DANIELA 9:15 - Lacid Common Language Bible

¹⁵ O" Aseing ngoonu" da" Mangsoo we"- nang gi re" byumyu" yiri Egutu mo shu" thu yu lho: re" yoem: so' ri ci: shug byid: da:. Houg: lho: re" yoem: so' ri damyid boin: nyid boem ashi"- ngoonu" gi yooboo shoid boem bye:. Ngoonu" gi shoid vhang: zi koid boem bye:.

DANIELA 9:15 Referans Kwoze

NEHEMIA 9:10

Nang gi khokham ri thougtheung khyoo: Nya: mung" mo nya: gyizoug: yi' yo' byumyu" yiri thougtheung khyo" mau" pho" moo" ri zei: bye:. Ciwim gari nang gi re" byumyu" yiri nyangnu" wigi khasu" doin: zeig zo: ziri nang se' da:. Nang gi akhid" ju" sho' yo" seing: nyid shi" da" myeing gyi: khyoo: gi hau: uri shoug" yu zi nghoid.

DANIELA 9:5

«Ngoonu" gi yooboo shoid boem bye:. Ngoonu" gi akhyeing" ashoeb loo. Ngoonu" gi shoid moo" koid lid lo boem bye:. Nang wigi ngoonu" ri koid ca" wa amyeing" byid: to" ziri ngoonu" ngeug pyam boem bye:. Nang ngoonu" ri jo da" khyoo: ci: shug byid: to" jang" mo nungthang lheing: phug lo" boem bye:.

NEHEMIA 1:10

Aseing we"- hid: bang: gi re" dei zoo: yi yo' nanya: byu yi nghoid ago". Nang gi re" gyi: sheung: da" yoem: so' yo' yoem: vhoo" khyo" nyangnu" ri khyoid yu too" bye:.

THU' LO" MOUGSOUG" 32:11

Nghoid loug we' Moshe gi nya: Aseing Mangsoo ri «Aseing we" re" myhang: thang phung" yoeb yo' yoem: so' yo' nang Egutu mo khyoid yu da" re" byumyu" yiri ciwim wigi nheig yo: nyid lha".

THU' LO" MOUGSOUG" 14:18

Ngoo nyangnu" ri oung: pyam lang" ngoo Aseing nghoid ziri Egutu byumyu" yi se' boem wa zi nghoid» ga: tid.

THU' LO" MOUGSOUG" 6:1

Hau: thang: Aseing gi Moshe ri Akhid" khokham ri ngoo khasu" koid wa ein: ziri nang yo" myang wa. Nga" byu yiri thu lo" nhang: sho' nyang: ri nga" yoem: yo' khaid thu wa. Gyeing" nyang: nyangnu" ri nya: mungdain: mo koin" thu pyam zi shoug" wa shid re" nyang: ri ngoo nga" yoem: yo' khaid thu wa ga: tid bye:.

2~KORINTHU 1:10

Nyang: gi houg: yhang: te" da" gyoug pho" shid: no khyoo: mo ngoonu" ri yo" khyoid yu bye: yoomo akhid" we' khyoid yu shi" wa ein: wigi ngoonu" nyang: ri damyid byu lang nyid boem shi".

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

LUKA 15:21

Nya: zoo: tid zigi nga" phoo we"- ngoo gi Mangsoo: ri we' nga" phoo ri we' shoid vhang: bye. Houg: yoomo phoo nya: zoo: ein: we' myheing wa amoin: yi" loo. Za: nya: zoo: tid.

YEREMIA 32:10

Ngoo gi lo, xoem" lhid"- dazid thung" wigi sagse: koid to" lho: jang mo ngei leig byid: bye:.

ESAIA 55:13

Akhid" zu: kyin: gam yug jo, jang" moo gyoin: gam yug thu loo wa. Zu: gam joem da" akhoo: moo maithen" gam joem yug thu loo wa. He: zigi apyaid atoo: jo, jo, wa asoo" nghoid wigi Ngoo Aseing koid lo da" khyoo: ri tid poin" byid: khyoo: nghoid loo wa» ga: tid da:.

COUNG" NGHEI 106:8

Nghoid lug we' nyang: gi nya: da" gyi: sheung: zoug: myeing" yoem so, ri toin" shed wa shid re" dangsoo" khoin" too" bye: ziyo' dakhyoo" ti nyangnu" ri khyoid yu bye:.

1 KHOKHAM 8:51

Nyangnu" gi Egutu mung moo dab nyid da" myithoem" mo nang shu" thu lo da" nanya: byumyu" nghoid da:.

