ACTS 5:26 - Lacid Common Language Bible

²⁶ Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".

ACTS 5:26 Referans Kwoze

ACTS 5:13

Meing: byu yi gi nyangnu" ri gye" coung" dang: sang: boem nghoid loug we' gooji gi hang" we' nyangnu" ri avoem" zoem" nghoid ago".

ACTS 4:21

Houg: yoomo Yuda tarha" yab, do, mo bang: gi-nya: eig yug ri je" thain khyo" zid" nhang: kaid' ago". Byu yi dangain" bang: gi bue" jo, da" khyoo: gang mo, Mangsoo ri coung" byid: nyid boem ago". houg: yoomo nyangnu" gi nya: eig yug ri yoobo dam ayo" byid: khyoo: Ri: yo" yu" se' yu boem ago".

ACTS 5:24

khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.

LUKA 22:2

khainjung agyi moo": yi yo"- Tarha" sara" yi gi byu phung: yi ri gyoug yoomo Yesu ri yo" gau" said pyam wa da" akhyoo" shoo: go" nyid.

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

LUKA 20:6

Houg: su" anghoid lang" gi Byu yi da" amyeing" akhang" khyo" koid:- ein: tid nghoid ri yen gi Byu myoo" sho' mo, gi Yohan ri Lapi: dayug khyo" loem" jeing" to" boem yoomo ngoonu" ri luggo yo' du" boem wa nghoid. Nyhang" khasu" sang: wa lha"» ga: nyang: cang" nyang: sham: ngeig go" nyid.

MATHE 26:5

Nyangnu" gi mung" byu joem thei" lu lhufu go" loo wa yoomo pui" uri amyheig a tei" wa khyare" tid go" to.

MATHE 21:26

Nghoidloug we' ‹byu da" akho: akhang" khyoo" koid› ein: tid rigi Meing: byu yi myoo" sho' Yohan ri lape: dayug ga: loem" boem yoomo byu yiri ngoonu" gyoug ca"» ga: wigi nyang: cang" nyang: sham: go" nyid.

MATHE 14:5

Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.

MATHE 26:58

Petru gi vi" vi: mo Kayapha da: yhoem: vang" ju" sho'- Yesu thang: moo cang yhe lo". Hau: thang: ri vang" khoug: moo vang yhe: lo" lho: Yesu ri tarha" dang: kho' da" moozoo" gi khayoo: thang lo" ziri cang yu" wa da" shid re" zung" lhug bang: yi yo" dage" zhoung jo.

LUKA 22:4

Houg: su" nghoid yoomo nyang: gi Kyu" mho' yhoem: moo zung" lhug: da" dab, vhoeb zoug: yo' khainjung zeing yi yi jhang khyoo: yhe: lho: Yesu ri nyang: khasu" koid: fain" lho: ab byid: wa da" khyoo: ri yhe: sham: goo" nyid.

ACTS 5:22

Nghoid loug we' - goemloem gyizoug: mo" jang" moo ju" yhe: lo boem uri nyangnu" gi thung: khoug: mo, lagyoo: yi ri ayhe: myang boem nghoid da- houg: lang" tarha" yab, do, phung: khyoo: doem zheung: tau" lo wigi

ACTS 5:25

Hau: thang: ri byu dayug ju" re" lho" gyo: yu" ge' -nanu" thung: moo lhoung to" da" byu yi gi noku yhoem: moo" khoug: moo- mung" byu yi ri dajhoug" byid: nyid ago" - ga: nyangnu" ri tid kyo.