DANIELA 6:28 - Lacid Common Language Bible

²⁸ Daniela gi Dari vhoebkhang" da" apyaid yo' Persi khosen Kuru vhoeb da" ayo, gyoo: gu: moo yoo" zoo: yoo" shug da:.

DANIELA 6:28 Referans Kwoze

DANIELA 1:21

Daniela gi Persi khosen Kuru wigi Babelon ri meing: zain: oung: pyam da ayo, ju" sho' khokham vang" moo za: nyid nyid da:.

2 KHOKHAM MHOOMYID: 36:22

Lapi: Yeremia khyo" wigi Aseing nyang: tid da" dang: gi Persi khosen Kuru khosen bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

ESAIA 44:28

Ngoo gi Kuru ri «Nang gi ngoo ri vhoeb loo wa su nghoid loo wa. Nang gi ngoo wigi nang ri koid nhang: nau da" ja: ri koid loo wa. nang gi Yerusalem ri doem tam: wa yo' Noku Yhoem: Moo" apoem: ayang: joem doem zhug wa amyeing" ri byid: loo wa» ga: tid da:.

DANIELA 10:1

Persi mung" moo Kuru khokham bue" zi soem" zain ein: zain moo Belteshaza ga: we' myeing da" Daniela ri mungdang: daloem toin" shid byid: da:. Hau: mungdang: gi jo nghoid loug we' se' gyoo: wa shid re" gye" yau: da:. Hau: ziri yoeb myang daloem: khyo" nyang: ri tid sho' kyo" da:.

2 KHOKHAM MHOOMYID: 36:23

He: zigi Persi khosen Kuru da" amyeing" dang: nghoid. «Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid. Akhid" Mangso da" byumyu" yi nghoid boem da" nanu" dangain" gi: houg: khyoo: loo" ge'. Nanu" da" Aseing Mangsoo gi: nanu" yo' dage" nghoid baja" o" » ga: zi nghoid da:.

DANIELA 5:28

Byo, sain" lo zi re" mungdain: ri byo, soin" loo" nhang: wigi Mede yo' Persi bang: yiri byid: pyam da» ga: zi nghoid.

COUNG" NGHEI 77:15

Re" da" yoem so, yo' re" da" byu Yaku yo' Yoseb da" amyed ashen joem ri nang khyoid yu bye:.

YEREMIA 32:20

Goonham' nang gi Egutu mung" moo mau" pho" alhoo: again: joem yo' mau" pho" moo" zoo" joem koid lo da:. Houg: mo zi akhid" nyid" ju" sho' xo' wigi Israela yi phung: moo nang koid shug lo da:. Houg: yoomo nang ri khyi' khang" moo" mo bang: se' abye:.

DANIELA 3:29

Houg: lho: akhid" ngoo khyo" wigi Shadrag- Meshag yo' Abednego da" Mangsoo ri aphoug" akhyoid tid da" yug gi kha: byumyu"- kha: mung"- ce: myeing" ji bang: nghoid loug we' khyid: lo, adu atoem phyed sain" pyam lho: nya: da" yhoem: ri byo, yoin" jo, sho' phyo' pyam byid: zi shoug" ca" wa ein: amyeing" khyo' kaid da:. Hidsu" yo" khyoid yu da" gootu: yu phara" anyid nghoid da» ga: tid da:.