ACTS 5:36 - Lacid Common Language Bible

³⁶ Khasu" wim la"» ga: ri shid' phyang" we' a toung" myang" shi" ri Thuda ga: su: gi nya: gung ri vhu" jhung: dayug nghoid ga: tid lho: wigi. thu' lo" da" uri Byu myed: shoo: koo: nya: thang: moo cang lo" boem ago- Nghoid loug we' nyang: ri said' pyam' thang: rigi nya: thang: cang mo, gi dayug dagang khyoo: byo, sain" lo" byug boem wigi nya: moozoo" we' bei: lo" byug bye.

ACTS 5:36 Referans Kwoze

ACTS 8:9

Hau: voogung mo Simun ga: su: dayug gi nyang: fa" da" phajhi" khyo" -Samari byu yi ri moug" nhang: nyid.

2PETRU 2:2

Hougsu" danghoid sho' loug we' byu myoo" sho' bang: gi nyangnu" da" age aved asam" khyoo: moo bo cang lo" boem wa zi nghoid. Nyangnu" houg: su" koid boem yoomo hau: deungmain" da" akhyoo" ri byu gooji bang: gi age khyoo" gei sang: juang" yi pyam boem wa nghoid.

Pang Shug 17:5

Nya: ngeilang: tho' moo gi shava myhi, yi yo' " Moug: gyab, goin" ziri khyoo: shu" vhang: lo" da" nya: myhi' - gyi: thang da" Babelon - ga: wigi gau: thang dang: kang: yo' lhid" to".

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

GALATI 6:3

Byu yi dayug yug gi yhoug: gyen: da" byu gyeing" nyang: anghoid nyid da" zi yhoug: gyen: da" byu nghoid ga: nyang: nya: da" gung ri nghoid boin: su: gi nyang: nya: da" gung ri mhau' nyid su nghoid.

GALATI 2:6

Myo, nhoo: yo" da" vhu" jhung: yi,, ein: soin: too" shau" bang: gi nyangnu" hang" nghoid boem zigi nga" shid' re" gi ce" yhaug: gyen: we' anghoid- Khasu" wim gari Mangsoo gi nghe: shoid' khyo myang lhoo za: dang: aphyed' ngoori phajhi" byid: da" khyoo: aseig ci" we' abyid: boem nghoid da.

ACTS 21:38

Hougsu" wigi atoung" myang" shi" ri tu: lhoin" moo" zei: lho: dabung: gyizoo: myed: khyeing" ri vhu" jhung: shu" koid lo wigi dain" pyoid yoo khyoo: shu" yhe: lo" da- Egutu byu anghoid la". ga: Polu ri doem myed: yu".

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

Pang Shug 17:3

Hau: thang: ri mouglagyoo: gi ngoori venyi khyo" dain" pyoid yoo khyoo: shu" lam" lo" ri Mangso myeing ri juang" yi da" myeing dagung goin" lhid" tab ci: da" akhyeung" da" gougnyhoug ni, zeing dadu: da" atho' moo myi: yi: myhi, dayug zhoung: jo, ziri ngoo myang- hau: akhyeung" da" gougnyhoug moo vhuloem dab, nyhed loem: dab, lho: khyoug: daxi: khyoug: youg.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

MATHE 24:26

«Houg: yoomo gyeing" nyang: nyangnu" gi ‹Yu" ge' Meshia gi dain" pyoid yoo moo re" nyid› ga: tid boem nghoid ri nanu" athu' yhi: goo. He joyoo moo gau" nyid bye: ga tid nghoid loug we' hau: dang: ri agyo: loem" goo.

MATHE 24:5

Byu myoo" sho' mo, ‹Ngoo gi Meshia nghoid› ga: nga" myeing voin lho: khyoo shu" vhang: lo boem wa.

ACTS 5:35

Lagyoo: yi ri nghe: shoid khyoo: shu" thu' loo" wa amyeing" byid: kaid lho: wigi Tarha" yab, do' phung: mo bang: ri Israela mang: nhung" yi we" hid: bang: ri nanu" ce" noem koid wa nghoid loug we' - lhid' lho: dakoi ge'.