COUNG" NGHEI 127:1 - Lacid Common Language Bible

¹ Aseing gi hau: yhoem: ri akoid to" nghoid rigi yhoem: koid mo, da" moo" zoo" gi Akoem: za: danghoid nyid. Aseing gi hau: voogung ri azung" lhoug nghoid rigi voogung ri lhoug zung" bang: da" goem loem khyoo: gi amyed aji za: danghoid.

COUNG" NGHEI 127:1 Referans Kwoze

DANG: ZHOEM 16:9

Re" moo" zoo" joem ri nang kyam: too" nghoid loug we' Mangsoo gi hau: ziri khyoo: shed byid nyid.

1Korinthians 3:7

Houg: yhang: ti" sho" too" su: yo' gyid shoin" su: gi ci" we' anghoid- youg gyi: loo nhang: da" Mangsoo za: akhyag zeing nghoid nyid.

COUNG" NGHEI 124:1

Aseing gi ngoonu" shoid vhang: khyoo: ato' bo bi" nghoid rigi Cito' bui" wa lha". Israela bi" we"- tid yu" we'.

ESAIA 62:6

Yerusalem we"- re" vang joem adang moo gyi zung" bang: ri ngoo to" too" bye:. Nyangnu" gi myen" ri nyid" ri khanham we' sam: zoo: age nyid boem wa. Nyangnu" gi Aseing nya: da" dangsoo" joem ri tid poin" ca" goo" wa nghoid. Nyangnu" ri nyang: wigi khanham we' ato" myhid nhang: wa.

1 KHOKHAM MHOOMYID: 28:10

Aseing gi nang ri nya: gyeung" shang: da" Noku Yhoem: Moo" ri koid wa khyen: to" khyoo: ri nang myid boin: ca" da:. Akhid" hau: ziri koid we' myid phyed wigi koid we"» ga: tid da:.

YEREMIA 51:12

Babelon vang joem ri khaid zain: wa avoid asoo" byid: ge'. Zung" bang: ri yoem: lung: ge'. Jooyu" bang: ri nyhid: too" ge'. Gyi phung: yi gau" khau: nyid ge'» ga: amyeing" byid: bye:. Babelon byu yiri nyang: koid wa ga: tid too" bye: ziri Aseing koid bye:.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

1Korinthians 15:14

Hau: lho: Khristu gi shid: da" jang" mo adoem dei to' loo nhang: shi" nghoid rigi- ngoonu" we' ci: kho" kyoo" joyoo ajo. Nanu" we' ce: loem" jeing" wa khyoo: ajo.

COUNG" NGHEI 121:1

Ngoo gi boem lang khyoo: nghang yu" kaid wa ngoo ri pang" thoug wa khyoo: gi khayo thu loo wa lha".

COUNG" NGHEI 123:1

Aseing we"- nang vhoebkhang" nyid joyoo- mougkhung: mougdi khyoo: ngoo nghang yu" kaid ri

COUNG" NGHEI 120:1

Ngoo yau: khe" kyi" khyeug zi shau" nyid uri Aseing ri ngoo yoid khe" wigi ngoo ri nyang: tu" byid: bye:.

COUNG" NGHEI 125:1

Aseing moo: loem khau: nyid bang: gi khanham we' thoin dei gyeig ayu: da" Ziun boem yhang: ti" dajo, jo.

COUNG" NGHEI 78:69

Hau: joyoo moo mougkhung: mougdi mo nya: yhoem: yhang: ti" nya: Noku Yhoem: Moo" ri: zhoug to" abye:. Pyaid didu moo: geung teung jo, da- mungdain: ri yhang: ti" hau: ziri nyang: geing: geing: teing teing: tu: zhoug too bye:.

ESAIA 56:10

Nyang: gi «Nga" byumyu" yiri tid poin" byid: wa ein: jho: da" vhujhung: yigi myo, jid yi nghoid ago". Nyangnu" ci: we' asi' nghoid ago". Nyangnu" gi agyab lho: zung" yu" nyid da" lakhuid" yo' du. Houg bang: gi yhoeb jo, wigi yhoebmo, za: mo, nyid. Nyangnu" yhoeb so' za: kho' ago".

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

COUNG" NGHEI 126:1

Aseing gi ngoonu" ri Yerusalem voomoo" khyoo: doem: shu" tau" lo" da" uri houg: gi yhoeb mo, ti" za: nghoid.

COUNG" NGHEI 122:1

Nyangnu" gi «Aseing yhoem: khyoo: yhe: lo" boem shang» ga: wigi nyangnu" ri tid uri ngoo gi gau yi bye:.

ESAIA 27:3

«Ngoo gi hau: ziri zung" wigi byeing abyid loo: gyid shoin" da:. Hang" we' hau ziri dam ayo" tab wa shid re" ngoo gi myen" ri nyid" ri lhoug zung" nyid.

1 KHOKHAM MHOOMYID: 29:19

Re" amyeing" dang: ja: khang" moo" ri tam" gyo: cang yhe: myid yo' he: ngoo soin' nyheing to" da" Noku Yhoem: Moo" koid moo" ri oung: khoug: nheigloem: dangain" yo' koid wa myid nga" zoo: Sholumon ri byid: we'» ga: coung" bye:.

GALATI 4:11

Ngoo nanu" jang" moo moo" zei: lo zigi akoem: danghoid byug la! ein: wigi nanu" khyoo: ngoo gung you, yau nyid.

SHOLUMON JIKHOIN" 5:7

Voomoo" ri lhoug zung" bang: ngoo ri myang wigi nyangnu" ngoo ri mi: sho' baid ago". vooyam khyam: zung" bang: gi nga" byi: ri lang: ceig pyam boem ago".

SHOLUMON JIKHOIN" 3:3

Voomoo" zung" bang: ri myang wigi ngoo gi nyangnu" ri nanu" nga" jhed ri abo myang goo" la" ein: myid: bye:.

YEREMIA 51:31

Nya: voomoo" gi shoid khang" moo" byo, yoin" vang lo da" khyoo: Babelon khokham ri yhe: tid kyoo" byid: wa shid re" lagyoo: dayug thang: dayug tang" yhe: ago".

COUNG" NGHEI 72:1

Mangsoo we"- re" da" deingmain" da" khyoo: yo' Tarha" dang: phyed wa shid mo khokham phoo ri jhau" byid: we'. Re" da" tarha" nyeung veung" khyoo: nyang: ri gam byid: we'.

TARHA" TID POIN" 8:18

Nanu" ri jonu" yoo" wa yoem: so' byid: da" yug gi nanu" Aseing Mangsoo nghoid ziri myid boin: ge'. Nyang: hid: su" koid zigi nanu" phoug" phyid" yi yo' nyang: koid to" da" dang: theing adang mo nyang: akhid" nyid" ju" sho' dang: zung" nyid shi" yoomo nghoid.

YOSHU 2:2

Yerikho voomoo" mo khokham phoo gi mungdain: ri jooyu" wa shid re" Israela byu dayham" hau: myen ju" re" ga: ziri shau" gyo: da:.

1 KHOKHAM 5:12

Aseing gi nya: dangsoo" ri pyeing bye: ziyo' Sholumon ri phajhi" byid: bye:. Hiram yo' Sholumon gi nyang: cang" nyang: dang: theing koid to" wigi nya: tang: agyoo: moo: ngei pyo: yug yo nyid da:.