ACTS 9:27 - Lacid Common Language Bible

²⁷ Hau: thang: ri Barnaba gi Sholu ri lagyoo: yi jhang khyoo: shu" yhe: lho: khyoo: moo sholu gi Aseing: yo' khasu" shau" go" da" khyoo: ri we' Aseing: gi Sholu ri khasu" ga: tid da" khyoo: ri we' sholu gi damasku voo, moo Aseing: yesu da" myeing ri lang: lho: agyug avoem, khasu" ga: kho" kyo" loo bye: da" khyoo: ri we' - lagyoo: yi ri tid kyoo" bye.

ACTS 9:27 Referans Kwoze

ACTS 4:36

Houg: lang" lagyoo: yi wigi Banaba ga: myeing lhid: myheung byid: da" (Banaba ga: zigi yoem: byid: su: ga: zi nghoid) kupru gugyoo: kang: moo khu: lo da" Levi byumyu" Yoseb we'

ACTS 4:29

Asing: we" akhid" nyangnu" youg nhain, nyid da" khyoo: ri re" mungdang: ri yo" kho" kyoo" nhang: we'.

ACTS 4:13

Yuda tarha" yab, do, moo nyid mo, gi-Petru yo' yohan eig youg da" voem" nheigloem: ri zheung: myang boem yoomo nya: eigyug gi phajhi" abo da" yu" maya" byu nghoid ziri se' boem yoomo mau" hang" to" boem ago". Hau: thang: ri nyangnu" gi Petru yo' yohan eig yug gi shid phyang" Yesu da" luzoem" cang" yi nghoid ziri se' boem.

GALATI 2:13

Yuda mangnhhung" gooji yi we' Petru yo' dage" seing" ayang" mo, yhang: ti"- bo zheung: thu' lo" boem yoomo Barnaba lang" nyangnu" yo' bo yho' thu lo" nyid.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

1Korinthians 15:8

Lo" thang jang" moo: gi ngoo bidnyid abyeung" shi" ri khu: lo da" zooshang: te" su: jang" moo: we' nyang: thu' shug bye.

1Korinthians 9:6

Ngoo yo' Barnaba nga" eig yug za: zoo: wa shug wa shid re"- moo" zei: ca" nyid la"

ACTS 15:2

Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 12:25

Sholu yo' Barnaba eig yug gi nya: eig youg da" moozoo" ri bain, zei: lang" Yohan Marku ri shu" lho: Yerusalem voomoo" mo doem, phang: thu' lo" ago".

ACTS 11:25

Hau: thang: ri barnaba gi Tarshu" voogung khyoo: sholu ri yhe: sho.

ACTS 11:22

He: ludang: ri Yerusalem voo mo phung byu yi shau" gyo: ri nyangnu" gi Barnaba ri Antioki voo khyoo: nhang: kaid' ago".

ACTS 9:17

Houg: yoomo Anania gi Sholu nyid da" yhoem: khyoo: vang yhe: lho: Sholu da" atho' moo nya: lo, yhe: ki" byid: wigi mang: nhung" phoo Sholu we" - nang he: voogung khyoo: do, lo da" uri khyoo: moo nang ri toin" shid' byid: da- Aseing Yesu nyang: wigi ngoori re" jang" moo nhang: kaid' zi nghoid. Nyang: gi nang myo, doem myang loo wa shid mo we' gyeungshang: da" venyi yoo" baja" ga: we' ngoori nhang: kaid' zi nghoid- ga: nyang: ri tid kyo.

ACTS 9:29

Sholu gi Grid" myeing" kaid' da" Yuda yi we' - tid ngeig go" nyid. Nyang: nu" gi sholu ri said' pyam' wa ga: soin' ago".