ACTS 9:10 - Lacid Common Language Bible

¹⁰ Damasku voogung moo- loem" jeung" da" Anania ga: da" byu dayug nyid. Nyang: yoeb, myang myang jang" moo Aseing: gi Anania we"- ga: tid. Anania gi Aseing: we" ngoo hid: moo nyid o" - ga: phoug tu.

ACTS 9:10 Referans Kwoze

ACTS 22:12

Ngoonu" da" tarha" ri phau" cang nyid su: nghoid ziyo' Mangso khyoo: ri kang: lung bu su: nghoid wigi-Hau: voogung moo nyid da" Yuda byumyu" yi dangain" mo, we' - coem phau" myang: nyid da" - Anania ga: su: byu dayug gi nga" jang" moo ju" re.

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

APOEM AYANG: 22:1

Hau: thang: khamyhang amyang" ri Mangsoo gi Abraham ri jham" yu" bye:. Mangsoo gi nyang: ri «Abraham we"» ga: khi: lang" Abraham we' «Nyid- ngoo hid: moo nyid» ga: tu" kaid.

ESAIA 6:8

Hau: thang: «Hang" ri ngoo nhang: kaid wa la". Ngoonu" da" lagyoo: hang" nghoid wa la"» ga: Aseing tid ziri ngoo shau" gyo:. Ngoo gi «Ngoo yhi: wa ngoo ri nhang: kaid la» ein: phoug tid bye:.

1 SAMUELA 3:4

Aseing gi Samuela ri khe: da:. Nyang: gi shoug" gyoo: bye: «Aseing we"» ga: tu" kaid.

THU' LO" MOUGSOUG" 3:4

Moshe tab tab yhe: lo" zi Aseing myang lang" mhain" pung akhoug: mo nyang: ri khe: lho: «Moshe- Moshe» ga: yoid nyid. Nyang: gi«Nghoid- ngoo hidmoo nyid» ga: phug tid.

APOEM AYANG: 31:11

Mangso moug: lagyoo: gi yoeb mo, moo nyang: ri «Yaku» ga: yoid lang" ngoo we' «o"» ein: phug tid kaid.

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

DANIELA 2:19

Hau: thang: hau: myen ri nyang: hau: mau" pho" khyoo: ri Daniela jhang yhoeb myang moo pang shug yoomo mougkhung: Mangsoo ri coung" da:.

2 SAMUELA 15:26

Nghoid loug we' nyang: ngoo ri myid adab loo: nghoid- ci: aca"- nyang: myid vho: khyo" koid baja"» ga: tid.

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

APOEM AYANG: 14:15

Houg moo: nyang: gi nya: byu yiri byu phung: kho' lho: gyivoo yiri damyen goin" zain: lho: nyangnu" ri oung: pyam. Nyang: gi nyangnu" ri Damasku da" mougzhung: shoid mo Hoba voo moo ju" sho' cang khaid lho:

ACTS 9:9

Sholu gi soem" nyid" loem: loem: nyang: myo, amyang loo- hau: bid, nyid gyoo: moo nyang: gi ci" we' azoo: ashug loo: nyid nyid.

ACTS 11:5

" Ngoo gi Yopa voogung moo akyu" mho' nyid uri yoeb, myang da ja: ri shau" myang bye. myed: khyau: jang" moo zei: ci: da" mi, join' yo' dei, zi da ja: moug: khung: khyo" yhoin" khyo' kaid' ziri ngoo myang- Hau: zigi nga" nam, moo re" theung: jo.

ACTS 12:9

Petru gi thung: yab, mo thu lo" lho: nya: thang: moo cang yhe: lo- Nghoid loug we' Petru gi moug: lagyoo: koid nyid da" moozoo" gi gi" gi, nyang: nghoid ga: ziri nyang: asi shi" nghoid da.

ACTS 16:9

Polu gi myen" ri yoeb, myang myang jang" moo Makedoni byu dayug gi yab, jo, lho: Makedoni mung" khyoo: gu: re" lho: nyangnu" ri re" khyoid yu we' ga: mho' nyid ziri myang.

ACTS 16:10

Polu gi he: da" yoeb, myang ri bain myang lang" - nyangnu" gi Makedoni mung" khyoo: yhe: loo" wa shid re" soin' nyheung boem bye. khasu" wim gari Makedoni mung" moo nyid, mo, ri ludang: seig kho" kyoo" byid: wa shid re" Mangsoo gi ngoonu" ri khe: yu zi nghoid bye" ein: ngoonu" myed jhoo: yoomo nghoid.

ACTS 18:9

Myen" damyen, moo Polu gi yoeb, myang daja: ri myang bye- Hau: yoeb myang mooAseing: gi Polu ri ‹‹Agyug- xo' lho: kho" kyoo" we' Yoem: ashoin: khasu" wim gari ngoo gi nang yo' dage" nyid.

2~KORINTHU 11:32

Damasku voogung moo ngoo nyid a uri Khokham" areta da" vhoo: mo mung" zoug: phoo gi ngoori myheung yu wa shid re" vogung khoem" duang: joem moo goem leom ri zung" nhang: to".

GALATI 1:17

Hau: tho' moo gootu: nga" shid' moo lagyoo: nghoid nyid mo, yo' yhe: shau" goo" wa shid mo, ngoo Yerusalem khyoo: ado, loo" loo: za: Arabi mung" khyoo: dalheing: dam yhe: lo" lho: Damasku voo moo doem, lo.

ACTS 9:12

Nyang: gi yoeb, myang moo Anania ga: su: dayug vang re" wigi nya: myo, doem myang loo wa shid mo Nya: vhuloem tho' moo lo, ki" byid: ziri myang bye: - ga: tid.