DANIELA 11:22 - Lacid Common Language Bible

²² Mangso da" khainjung moo" ri koid yhang: ti" nyang: ri ngeug thug lho: gyi phug koid yug hang" ri nghoid loug we' jhoid za: shoem" thu pyam wa zi shau" wa.

DANIELA 11:22 Referans Kwoze

DANIELA 11:10

«Suri khokham da" yuggi zoo: yigi gyi: zain wa soin' lho: gyidab zeing daloem: khe: zheing" yu loo wa. Nyangnu" mo dayug gi dagyid yhang: ti" je: nghoeb lo lho: gyivoo daphung da" gyikhoug: zung ri khaid zain wa.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

NAHUM 1:8

Nyang: gi gyi" sho' da" gyid khyoid zoo" yo' dakhyoo" ti" nya: da" gyivoo joem ri jhoid phyo' sain" pyam bye:. Nyang: gi nyang: ri gyi tau" koid mo, ri shid: jang" khyoo: nhang: kaid bye:.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

AMO 8:8

Houg: yoomo mougmyid gi myid leig leug loo: wa. Mungdain: khoug: moo nyid da" byu yi yugkhang" moo" gi seing" kho" lo boem wa. Damung" goin" yoid yoid ga: lei" lo wigi hau: zigi Nila gyid gyung: je: gyo" lo ziyo' dakhyoo" ti" nghoid wa.

ESAIA 28:15

Shid: bang: yo' myid veing" khyoo: koid too" bye: Moovo moug: ju" sho' myid veing" khyoo: koid too" bye: ga: nanu" phau: ago". Yau: khi" kyi" khyeug ju" lo uri nanu" ri teing too" khoo' wa ga: gyeing" nyang: myid loem nyid ago". Ciwim gari nanu" ri goem loem byid: wa shid re" anghoid zi tid lho: mhoug fain" ziri nanu" khau: nghe: yoomo nghoid ago".

DANIELA 11:23

Nyang: gi myid veing" dang: theing joem koid khyo" gootu: mungdain: joem ri mhoug fain" pyam ziyo' nyang: gi mungdain: ngi daloem: ri za: davhoeb loug we' je je yoem: gyi: loo wa.