DANIELA 11:17 - Lacid Common Language Bible

¹⁷ Suri khokham gi nya: gyidab dangain" ri shu" lho: gyi khaid yhi: wa khyo" soin' nyid da:. Hau: thang: nyang: gi nya: da" gyivoo mungdain: ri yo" phyo' shoin' sho' ga: myid soin' lho: nyang: yo' bidnoem xo' wigi nyang: ri nya: da" myiyi: zoo: byid: zho" loo wa. Nghoid loug we' nya: da" myid soin' to" khyoo: gi oung: doid wa zi anghoid.

DANIELA 11:17 Referans Kwoze

EZEKIEL 4:7

«Yerusalem vang: lheing to" ziri zhug yu" nyid we'. Voomoo" moo re" lo, zhoeb lhei" shug wigi hau: ziri thougtheung lapi: pi: we'.

EZEKIEL 4:3

Jo, to' pyi" dapyi" ri yu wigi nang yo' voomoo" agyoo: moo vang yhang: ti" zhug too" we'. Voomoo" shoid khyoo: myonhoo: shu: we'. Hau: ziri vang: to" wigi nang gi hau: ziri vang: lheing too" su: nghoid. He: zigi Israela byumyu" yi shid re" alhoo: nghoid.

2 KHOKHAM 12:17

Hau ayo, moo Suri khokham Hazaela gi Gad voomoo" ri meing: re" zain: lho: hau: ziri oung: pyam da:. Houg: lang" nyang: gi Yerusalem ri zain: wa shid re" myid phyed to" da:.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

LUKA 11:23

Nga" thang: adab su: gi nga" gyivo thang: dab su: nghoid. Ngoo yo" dadeing: daloem: za: anghoid su: gi abyoo asain" nghoid nyid.

LUKA 9:51

Yesu moug: khung: khyoo: do, loo" wa da" ayo, jhangloo lang" nyang: gi myid kho: ci: lho: Yerusalem voomoo" khyoo: yhe: lo" nyid.

MATHE 12:30

«Nga" tab adab su: gi nga" da" gyivoo tab' dab su: nghoid. Ngoo yo" dadeung: daloem: za: ashoin" too" su: gi abyi asain" nghoid nyid.

DANIELA 11:19

Hau: khokham gi nyang: seing: da moug: mo gyikhoug: zung joem khyoo: doem tau" loo" wa. Nghoid loug we' nyang: ri oung: pyam boem wigi hau zigi nya: da" lo" thang khyoo: bue" byug wa.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

EZEKIEL 25:2

Nyang: tid zigi «Shid: se' da" byu we"- Amon mung" ri ngeug he: pyam we'.

EZEKIEL 17:17

Babelon byu yi wigi byu myoo" sho' ri yo" said pyam wa shid re" myidzhoo" boem" yo' gadug joem ri du: uri yoem: so' gyi: da" Egutu khokham lang" nyang: ri gyipui" moo ayo" pang" yu wa.

DANG: ZHOEM 19:21

Xangsu: byu yigi ja: khang" moo" ri myoo" sho' soin' nyheung too: nghoid loug we' Aseing myid vho: khyoo: za: dabue" loo wa nghoid.

COUNG" NGHEI 56:9

Ngoo nang ri yoid khe: nyid bidnyid moo nga" gyivoo joem gi zoid phang: lo" boem wa. Mangsoo gi nga" shoid khyoo: bo nyid ziri ngoo se'.

2 KHOKHAM MHOOMYID: 20:3

Yehoshaphad gi gyoug wigi khyoo: shid byid: wa shid re" Aseing ri akyu" mho' da:. Hau: thang: nyang: gi Yuda mung" goin" khyoo: zoo: noem jang" goo" wa shid re" amyeing" khyo' kaid da:.

HABAKU 1:9

Nyangnu" da" gyizoo: gi athoug" akhyoug: koid zain: oung: yu wa shid re" jhen" do, lo wigi nyangnu" ju" tain" to ziyo' dakhyoo" ti" yugkhang" moo" gyoug nain" zi shau" nyid boem. Nyangnu" shau" myheig yu da" gyipui" mo byu yi gi midcoo: su" myo: lug jo, ago".