COUNG" NGHEI 127:2 - Lacid Common Language Bible

² Nab kyoo no" no, to' wigi bidvang moug: coid sho' ayhoeb ayu: voem: doug: khu: moo" zo" shid mo khayhi' myoung: dau zoore" dazei: nyid nghoid lug we' akoem: za: danghoid- khasu" wim ga: ri Aseing gi- nyang: jheddab mo, ri dayhoeb, jo, shi" re- nyangnu" moo: ca" nyid khyoo: ri byid: nyid bye:.

COUNG" NGHEI 127:2 Referans Kwoze

PHAJHI" DANG: 5:12

Moo" zei: yug gi zoo: wa gi" sho' yo" ri yoo" wa ayo" ri ayoo" wa. Nghoid loug we' nyang: gi nheing: thang myen" ri nyeing" za: shoug" yhoeb yu da:. Nghoid loug we' sung yoo" zoo: yoo" shug su: koem' gi myid myoo: yoomo ayo" yhoeb nghoid da:.

COUNG" NGHEI 4:8

Ngoo jhang" jo, uri ngei pyo: ziyo' ngoo yo" yhoeb lo. Aseing we"- nanyang: za: ngoo ri joeb joeb byeung" byeung" gau: yi joyoo moo: nyhid: too" bye:.

YOBA 11:18

Nang gi goem loem ziyo' myid byu jang: byeung" sho' yo' dei nyid wa. Mangsoo gi nang ri lhoug zung" byid: wigi doug yo" no: yu wa.

COUNG" NGHEI 3:5

Ngoo gi jhang" lho: yhoeb jo, Aseing gi ngoo ri damyen goin" goem loem lhoug zung" byid: nyid.

YEREMIA 31:26

Houg: lang" byumyu" yigi ‹Ngoo yhoeb myhid lo" wigi yoem: seig yo' doem so" re"› ga: tid goo" wa.

EZEKIEL 34:25

Ngoo gi nyangnu" da" goem loem khyoo: shid re" loem ge" da" dang: theing daloem: ri nyangnu" yo' koid too" wa. Ngoo gi hau: mougmyid mo gyoug ca" ja: gougnyhoug joem dangain" ri shoem" yu pyam wa. Houg: lang" nga" yang joem gi coung" yoo moo goem loem tung" yo" nyid wigi siyoo khoug: moo yo" yhoeb loo wa.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 6:7

Byu dayug gi zoo: wa shug wa toeb za: yoo" wa shid re" moo" zei: nghoid loug we' khanham we' tham: zo: ga: zi ajo,.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

COUNG" NGHEI 60:5

Nang jheddab da" byumyu" yigi khyoid khyi: yu zi shoug" wa shid re re" da" myonhoo: yoem: vhoo" yo' ngoonu" ri khyoid yu we' ngoonu" da" akyu" mho' thui: ri tu" byid: we'.

DANG: ZHOEM 10:22

Nang jonu" yo" lo zigi Aseing mainkaid jeju" nghoid. Hougmoo: myid myoo: ung: loug khyoo: ci" we' aboo.