ACTS 8:39 - Lacid Common Language Bible

³⁹ Nya: eig yug gi gyid mo doem do' loo lang" Aseing: da" Venyi gi philib, ri shu" lo" byug bye. Hau: zoug: phoo gi Philib, ri adoem myang loo: nghoid da. Nyang: gi ngei pyo: ziyo' nya: gyung: khyoo: moo doem xo' so" lo" da.

ACTS 8:39 Referans Kwoze

1 KHOKHAM 18:12

Ngoo thu loo" yo' dage" Aseing da" Venyi: gi nang ri ase' da" joyoo gootu: khyoo: shu" lo" nghoid rigi khasu" koid wa la". Hau: thang: nang hid: moo: nyid khyoo: ri ngoo Ahab ri tid kyo" wigi nyang: nang ri amyang lang" nyang: ngoo ri said pyam wa zi nghoid. Ngoo gi zooyam pyaid mo Aseing ri loem khau: noku su: nghoid ziri boin: we'.

2 KHOKHAM 2:16

«Ngoonu" hid: moo wim: xi: yug nyid dangain" bang: gi yoem: boo mo, za: nghoid. Re" yhoem: seing: ri yhe: sho: yu" shang. Aseing da" Venyi: gi nyang: ri shu" lo" byug wigi boem anghoid lang" janggyoin: moo too" kho' ri too" khoo' abe» ga: tid ago". Elisha gi «Nanu" age yhi: goo" wa» ga: tid.

EZEKIEL 11:24

Yoeb myang moo Mangsoo Venyi: gi ngoo ri vu, yu wigi Babelon mo pyoung" she: nyhid: too" shoug" bang: jhang doem shu" lo" da:. Houg: lang" yoeb myang shoem: byug bye:.

EZEKIEL 8:3

Nyang: gi lo, yhang: te" ze wigi yhoin" kaid lho: ngoo ri xam: mo zhoeb yu da:. Hau: thang: he: yoeb myang moo Mangso da" Venyi: gi ngoo ri moug: laid moo shu" to' yu wigi ngoo ri Yerusalem khyoo: shu" yhe: lo" da:. Nyang: gi ngoo ri Noku Yhoem: Moo" mougzhung: shoid khoem" moo" duang: akhoug: shoid khyoo: shu" yhe: da:. Hau: joyoo moo Mangsoo ri nheigloem: yoin nhang: da" yu phara" soolhoo: daloem: jo,.

EZEKIEL 43:5

Aseing da" Venyi: gi ngoo ri tu: to' yu wigi ngoo ri akhoug: shoid shava jang: khyoo: shu" lo" da:. Hau: joyoo moo Noku Yhoem: Moo" moo Aseing da" phung" yoeb byeung" jo, ziri shau" myang.

EZEKIEL 11:1

Mangso da" Venyi: gi ngoo ri tu: to' yu wigi Noku Yhoem: Moo" da" bidthu shoid khoem" duang: moo" khyoo: shu" yhe: lo" da:. Hau: khoem" duang: moo" anam moo byu eig xe: wim: yug ri ngoo myang. Houg bang: moo byumyu" yi vhujhung: eig yug nghoid da" Azura da" yuggi zoo: Yazania yo' Benaia da" yuggi zoo: Pelatia tang: bo da:.

MARKU 1:10

Gyid mo thu loo lang" - moug gung bang" lo" lho: gyeungshang: Venyi gi pheung" kyoug" yhang: ti"- nya tho moo re" gyoo" no: ziri nyang: myang.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

YAKU 4:16

Akhid" nanu" koem gi nheigloem: gyi: lho: phau: khuang se' nyid ago"- hougsu" phau: khuang da" khyoo: bain sho' gi shoid da" khyoo: nghoid.

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

ACTS 13:52

Antioki Voogung moo nyid da" loem" jeing" bang: gi gye" ngeibu: boem ziyo' gyeungshang: da" Venyi yo' byeung" jo, ago".

ACTS 8:8

Hougsu" nghoid yoomo voomoo" khoug: mo byu yi gi gye" agau yi ngei pyo: lo boem bye.

MATHE 13:44

«Mougkhung: mungdain: gi hid: su" bue" ziyo' du nyid. Byu dayug gi yoo dakhyang" moo myhoeb to" da" phougdab ziyoo ri myang- Houg: lang" nyang: gi dalheing: doem myhoeb too" khoo, lho: gau yi da" nheigloem: yo" lo" wigi nya: ziyoo dangain" oung" pyam lho: doem tau" yhe: wigi hau: yoo ri qei yu.

MATHE 3:16

Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

COUNG" NGHEI 119:111

Re" da" Dang: theing khoin" joem gi pyaid didu mo nga" da" ziyoo jonu" joem nghoid nyid hau: zigi nga" nheigloem: ung: khoug: gau, yi ngei pyoo: jo yoo nghoid nyid.

COUNG" NGHEI 119:14

Zi yoo joem myoo" sho' ri: yo" kham: yu wa da" tho' moo gi re" da" amyeing tarha" ri tam" gyo: cang nyid wa zigi ngoo je" vho: ngei nyid.

ACTS 16:34

Hau: thang: ri nyang: gi Polu yo' Sila eig yug ri nya: yhoem: khyoo: shu" lo" wigi zoo: noem we' doo" zhoo" bye. Thung: agyi phoo yo' nya: yhoem: byu yi gi Mangsoo ri shau" loem" jeung" lo boem bye: yoomo gye" nyang: ngeibu: gau yi nyid boem bye.

EZEKIEL 37:1

Ngoo gi Aseing shidkhoin" mo yoem: so' ri shoug" kham zo: lho: nya: da" Venyi: gi ngoo ri shu" lo" wigi myidjang moo shooyoug: byeung" jo, da" lang: khau: moo lo" nyhid: to" da:.

ACTS 8:29

Gyeungshang: da" Venyi gi Philip, ri hau: myang: rheing" khyoo: tab' tab' yhe: loo" we' ga: tid da.

ACTS 8:38

Houg: lang" hau: zoug: phoo gi myang: rheing" ri theing: wa da" amyeing" byid: lho: nya: eig yug goin" gyid khyoo: gyoo" yhe: wigi Philib, gi hau: zoug: phoo ri babtisma kham: byid: bye.