoid. Khasu" wim ga: ri ngoo gi nya: dang: ri atam" gyoo: koid lid: loo bye:. Khyi khang" moo" mo mo, we"- ngoo ri bo tam" gyoo: byid: ge'. Nga" da" dam noo ri bo yu" byid: ge'. Nga" zoolu: yi yo' zoomyi: yiri thung: byu khyo" myheug shu" lo" abye: go".

NGOUG JI: 3:42

Ngoonu" gi yooboo shoid vhang: lho: thougtheung nyid boem bye:. Hougsu" nghoid yoomo O" Aseing we"- nang gi ngoonu" ri yooboo akhyoid byid: shi" nghoid da:.

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

2 KHOKHAM 18:12

Samari gyo" soem" lo" zigi Israela byumyu" yi nyangnu" Aseing Mangsoo ri tid dang: agyoo:- nyangnu" yo' koid to" da" dang: theing ri phyo' pyam lho: Aseing da" dei zoo: Moshe wigi byid: to" da" tarha" dangain" ri atam" gyoo: acang yoomo nghoid. Nyangnu" gi atam" gyoo: acang yhi: nghoid ago".

2 KHOKHAM 21:15

Nyangnu" ngoo ri yooboo shoid lho: nyangnu" phoug" phyid" yi Egutu mung" mo thu lo boem da" ayo, mo akhanyid" ju" sho' ngoo ri nheig joem: yoo: nhang: boem yoomo nga" byumyu" yiri hidsu" ngoo koid wa» ga: tid da:.

ESAIA 64:4

Nyang: ri myid pyu' bang: shid re" houg: yhang: ti" moo" joem ri koid su: nang yo' du da" Mangsoo ri hang" we' amyang yu"- ashoug" gyo: yu" nghoid ago".

YEREMIA 14:20

Aseing we"- ngoonu" gi nang ri yooboo shoid boem bye:. Houg: lho: ngoonu" nya: da" yooboo joem yo' ngoonu" da" phoug" phyid" yi yooboo joem ri yhen: yu boem bye:.

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

EZEKIEL 5:6

Nghoid loug we' Yerusalem gi nga" amyeing" dang: joem ri thougtheung goemlu to' wigi nyang: gi goo" mungdain: joem tho' je akhyeing". Nya: lheing khoem mo mungdain: joem tho' je atam" gyoo: acang yhe: ziri ci: shug byid: da:. Yerusalem gi nga" amyeing" dang: ri ngeug he: pyam lho: nga" tarha" ri cang pyeing wa he: pyam da:.