DANIELA 3:12 - Lacid Common Language Bible

¹² Babelon mung" du ri vhu: shi: wa shid re" nang moo" foin: to" da" Yuda byumyu" yi dayham" nghoid da" Shadrag- Meshag yo' Abednego bang: gi aseing: khokham- re" amyeing" dang: joem ri atam" gyoo: bang: nghoid ago". Nyangnu" gi re" yu phara" ri we' ano' lho: nang zhug to" da" soolhoo: ri we' agoeb pid bang: nghoid ago"» ga: tid boem.

DANIELA 3:12 Referans Kwoze

DANIELA 6:13

Hau: thang: nyangnu" gi khokham pho ri «Yuda mo pyoung" she: loo bang: mo bo bo da" Daniela gi aseing khokham nang ri we' aphoug" myang: nghoid da:. Nang lhid" pyo: kaid da" amyeing" dang: ri we' acang nghoid da:. Nyang: gi danyid" ri soem" lheing: main: main: akyu" mho' nyid da» ga: tid ago".

DANIELA 2:49

Daniela wigi mho' ziyo' dakhyo" Shadrag- Meshag yo' Abednego bang: ri Babelon mung" du ri vhu" shi: wa shid re" moo" foin: to" da:. Nghoid loug we' Daniela koem' gi khokham vang khoug: moo za: nyid nyid da:.

ACTS 17:7

Nyang: nu" gi Yesu ga: da" khokham" dayug nyid ga: zheung: tid wigi Khosen" da" tarha" joem ri shoid rue" nyid mo, nghoid ago- ga: zheung: zeug yoid boem.

DANG: ZHOEM 27:4

Nheig yo: nyid da" khyoo: gi lam: ziyo' byo, yoin" loo" nhang: da" khyoo: nghoid, Nghoid loug we' no" zo khyoo: yo' age tu, goo.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

ESTHA 3:8

Houg: yoomo Haman gi khokham phoo ri «Re" mungdain: goin" moo byu damyu" nyid byo jo, wigi mung" du khang" moo" moo nyid ziri shau" myang. Nyangnu" gi gootu: hang" yo' we' adu da" thung" ri: ri cang ago". Hau: tho' agoo" nyangnu" gi khokham mungdain: tarha" ri we' acang nghoid ago". Houg: yoomo nyangnu" ri hougsu" zeing: kham byid: wa khyoo: nang atung" ge myid amyang.

DANIELA 1:7

Gyizoug: moo" gi nyangnu" ri Bethesha- Shadrag- Meshag yo' Abednego ga: myheing seig myheing byid: da:.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 3:11

Houg: lho: agoeb pid ano' da" yug hang" nghoid loug we' gye" dab nyid da myikhyoem moo" khoug: khyoo: du" zei kaid zi shoug" wa ga: amyeing" byid: da:.

DANIELA 3:16

Shadrag- Meshag- yo' Abednego gi «Aseing: khokham we"- ngoonu" khyo" gi ngoonu" nya: gung ri goem loem yu wa yoem: akaid wa.

DANIELA 3:29

Houg: lho: akhid" ngoo khyo" wigi Shadrag- Meshag yo' Abednego da" Mangsoo ri aphoug" akhyoid tid da" yug gi kha: byumyu"- kha: mung"- ce: myeing" ji bang: nghoid loug we' khyid: lo, adu atoem phyed sain" pyam lho: nya: da" yhoem: ri byo, yoin" jo, sho' phyo' pyam byid: zi shoug" ca" wa ein: amyeing" khyo' kaid da:. Hidsu" yo" khyoid yu da" gootu: yu phara" anyid nghoid da» ga: tid da:.

DANIELA 3:30

Houg: lho: khokham phoo gi Shadrag- Meshag- yo' Abednego ri Babelon mo mung du cang je myang: da" joyoo moo aya: to' byid: da:.

DANIELA 6:14

He: ziri khokham phoo shoug" gyoo: lhang" nyang: myid apyoo: hau: Daniela ri yo" khyoid yu wa khyoo: dakhaid khaid shoug" shoo: sho' ge bue" yhi' sho: da:. Nyang: gi bidvang sho' sho: nyid ashi" da:.