ACTS 7:35 - Lacid Common Language Bible

³⁵ Moshe gi Israela byumyu" yi wigi ngeug pyam zi shau" da" byu dayug nghoid. Nang ri ngoonu" tho' moo vhoeb khang" wa ziyo' tarha" agyi koid wa zi hang" wigi nyheung to" lha: ga: khyo" wigi ngeug pyam ago". Moshe gi Israela byumyu" yi ri vhoeb khang" wa ziyo' nyangnu" ri khyoid yu wa shid' re" myi: nge" nyid da" mhain" pung moo yab, shug da" moug: lagyoo: da" lo, wigi Mangsoo nhang: kaid' su: nghoid nyid.

ACTS 7:35 Referans Kwoze

LUKA 19:14

Nghoidloug we' nya: da" mung" byu yi gi nyang: ri ngheing" boem yoomo he: yug khokham" bui" zi ngoonu" avhoo:- ga: lagyoo: yi ri nya: thang: moo cang tid nhang: kaid.

COUNG" NGHEI 75:7

Dang: phyed wa da" tarha" agyi phoo gi Mangsoo nyang: nghoid. Nyang: gi dayham" ri yooboo dam koid lho: dayham" rigi yooboo mo lhoid pyoin kaid wa zi nghoid.

GYUNG: SOO" 20:16

Houg: lho: ngoonu" gi bo pang" wa shid re" Aseing ri mho' yoid bye:. Nyang: gi ngoonu" mho' yoid ziri shau" gyo: wigi ngoonu" ri Egutu mo shu" thu' loo wa da" moug: lagyoo: dayug ri nhang: byid: bye:. Akhid" ngoonu" gi nanu" da" mougkyoo" voomoo" nghoid da" Kadesha moo nyid to" boem.

THU' LO" MOUGSOUG" 14:19

Israela byumyu" yi da" gyiphung: shidkhoin" moo nyid da" Mangso moug lagyoo: gi nyangnu" thang: moo lo" tau" nyid. Jhoemmoug" pung we' Egutu byumyu" yi yo' Israela byumyu" yi da" agyoo: moo ju" sho' yu: lo" da:.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

HEBRE 2:2

Mouglagyoo: yi da" nhoid mo ngoonu" da" phoug" phyid" yi ri mungdang: tid to" zigi deingmain" da" mungdang: nghoid wigi_ hau" mungdang: ri atam" gyoo: loo za: do, rhui, mo, gi nyang: tu: nyang: yo' moin: yi" da" yooboo dam, ri shau" kham: zo: boem wa zi nghoid. Houg: khyo" dadeung nghoid rigi

KOLOSE 1:15

Khristu gi myo, jed" ze ayo" myang da" Mangso ved, voin, su:- ngoonu" myo, jed" ze shau" myang da" phain" so: to" zi yoo dangain" da" atho' moo je" tho' xeig zoo: shid" nyang: nghoid bye.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

ACTS 7:30

Zain' ved myed: xi: zain' lid lo" thang: ri Sina boem mo dain" pyoid' yoo, moo myi: nge" nyid da" mhain" pung moo moug: lagyoo: dayug gi Moshe ri re" yab, shug da.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

ACTS 3:22

Moshe Doem tid zigi nanu" da" Aseing: Mangsoo gi ngoori nhang: kaid ziyo' dakhyoo" ti" nanu" jhang khyoo: lapi: dayug nhang: kaid' wa zi nghoid. Nyang: gi nanu" da" byu" myu" khoug: mo dayug nghoid lho: Nyang: nanu" ri koid nhang: da" khyoo: joem dangain" ri nanu" tam" gyo: nyid ca" boem wa nghoid.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

YOHAN 19:15

Houg: bang: gi nyang: ri said pyam ge' said pyam ge' baid jen" said pyam ge' ga: doem nyho: lo ago". Pilaid khokham" gi Nanu" da" khokham" phoo ri pyang" zeing: tho' moo baid jen" said pyam noug go" la"» ga: doem myid. khainjung agyi moo": yi gi ngoonu" moo Ketha khokham" mo led lho: gootu: khokham" anyid ga: phougtu" boem.

YOHAN 18:40

Houg: bang: gi nyang: ri anhang: thu' alhoid pyoin kaid. Baraba ri nhang: thu' kaid we' ga: nyho: yoid lo boem. (Baraba gi khyangtoug: phoo nghoid nyid.)

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

COUNG" NGHEI 77:20

Nang gi Moshe yo' Arun eig yug ri vhujhung: koid lho: re" da" byumyu" yiri yang zoem: su: yhang: ti" shu" lo yu" abye:.

1 SAMUELA 12:8

Yaku yo' nya: yhoem: byu yi Egutu mung" moo yhe: zhung: nyid uri Egutu byumyu" yi nyangnu" ri doin: zeug khyoo: mo nanu" da" phoug" phyid" yiri Aseing wigi bo pang" wa shid re" yoid mho' nyid boem yoomo nyang: gi Moshe yo' Arun ri nhang: byid: lho: nya: tang: gi Egutu mung" moo nanu" ri shu" thu loo bye: ziyo' he: moug: moo nanu" shoug" nyid boem ago".

1 SAMUELA 10:27

Nghoid loug we' byugang: yi dayham" gi «He: yug gi nyha" shid re" ge da" moo" zoo" ri khasu" yo" se' koid byid: wa lha"» ga: tid nyid boem ago". Nyangnu" gi Sholu ri aphoug" akhyoid koid boem wigi nya: shid re" jhungshug we' aci: yhi: nghoid ago".

THU' LO" MOUGSOUG" 33:2

Ngoo nanu" ri zung" wa shid re" moug lagyoo: ri nhang: kaid wigi ngoo Khanan- Amori- Hiti- Perizi- Hivi yo' Yebusi byumyu" yiri khaid pyam byid: wa.

THU' LO" MOUGSOUG" 32:34

Akhid" yhe: wigi ngoo nang ri tid to" da" hau: joyoo khyoo: byumyu" yiri shu" yhi: we'. Nga" moug: lagyoo: yi nanu" ri lhoug zung" nyid wa ziri boin: soo" nyid we'. Nghoid loug we' hau: byumyu" yiri nyangnu" yooboo shid re" ngoo yooboo dam byid: wa ayo, gi ju" lo nyid bye:» ga: tid.

THU' LO" MOUGSOUG" 14:24

Nab soin: zoo" ri Aseing gi Egutu gyiphung: yiri jhoemmoug" zeing yo' myizeing mo yu" kaid wigi nyangnu" ri byoodain byooshoo" bui" nhang: bye:.

THU' LO" MOUGSOUG" 2:14

Hau: yug gi «Nang ri hang" wigi nga" eig yug da" vhoebkhang" su: yo' tarha" agyi koid nhang: to" la". Nang gi Egutu byu ri said ziyo' dayhang: ti" ngoo ri we' said pyam wa rhe"» ga: tid da:. Hau: thang: Moshe gi gyoug wigi «Ngoo koid da" khyoo: ri byu joem si' bye: goo" nhung» ga: nyang: nyang: za: tid da:.

MARKU 12:26

Houg: yoomo shid: mo, doem dei to'' lo da" khyoo: yo' sen: wigi myi: nge" nyid da" mhain pung yo' sen: da" khyoo: ri tid da" Mangsoo gi Moshi ri ngoo gi Abraham da" Mangsoo- Isag da" Mangsoo- Yaku da" Mangsoo ga: tid da" jhoem: dang: ri lhid" to" da" Moshi lhid pug ri nanu' anghab yu" goo" la".