ACTS 6:1 - Lacid Common Language Bible

¹ Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

ACTS 6:1 Referans Kwoze

ACTS 4:35

Lagyoo: yi gi hau: da" ngei joem ri dayug yo' dayug ca" yo ziri yu" lho: wigi cang gam byid: nyid ago".

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

YAKU 5:9

Mang: nhung" yi we"- nanu" nyang: gung nyang:- Mangso ca: kyeing yu: zi ashug" wa shid re" nanu" nyang: cang" nyang: dayug gi gootu: dayug ri yooboo afoin: go" nyid goo"- tarha" agyi phoo gi khoem" moo" duang: moo yab, jo, bye.

ACTS 9:39

Houg: yoomo Petru gi hau: eig yug yo' dage" yhe: loo" bye- Petru gi ju" yhi: lang" nyangnu" gi Petru ri atho' pyam: khyoo: shu" do' lo" ago". Cougmoo" yi dangain" mo, gi ngau, zoore" Petru da" gung yam, moo zeung: foem: lo lho: Dorka nyang: dei nyid shi" ayo, moo coeb, too" khare" da" byimi dangain" ri Petru ri ci: shug ago".

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

PHILIPI 3:5

Ngoo gi apyaid' ngi shi" da" ayo, mo nyang:- athang: yham" ci: bye- Israela byumyu" Ben-yamin akung: ako'' yo' Hebre byumyu" yi mo we' Hebre suid" agyeing" nyang: nghoid nyid Yuda yi da" toung; to" tarha" ri cang pyeing shang ga: rigi ngoo Pharishe" nyang: nghoid bye.

ACTS 11:20

Nghoid loug we' hau: loem" jeung" loo bang: mo Kupru yo' kureni mung" moo nyid mo, dayham" gi Antioki voogung khyoo: ju" lo" wigi tung: boug ri we' Aseing Yesu' da": ngei bu: ludang: ri yhe: kho" kyo" boem ago".

ACTS 9:41

Petru gi nya: lo, yhoin" kaid' lho: nyang: ri she: to' kaid'. Hau: thang: ri Petru gi cougmoo" myhi, yi yo' dage" loem" jeing" mo, dangain" - nyang: ri khe: yu wigi Dorka dei lo bye: zi nyangnu" ri ab, byid: bye.

ACTS 9:29

Sholu gi Grid" myeing" kaid' da" Yuda yi we' - tid ngeig go" nyid. Nyang: nu" gi sholu ri said' pyam' wa ga: soin' ago".

ACTS 5:14

Nghoid loug we' Mangsoo ri loem khau: da" yug gi myiyi: yi gi hau: phung: moo daje, loung: lo nyid boem.

ACTS 4:4

Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.

HEBRE 13:1

Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

2~KORINTHU 11:22

Nyangnu" gi Hebre byu yi nghoid boem lha". ngoo we' nghoid. Nyangnu" gi Abraham da" akung: ako'' bang: nghoid la". ngoo we' nghoid nyid.

ACTS 2:45

Nyangnu" gi nyang: nya: da" ziyoo soid gain joem ri oung" pyam boem lho: wigi hau: ngei zi joem ri kha: yug khamyoo, ca" nyid khyo" cang wigi-nyang: cang" nyang: coem gam go" ci: boem.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

YEREMIA 30:19

Houg moo nyid bang: gi coung" nghei jikhoin" khoin" loo goo" wa. Nyangnu" gau wigi nyho: loo goo" wa. Nga" mainkaid jeju" yoomo nyangnu" je myo: loo goo" wa. Nga" mainkaid jeju" gi nyangnu" ri ngi: shab byid: loo wa.

ESAIA 27:6

Ju" lo wa da" bidnyid joem moo Yaku da" amyed ashen yi nghoid da" Israela byu yigi seiggam yo' dayhang: ti" agyi: cen' loo goo" wa. Nyangnu" gi aboo" bo" lo wigi athung dab loo wa. Hau: joem gi ashi" zei: byid: wigi myidgung byeung" sho' boem jo, lo goo" wa.

