ACTS 7:48 - Lacid Common Language Bible

⁴⁸ Nghoid loug we' myhang: thang da" Mangsoo gi byu yi da" lo, yo' koid to" da" yhoem: khoug: moo nyid wa zi anghoid. Hau: da" khyoo: ri lapi: phoo tid to" zigi moug: khung: moug: di gi nya: da" zhung: tang nghoid.

ACTS 7:48 Referans Kwoze

1 KHOKHAM 8:27

Nghoid loug we' O" Mangsoo we"- nang gi mougmyid tho' moo gyeing" yo" nyid wa la". Mougkhung: mungdain: dangain" zi nang nyid wa shid re" agi" ri ngoo koid to" da" he: Noku Yhoem: Moo" gi khasu" yo" tho' gi" wa la".

2 KHOKHAM MHOOMYID: 6:18

Nghoid loug we' O" Mangsoo we"- he: mougmyid dang myi yi: yi yuggi yi da" agyoo: moo nang gyeing" nyang: yo" nyid wa la". Mougkhung: dangain" yhi nghoid rilang" re" shid re" agi" nghoid rigi ngoo koid to" da" Noku Yhoem: Moo" gi khasu" yo" go" wa la".

COUNG" NGHEI 91:9

Nang gi Aseing ri re" da" lhoug zung" joyoo yo' myhang: thang da" phoo ri re" da" goem loem su: khyo" nang koid nyid abye:.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

COUNG" NGHEI 91:1

Goem loem byid: khyoo: shoug" yu wa shid re" Aseing jhang ju" ri bang: hang" nghoid loug we' gyi: myhang da" goem loem byid: su: akhoug: moo shoug" khau: nghe: nyid su: nghoid bye:.

COUNG" NGHEI 92:8

Khasu" wim gari Aseing we" nang koem gi apyaid atoo: moo myhang: thang su: nyang: nghoid nyid da:.

COUNG" NGHEI 7:17

Nya: nyeung veung" da" tarha" yoomo myhang: thang su: Aseing da" myeing khyang" ri ngoo jeju" boin: coung" nghei lid jhoem" kaid nyid.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

COUNG" NGHEI 46:4

Hau: joyoo moo Mangso voomoo" yo' myhang: thang su da" gyeung" shang: yoem: moo" khyoo: yo' ngei pyo: khyoo: ri ci: lo da" gyid moo" dalang yau nyid.

TARHA" TID POIN" 32:8

Myhang: thang yug gi byumyu" yiri nyangnu" da" mung" ri kho' gam byid: da:. Byumyu" yi khamoo nyid wa ziri nyang: myid phyed byid: da:. Nyang: gi byumyu" khang" moo" ri mougmyid joem ri Israela zoo: yi da" nghab youg yo' dakhyo" kho' byid: to" da:.

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

LUKA 1:32

Hau: zooshang: gi gyi: sheung: loo wa Myhang: thang da" Mangso nya: zoo: ga: myheing shau" myheing wa. Aseing: Mangsoo gi Nya: phoo David da" khokham" khoo" nyang: ri byid: wa zi nghoid.

2~KORINTHU 5:1

Moug: myid tho' moo ngoonu" nyid nyid da" zoem"- ein: da" yhoem: gungdu: gi byo, yoin" lo" uri Mangsoo gi moug: khug moug: di tho' moo ngoonu" nyid wa shid re" nyang: koid da" apyaid atoo: moo ngoonu" nyid wa shid re" nyang: koid da" apyadi atoo: moo dageung" jo, da" yhoem:- ngoonu" yo" ziri ngoonu" se' nyid boem.