DANIELA 5:2 - Lacid Common Language Bible

² Nyangnu" zabyid yhid: shug nyid uri Balshaza gi nya: phoo Nebukhadneza wigi Yerusalem noku yhoem: mo shoem" de" lo da" sheing: khu ngei khu ri yu ri" wa shid re" amyeing" byid: kaid da:. Khokham phoo gi nyang: yo' dage" nya: nheigboo ludaid yi nya: yhoem: seing: myhi' yi yo' nya: dangcang: myhi' yi hau: khu joem mo yo" kaid shug wa shid re" yu nhang: kaid zi nghoid da:.

DANIELA 5:2 Referans Kwoze

DANIELA 1:2

Aseing gi Khokham Yehoiakim ri myheig yu lho: Noku Yhoem: Moo" mo jonu" ziyoo dayham" ri shoem" yu wa akhang" nyang: ri byid: da:. Nyang: gi thung: byu dayham" ri Babelon mo nya: da" yu phara" joem noku yhoem: khyoo: shu" lo" lho: shoug" zheing" yu da" jonu" ziyoo joem ri noku yhoem: mo zi too" yab joem moo lo" to" to" da:.

2 KHOKHAM 24:13

Noku Yhoem: Moo" yo' khokham kho" mo phoug" dab da" jonu" dangain" ri Babelon khyoo: yu lo" da:. Aseing no, mo tid to" ziyo' dakhyoo" ti" Nebukhadneza gi noku Yhoem: moo" moo ci: wa shid re" khokham Sholumon wigi koid to" da sheing: oung" khu lang: bain dangain" ziri du" kho' pyam da:.

DANIELA 5:23

Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

2 KHOKHAM 25:15

Nyangnu" gi jarung: nu" yo' myigyu: gyeing" ri kaid ci: da" oug" phain' yo' wigi sheing: yo' ngei yo' koid to" da" ja: khang" moo" ri yu lo" ago".

DANIELA 5:18

Gyi: sheung: myhang: thang Mangsoo gi re" phoo Nebukhadneza ri khokham moo" bui" nhang: lho: nyang: ri ngi shab ziyo' khokham yoem: so' byid: to" abye:.

DANIELA 5:13

Daniela gi khokham shidkhoin" khyoo: dalheing: dam shu" vang lo" zi shau" wigi khokham gi nyang: ri «Nang gi nga" phoo khokham ge' Yuda mung" mo shu" pyoung" she: lo da" Yuda byumyu" Daniela nghoid rhe".

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

DANIELA 5:4

Houg: lho: nyangnu" gi sheing:- ngei- gyid: mid"- joto'- seig- lugboem joem yo' koid to" da" yu phara" joem ri coung" boem ago".

YEREMIA 52:19

Nyangnu" gi sheing: yo' ngei wigi koid to" da" jarung: nu" joem yo' myi: dab da" myigyu: ri kaid da" oug" phain'- ngei" xoin" joem mo suid" ri kham: yu da" jarung: joem myiyab khu joem myikug tang joem shoem: nam pyo: ja: kaid da" jarung: joem zabyid yhid: xoin" foid khyo' da" jarung: joem ri yu lo" ago".

YEREMIA 27:7

Byumyu" dangain" gi nyang: ri dei byid: wigi nyang: seing: da" byumyu" mungdain: gyoeb gyo" byug da" ayo, ju" sho' nyangnu" gi nya: yuggi zoo: yi nya: myid: zoo: yiri dei byid: loo goo" wa. Hau: thang: nya: byumyu" yigi yoem: so' bo da" byumyu" yi yo' gyi: sheung: da" khokham yiri dei byid: loo goo" wa.

2 KHOKHAM MHOOMYID: 36:18

Babelon khokham gi Noku Yhoem: Moo" yo' Noku Yhoem: Moo" mo ngei sheing: jonu"- khokham yo' nya: gyizoug: yi da" jonu" joem ri phyo' lhoid yu wigi ja: khang" moo" ri Babelon khyoo: de" lo" da:.

2 KHOKHAM MHOOMYID: 36:10

Zain vang khoem" ju" lo lang" Nebukhadneza gi Yehoiakhin ri thung: byu khyo" Babelon khyoo: myheig shu" lo" lho: noku yhoem: jonu" joem ri de" lo" byug da:. Hau: thang: Nebukhadneza gi Yehoiakhin da" nya: goin Zedekia ri Yuda yo' Yerusalem da" khokham koid nhang: da:.

2 KHOKHAM MHOOMYID: 15:16

Khokham Asa gi nya: phyid" Makha ri khokham nya: myhi' aya: mo khyo' pyam da:. Ciwim gari nyang: gi myid xu: gi byid: da" aco' ajhoid da" yu phara" myhi' Ashera soolhoo: ri koid su: nghoid da:. Asa gi hau: yu phara" soolhoo: ri thug lheing: wigi bug kho' sain" pyam da:. Houg: lho: Kidron lang: khung" moo adu du koid wigi nghe' pyam da:.

2 KHOKHAM MHOOMYID: 11:20

Thang: ri nyang: gi Absalom da" nya: myiyi: zoo: Makha ri lo, xo' yu da:. Nya: tang: gi Abiya- Atai- Ziza- Shelomid ga: da" yuggi zoo: myid: yug yo" ago".

2 SAMUELA 9:7

David gi «Agyug lhe"- re" phoo Yonathan da" jeju" yoomo nang ri ngoo nheig khyeug shoomyen: wa zi nghoid. Ngoo nang ri re" phoug" Sholu seing: to" da" mougmyid dangain" ziri doem byid: wa. Houg: lho: nang nga" zoo: shug zoobui" moo khanham we' yo" zo: nyid wa zi nghoid» ga: tid bye:.

EZRA 5:14

Nebukhadneza: gi Yerusalem Noku Yhoem: Moo" mo ngei sheing: yo' koid to" da" Noku Yhoem: Moo" mo jonu" joem ri yu wigi Babelon mo yu phara" yhoem: moo lo" to" to" ziri Kuru gi Shebaza ga: myheing da" Yuda mung" gyi lo, moo doem ab byid: wigi nyang: hau: ziri zoem: shoung: too" bye: zi nghoid.

YEREMIA 50:35

Aseing tid zigi «Babelon gi doem: byug wa. Nya: byu yi nya: da" zoug: yi nya: da" phajhi" boo bang: shid: wa.

DANIELA 5:3

Houg jang: sheing: khu joem yo' koem: joem ri yu vang lo boem wigi nyangnu" dangain" bang: gi hau: joem mo zabyid yhid: shoin: shug ago".

DANIELA 5:30

Hau: myen jang: Babelon khokham Belshaza gi said pyam shoug" bye:.