ACTS 8:7 - Lacid Common Language Bible

⁷ Akhyeung" yu, vang ci: da" byu yi myoo" sho' mo yu joem gi yoid nyho: lho: phang: thu lo" boem ago' ajoem: shid: mo, myoo" sho' yo' Khyid: yoin" mo, myoo" sho' bang: we' ge lo" boem ago".

ACTS 8:7 Referans Kwoze

MATHE 10:1

Aseing Yesu gi cangzoo: daxe: eig yug ri bain khe: yu lho: ayung" alho, da" yu ri khaid thu' pyam' wa zi we' ana: yo" ga: aja: ja: ri ge loo" nhang: wa shid re" we' yoem: vhoo" amyeing" ri byid.

ACTS 5:16

Yerusalem voomoo" ayam, aqei: mo da" mung" byu yi we' noo phyoo" shau" mo, yo' akhyeung" da" yu vang ci: mo, ri shu" re" boem ago". Houg: bang: dangain" mo, gi noo phyoo" ge, shang lo" byug boem bye.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.

YOHAN 14:12

Deing" deing nanu" ri ngoo tid da" zigi ngoori loem" jeing" su: gi ngoo zei: da" moo" ri yo" zei: wa. Hau: tho' re je gyi: da" moo" ri we' yo" zei: wa nghoid. Khasu" wim gari ngoo gi phoo jhang khyoo: loo" wa yoomo nghoid.

LUKA 10:17

Cangzoo: nyhed xe: eig youg bang: gi gye" gau yi ziyo' doem zheing: ju" lo boem lho: Aseing: we"- ngoonu" gi Aseing: da" myeing ri lang: lho: amyeung" byid: lang" yu joem lang" ngoonu" dang: ri tam" gyo: boem ago" ga: lo tid kyo" boem.

MARKU 9:26

Hau: akhyeung" da" yu gi yoid nyho: lho: hau: yuggi nu" ri lang: thain; joeb loo: nhang: lho: nya: khyoug: mo thu' lo,- yuggi nu" we' shid: mang yhang: ti" daleung jo, lo:- byu myoo" sho' mo, gi nyang: shid: abye: ga: coem tid ago".

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

ESAIA 35:6

Khyid gyoug: su: thau" byam wigi go" loo goo" wa. nhoid jed bang: gi ngei pyo: wigi nyho: loo wa. Gyidzoo: gyung: gi dain" pyoid yoo khyo" yau lid loo wa.

ACTS 8:6

Meing: byu yi gi philib, tid da" dang: ri tam" gyo: yu boem lho: Nyang: koid da" mau" pho" alhoo: again joem ri myangboem yoomo nyangnu" gi nheigloem: zhug zhug za: mungdang: ri tam" gyo: yu boem ago".