COUNG" NGHEI 127:3 - Lacid Common Language Bible

³ Zooshang: yigi Aseing jang" mo jeju" jhungshug nghoid. Nyangnu" gi mainkaid jeju" agyeing" nyang: nghoid nyid.

COUNG" NGHEI 127:3 Referans Kwoze

TARHA" TID POIN" 28:4

«Aseing gi nanu" ri zooshang: yi myoo" sho' gug zoo athang agoin- nu: yo' yang myoo" sho' mainkaid byid: wa zi nghoid.

1 SAMUELA 1:27

He: zooshang: shid re" ngoo nyang: ri mho' ziyo' dakhyoo" ti" nyang: gi ngoo ri byid: bye:.

ESAIA 8:18

Ngoo gi Aseing wigi byid: to" da" zooshang: yi' yo' dage" nghoid. Ziun boem mo zhungtang moo zhung: da" myhang: thang Aseing gi Israela byu yi shid re" dei nyid da" mungdang: khyo" ngoonu" ri nhang: to" abye:.

APOEM AYANG: 48:4

Nyang: ngoo ri ‹Re" da" amyed ashen yigi byumyu" zeing myoo" sho' bue" loo sho' ngoo gi nang ri zoo: du myo: loug loo nhang: wa. Nyangnu" apyaid atoo: seing: nyid wa shid re" ngoo gi he: mougmyid ri re" amyed ashen yi lo, khyoo: byid: wa› ga: tid to"» ga: wigi tid.

APOEM AYANG: 33:5

Eso gi ayam moo yu" yu" kaid lho: myiyi: joem yo' zooshang: joem ri myang lang" nyang: gi «Nang yo' lo da" hid: bang: hang" bi" nghoid» ga: wigi myid. «Yhoem: seing: we"- he: da" zooshang: yigi Mangsoo ngoo ri gam byid: da" bang: nghoid» ga: Yaku tid kyo".

APOEM AYANG: 1:28

mainkaid dang: «Re" tang: da" amyed ashen yigi moug: gyab goin" nyid byeung" lo" wigi dei mo dei nyid moo nyid ri vhoebkhang" seing: nyid wa shid re" zooshang: myoo" sho' nyid myoo: nyid je: lo" boem ge'. Ngoo gi nanu" ri wimdo, joem ngho' joem siyoo gougnyhoug dangain" ziri vhoebkhang" nhang: wa.

APOEM AYANG: 24:60

Houg: lho: nyangnu" gi «Nhammoo" nang gi moin moin sen sen da" nya: myhi' bue" loo baja". Re" da" amyed ashen yigi gyivoo joem ri zain: oung: pyam mo, bue" loo baja"» ga: da" dang: yo' mainkaid dang: tid kaid byid: bye:.

1 KHOKHAM MHOOMYID: 28:5

Nyang: gi ngoo ri yuggi zoo: myoo: sho' byid: wigi houg: bang: dangain" mo nyang: gi Aseing da" mungdain: Israela ri vhoeb wa shid re" Sholumon ri khyen: yu da:.

ESAIA 13:18

Nyangnu" da" lid: yo' myoo: joem wigi zoolu: yiri said pyam boem goo" wa. Nyangnu" gi zoonu" yiri nheig khyeug myid aboo goo" wa. Zooshang: nu" yiri nheig akhyeug goo" wa.

APOEM AYANG: 4:1

Hau: thang: Adam gi nya: yhoem: seing: myhi' yo' zoem" wigi myhi' zeing gi zoonu" gung bui" bye:. Nyang: gi yuggi zoo: khu: wigi «Aseing pang" thoug byid: yoomo ngoo gi yuggi zoo: yoo" bye:» ga: tid. Houg: yoomo nyang: ri Ka-in ga: myeing myheing.

TARHA" TID POIN" 28:11

Aseing gi nanu" ri byid: wa ga: nanu" phoug" phyid" yiri dangsoo" byid: to" da" mung" moo: zoo: yi myoo" sho' nu: myoo" sho' yo' gug shi" mei: shi" athang agoin mainkaid byid: wa zi nghoid.

TARHA" AGYI 12:9

Nyang: gi yuggi zoo: soem" xi: yug yo' myiyi: zoo: soem" xi: yug yo" da:. Nyang: gi nya: myiyi: zoo: yiri gootu: byumyu" kung: yiri byid: zho" wigi nya: yuggi zoo: yiri lo, xo' yu wa shid re" gootu: byumyu" kung: mo myiyi: nu" soem" xi: yug ri shu" yu da:. Ibzan gi Israela byumyu" yiri nyhed zain shu" vhu" she: da:.

2 SAMUELA 3:5

Egla nya: zoo: Itream bang: nghoid ago". He: zoo: yi dangain" gi Hebron moo khu: zi nghoid.

1 KHOKHAM MHOOMYID: 8:40

Ulam da" yuggi zoo: yigi bugthu sheing" jhu" da" gyizoo: yi yo' lid: ci: kung bang: nghoid da:. Nyang: gi yuggi zoo: yi yo' myid: zoo: yi dangain" dasho: wim: xi: yug yo" da:. Atho' moo: myeing bo da" bang: dangain" gi Benyamin kung: moo: bang: nghoid ago".

YOBA 1:2

Nyang: gi yug gi zoo: nyhed yug yo' myiyi: zoo: soem" yug yo" da:.