THU' LO" MOUGSOUG" 9:16

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

THU' LO" MOUGSOUG" 6:6

Houg: yoomo Israela byumyu" yiri tid kyoo" we'. ‹Ngoo Aseing nghoid. Ngoo nanu" ri Egutu byumyu" yi join mo khyoid yu wa. Ngoo nyangnu" adang moo gyoug pho" dam byid: wa shid re" nga" yoem: moo" bo lo, yoem: ri too" wa. Ngoo nanu" ri goem loem byid: wa.

TARHA" TID POIN" 5:15

Egutu mung" moo nanu" join bue" nyid wigi nanu" Aseing Mangsoo ngoo gi nga" yoem: so' moo" yo' yoem: zeing khyo" nanu" ri khyoid yu da" khyoo: ri myid boin: ge'. He: khyo: gang mo Dougno: Bidnyid ri phau" myang: ge' ein: nanu" ri ngoo amyeing" byid: zi nghoid.

THU' LO" MOUGSOUG" 13:3

Moshe gi byumyu" yiri «Nanu" join koid nyid da" joyoo Egutu mung" mo nyang: shu" thu lo da" bidnyid he: nyid" ri boin: nyid ge'. He: bidnyid gi Aseing nanu" ri nya: gyi: sheung: yoem: so' yo' shu" lo zi nghoid. Doocid" kaid da" zooyho' ri azoo: goo".

THU' LO" MOUGSOUG" 13:9

He: thung" ri: gi nanu" lo, anghoid lang" ngilang: moo tei" tab to" da" ja: yhang: ti" poin" byid: da" khyoo: nghoid loo wa. Hau: zigi xo' lho: nhoid khyoo yoo" sho' nghab xoem" wa ziyo' Aseing tarha" ri jhau" yu wa shid re" nanu" ri poin" byid: loo wa. Ciwim gari Aseing gi nya: yoem: so' moo" khyo" wigi Egutu mung" mo shu" thu loo yoomo nghoid da:.

THU' LO" MOUGSOUG" 13:14

Ju" loo wa da" ayo, moo he: tarha" da" dang: kang: nanu" zoo: yi myid: lang" nanu" gi nyangnu" ri ngoonu" ri join koid nhang: da" joyoo Egutu mung" mo Aseing gi gyi: sheung: yoem: so' yo' ngoonu" ri shu" thu loo bye:.

THU' LO" MOUGSOUG" 13:16

He: thung" ri: gi ngoonu" lo, yo' ngilang: moo lhid" tab to" da" ja: yo' dakhyo" poin" byid: da" khyoo: nghoid loo wa.Aseing gi nya: gyi: sheung: yoem: so' yo' nyhang" ri Egutu mung" mo shu" thu loo bye: da" ziri nyhang" ri tid poin" byid: ri" wa›» ga: tid da:.

2 KHOKHAM 21:15

Nyangnu" ngoo ri yooboo shoid lho: nyangnu" phoug" phyid" yi Egutu mung" mo thu lo boem da" ayo, mo akhanyid" ju" sho' ngoo ri nheig joem: yoo: nhang: boem yoomo nga" byumyu" yiri hidsu" ngoo koid wa» ga: tid da:.

2 KHOKHAM MHOOMYID: 6:37

re" byumyu" yi akyu" mho' dang: ri tam" gyoo: byid: la. Hau: mung" moo nyangnu" nheigloem: thid lho: nang ri akyu" mho' wigi khayhi' yooboo shoid ziyo' nyangnu" khayhi' nheigloem: goid" lo boem ziri yooboo yhen: yu boem nghoid rigi O" Aseing we" nyangnu" akyu" mho' dang: ri tam" gyoo: byid: la.

NEHEMIA 1:6

Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

ESAIA 64:4

Nyang: ri myid pyu' bang: shid re" houg: yhang: ti" moo" joem ri koid su: nang yo' du da" Mangsoo ri hang" we' amyang yu"- ashoug" gyo: yu" nghoid ago".

YEREMIA 14:20

Aseing we"- ngoonu" gi nang ri yooboo shoid boem bye:. Houg: lho: ngoonu" nya: da" yooboo joem yo' ngoonu" da" phoug" phyid" yi yooboo joem ri yhen: yu boem bye:.

NGOUG JI: 3:42

Ngoonu" gi yooboo shoid vhang: lho: thougtheung nyid boem bye:. Hougsu" nghoid yoomo O" Aseing we"- nang gi ngoonu" ri yooboo akhyoid byid: shi" nghoid da:.

EZEKIEL 5:6

Nghoid loug we' Yerusalem gi nga" amyeing" dang: joem ri thougtheung goemlu to' wigi nyang: gi goo" mungdain: joem tho' je akhyeing". Nya: lheing khoem mo mungdain: joem tho' je atam" gyoo: acang yhe: ziri ci: shug byid: da:. Yerusalem gi nga" amyeing" dang: ri ngeug he: pyam lho: nga" tarha" ri cang pyeing wa he: pyam da:.