ACTS 5:29 - Lacid Common Language Bible

²⁹ Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

ACTS 5:29 Referans Kwoze

1 SAMUELA 15:24

Sholu gi «Nghoid bye:. Ngoo yooboo koid bye:. Aseing da" amyeing" dang: yo' re" byen phyoo" zain: dang: ri ngoo atam" gyoo: koid bye: nhung. Ngoo nga" byu yiri gyoug yoomo nyangnu" nyang: ri nau: khyo" koid nhang: bye: nhung:.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.

APOEM AYANG: 3:17

Houg: lho: yuggi ri «Nang gi re" yhoem: seing: myhi' dang: ri tam" gyo: lho: ngoo nang ri azoo: ein: toung: to" da" shi" ri zo: abye:. Nang zei: shoid moo" yoomo myidjang we' nheing" khoin" zang" bye:. Nang gi re" da" shoug" zoo: shoug" shug wa shid re" re" da" pyaid goin" moo" zei yoem: kaid ca" wa nghoid.

THU' LO" MOUGSOUG" 1:17

Nghoid loug we' hau: zoonu" pang" khu: da" myiyi: eig yug gi Mangsoo ri gyoug phoug" da" tang: nghoid yoomo khokham pho dang: ri atam" gyoo: nghoid ago". Hougsu" koid wa gungthid- nya: eig yug gi yuggi nu" yiri dei nyid nhang: ago".

YEREMIA 26:12

Hau: thang: ngoo gi «He: Noku Yhoem: Moo" yo' he: voomoo" ri thougtheung wigi ngoo tid da" dang: ri nanu" shau" gyo: zi ja: khang" moo" ri tid fu" wa shid re" Aseing gi ngoo ri nhang: kaid bye:.

DANIELA 6:13

Hau: thang: nyangnu" gi khokham pho ri «Yuda mo pyoung" she: loo bang: mo bo bo da" Daniela gi aseing khokham nang ri we' aphoug" myang: nghoid da:. Nang lhid" pyo: kaid da" amyeing" dang: ri we' acang nghoid da:. Nyang: gi danyid" ri soem" lheing: main: main: akyu" mho' nyid da» ga: tid ago".

2 SAMUELA 24:4

Nghoid loug we' khokham gi Yoab yo' nya: moo" voin mo, ri nya: amyeing" dang: tam" gyo: sho' koid wigi nyangnu" we' nya: shidkhoin" mo thu lo" lho: Israela byumyu" yiri yhe: cang nghab yu" boem bye:.

2 KHOKHAM 16:16

Uria gi khokham phoo amyeing" byid: ziyo' dakhyo" koid bye:.