ESAIA 1:17

Jo zi koid wa zhang: yu we'. Tarha" deingmain" ziri cang ge'. Doin: zeig zoo: shoug" bang: ri pang" thoug byid: we'. Coug" zoo: yiri nyangnu" yo" yu eung: da" akhang" ri byid: we'. Coug moo" yiri goem loem byid: ge'» ga: tid.

COUNG" NGHEI 72:16

Mougmyid moo: shivoo: shiloem ge lho, nyid baja" Lebanon moug: mo shivoo: shiloem ge lho, jo, yhang: ti" boug zoo: boug zeing joem moo gug zoo meiloem: byeung" jo, baja" pa: dam mo vu, fu" yoo yhang: ti" voozoo: voozeing moo: byumyu" yi byeung" shoin: loo" goo" baja".

YAKU 4:5

Jhoem: mungdang: moo Ngoonu" da" akhoug: moo Mangsoo kaid byid: to" da" Venyi gi-gye" thain: da" vho: ngei nheigloem: yo' byeung" jo, ga: wigi tid to" da" zigi agoin: danghoid ein: amyid nyid goo.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

1 TIMOTHI 5:9

Apyaid' khyug xi: zain za: ajain" rigi coug moo" myhi, kha: yug ri we' cougmoo" zhayen" moo akaid' goo" baja" nyang: gi dalheing: za: loxo' e" koin qei" su: nghoid ca".

1Korinthians 10:10

Nyangnu" dayham" bang: gi nheig yoo: nheig jhug koid boem yoomo shid: zau: lagyoo: pho, da" lo, yo' lhu: phyo' shoin' pyam zi shau" boem yhang: ti ngoonu" gi nheig yoo: nheig jhug akoid' goo ja.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

EZEKIEL 22:7

Voomoo khoug: mo hang" dayug we' nya: myhi' phoo ri ngi: ashab' byid: nghoid ago". Nang gi tungbau byu yiri mhoug zo: lho: cougmoo" yi yo' coug" zoo: yiri atu" amyaid sho: da:.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

YOBA 31:16

Ngoo gi myung bang: ri pang" wa khanham we' angeug he: pyam. Cougmoo" yiri we' nheig kyoo" nheig gyam anyid nhang:.

YOBA 29:13

Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

TARHA" TID POIN" 26:12

«Soem" zain byeung" khang" moo" nanu" gug zoo mei loem: mo daxi: boem daboem ri Levi byu yi tungbau byu yi coug" zoo: yi yo' cougmoo" yiri byid: ge'. Houg: lang" shava phung khang" moo" moo nyangnu" zoo: ca" zi dangain" yo" loo goo" wa. Nang hau: ziri bain koid lang"

ACTS 6:2

Houg: yoomo lagyoo: yi da axe: eig youg bang: gi loem" jeung" da" phung: byu dangain" bang: ri khe: yu lho: ngoonu" gi Mangso da" mungdang: ri kho" kyoo" wa ayo, ri shu' to" lho: Alu ngei zoem: pyoo: gam, byid: da" moo" ri zei: wa shid re" gi ayo, aboo nghoid da.

ACTS 11:26

Nyang: gi Sholu ri yhe: shau" myang lang" Antioki voogung khyoo shu" lo" wigi nya: eig yug gi da zain, goin" houg: moo phung: byu yi yo' zoem" khau: nyid lho-byu myoo" sho' ri yo" jhoug" byid: ago". Hougsu" loem" jeing" mo, ri khristan yi ga- xang: shed" myheung shid" byid: zigi-Antioki voogung moo nghoid.

ACTS 11:29

Cangzoo: yi gi nyangnu" yo" ge, bue" yhi'- Yuda mung" moo nyid da- nyangnu" da" loem" jeung" mang: nhung" yi ri bo pang" thoug wa da" Alu: foin: kaid' byid: wa shid mo myed phyed' to" boem bye.

Roma 12:7

Gyeing" ngyeing" nyang: ngoonu" yo" jeju" gi - subi" ri pang" thoug wa jeju" nghoid rigi pang" thoug nyid boem ca. Jhoug" byid: wa jeju" yoo" su: gi - jhoug" byid: nyid ca".

1 TIMOTHI 5:3

Lo, ti" phyeug nyid da" coug: moo" myhi, yi ri phau" myang: nyid we'.