DANIELA 5:3 - Lacid Common Language Bible

³ Houg jang: sheing: khu joem yo' koem: joem ri yu vang lo boem wigi nyangnu" dangain" bang: gi hau: joem mo zabyid yhid: shoin: shug ago".

DANIELA 5:3 Referans Kwoze

DANIELA 5:2

Nyangnu" zabyid yhid: shug nyid uri Balshaza gi nya: phoo Nebukhadneza wigi Yerusalem noku yhoem: mo shoem" de" lo da" sheing: khu ngei khu ri yu ri" wa shid re" amyeing" byid: kaid da:. Khokham phoo gi nyang: yo' dage" nya: nheigboo ludaid yi nya: yhoem: seing: myhi' yi yo' nya: dangcang: myhi' yi hau: khu joem mo yo" kaid shug wa shid re" yu nhang: kaid zi nghoid da:.

DANIELA 5:4

Houg: lho: nyangnu" gi sheing:- ngei- gyid: mid"- joto'- seig- lugboem joem yo' koid to" da" yu phara" joem ri coung" boem ago".

DANIELA 5:23

Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

TARHA" AGYI 19:1

Israela byumyu" yi khokham ayoo" shi" da" pyaid moo Ephrim boem moug: moo Levi byu dayug nyid da:. Nyang: gi nya: dangcang: myhi' koid wa shid re" Yuda mung" Bedlehem voogung mo myiyi: nu" dayug ri yu da:.

2 KHOKHAM MHOOMYID: 36:18

Babelon khokham gi Noku Yhoem: Moo" yo' Noku Yhoem: Moo" mo ngei sheing: jonu"- khokham yo' nya: gyizoug: yi da" jonu" joem ri phyo' lhoid yu wigi ja: khang" moo" ri Babelon khyoo: de" lo" da:.

ESAIA 5:14

Moovo moug: gi nyangnu" ri zoo: nau nyid da:. Houg: bang: shid re" nhoid lam sho' fo' ci: da:. Yerusalem mo nheigboo yiri lu: fu: nyid da" mung" byu yi yo' dage" myhau: pyam da:.

YEREMIA 50:28

(Phang: khau: nyid bang: gi Babelon mo phang: lo lho: Yerusalem khyoo: ju" lo ago". Ngoonu" Aseing Mangsoo gi Babelon byu yi wigi nya: Noku Yhoem: Moo" ri phyo' shoin' pyam bye: gang mo khasu" latoo: phug byid: da" khyoo: ri nyangnu" tid ago".)

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HABAKU 1:11

Hau: thang: nyangnu" gi lid yhang: ti" shoem" she: pyam' wigi lid lo" ago". Nyangnu" da" yoem: so' gi nyangnu" da" phara" nghoid nyid.

MALAKHI 1:12

Nghoid loug we' nyangnu" gi nga" da" phoin: ri ce: phoug" adab ga: lho: hau: phoin: moo aco' ajhoid da" zoo: noem ri ngei" byid: khyoo: gi ngoo ri aphoug" amyang: da" khyoo: nghoid.

1THESALONI 5:3

Byu yi gi jo, moo jo, myenjham" lho: wigi gau: nyu: bye ga: tid goo" wa zi nghoid- houg: su" ga: tid uri -zoonu" gung nghoid su: gi zoo: khu: wa shid' re" bidnyid noo no re" yhang: ti"- ci: amyid' too" lo: za: hau: byo, yoin" lo" khyoo: gi nyid' dain' tung nanu" jang" moo ju" loo wa zi nghoid wigi byu yi gi hang" we' yo" loid, loo' wa zi anghoid.