ACTS 7:55 - Lacid Common Language Bible

⁵⁵ Nghoid loug we' Stephain gi gyeungshang: da" Venyi byeung" jo, yoomo moug: khung: khyoo: tu: yu" kaid' ri Mangso phung" yoeb, yo' yesu gi Mangso lo, yo shoid moo yab, jo, ziri myang kaid.

ACTS 7:55 Referans Kwoze

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

ACTS 6:10

Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

ACTS 6:8

Stephain rigi agoin ago" da" mainkaid jeju" yo' yoem: vhoo" byeung" sho' byid: too" yoomo mung" byu yi da" shid khoin" moo mau" pho" da" alhoo: again joem yo' mau" pho" moozoo" gyi sho' koid shug byid: bye.

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

HEBRE 8:1

Akhid" ngoonu" tid kyo" nyid da" khyoo: joem mo yhau: gyeung: thang da" dang" zeing khoin" gi Houg: yhangte" da" khainjung agyi moo" ngoonu" yo" boem bye. Nyang: gi moug: khung: moug: di tho' mo amyeing" akhang" bo da" zhung: tang lo, yo shoid moo lo" zhoung: jo, bye.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

YOHAN 12:41

Esaia gi Aseing Yesu da" myonhoo: phung" yoeb' ri shau" myang yoomo Aseing: da" khyoo: ri hid: su" ga: tid zi nghoid.

COUNG" NGHEI 109:31

Khasu" wim ga: ri nyang: gi asho" ajhen: bang: ri goem loem byid: wigi nyang: ri said wa ga: dang: phyed byid: nyid bang: da" lo, mo khyoid yu yoomo nghoid nyid.

ACTS 6:3

Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

EZEKIEL 11:23

Hau: thang: yi: yi: bang da" bidbang gi voomoo" mo thu lo" wigi hau: da" bidthu shoid mo boem joem khyoo: lo" byug da:.

EZEKIEL 10:4

Aseing shidkhoin" mo yi: yi: bang da" bidbang gi dei noem joem mo bang to' thu lo wigi Noku Yhoem: Moo" khyoo: vang yhe: da" khoem" duang: khyoo: yu: lo" da:. Hau: thang: jhoemmoug" gi Noku Yhoem: Moo" byeung" byug wigi vang khoug: moo bidbang bo" bang jo, da:.

Pang Shug 21:11

Hau: voogung mo doug bang zigi kyi: myhoo: lug yhang: ti" gyeung" lho, wigi gye" phau" da" dain: lug lung nyoug yhang: ti" du nyid.

2PETRU 1:17

Nyang: ri phoo Mangsoo mo nyang- myonhoo: ngalang" phung" yoeb byid: da" uri we' je" gyi: thang da" phung" yoeb khoug: mo wigi nya: jang" moo ju" re" da" thui: gi He" yug gi ngoo vho" ngei da" ngoo jheddab da" nga" zoo: nghoid, ga: wigi tid uri we' ngoonu" houg moo nyang: yo' dage" nyid.

ACTS 4:8

Houg: lang" Petru gi gyeungshang: da" Venyi byeung" jo, yoomo nyangnu" ri mung" byu yi da" vhu" jhung: yi yo' ludaid yi we'

YOHAN 14:3

Houg: su" nanu" shid' mo joyoo daloem: lo" nyheing too" kho lho: nanu" jang" moo ngoo doem re" wigi ngoo nyid jang" moo nanu" we' yo" nyid sho' nanu" ri nga" jhang khyoo: re" shu" yu wa zi nghoid.

EZEKIEL 10:18

Hau: thang: Aseing shidkhoin" mo yi: yi: bang da" bidbang gi Noku Yhoem: Moo" khoem" moo" mo thu lo" wigi dei noem joem da" atho' khyoo: lo" nyid da:.

EZEKIEL 3:23

Houg: yoomo ngoo gi janggyoin: khyoo: yhe: loo" bye:. Houg: moo Kheba gyid yam moo ngoo myang khoo' bye: te" da" Aseing phung" yoeb ri ngoo myang. Ngoo gi myidgung khyoo: goeb pid loo" bye:.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.