ACTS 5:24 - Lacid Common Language Bible

²⁴ khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.

ACTS 5:24 Referans Kwoze

ACTS 5:26

Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".

ACTS 4:1

Petru yo' Yohan eig yug gi byu yi ri hougsu" dakho" kyo" nyid shi" uri khainjung yi dayham" gi noku yhoem: moo" mo goemloem pyada: zoug: yi yo' Saduke ju" re" lo boem.

ACTS 4:21

Houg: yoomo Yuda tarha" yab, do, mo bang: gi-nya: eig yug ri je" thain khyo" zid" nhang: kaid' ago". Byu yi dangain" bang: gi bue" jo, da" khyoo: gang mo, Mangsoo ri coung" byid: nyid boem ago". houg: yoomo nyangnu" gi nya: eig yug ri yoobo dam ayo" byid: khyoo: Ri: yo" yu" se' yu boem ago".

ACTS 2:12

Nyangnu" dangain" bang: gi mau" hang" to" boem wigi He: zigi ce: noem ga: zi nghoid lha"» ga: nyang: cang" nyang: myed: go" nyid ago".

YOHAN 12:19

Pharishe" yen, gi ngoonu" moo oung: lo" da" khyoo: dajhi' we' aboo. Yu" ge' mougmyid daloem: goin" nya: thang: moo cang lo" boem bye: ga: nyang: cang" nyang: tid go" nyid boem.

LUKA 22:52

Hau: thang: ri Yesu gi nyang: ri myheig wa ga: jure" da" Khainjung agyi zeing yi No ku" yhoem: moo" zung" nyid da" gyizoug: yi yo"- Phoung: vhu" jhung: yi ri Nanu" gi khyangtoug: ri myheug yhangti"- ngoori myheig wa shid' re" sham: we' thung" keing: we' dari" go" rhe.

LUKA 22:4

Houg: su" nghoid yoomo nyang: gi Kyu" mho' yhoem: moo zung" lhug: da" dab, vhoeb zoug: yo' khainjung zeing yi yi jhang khyoo: yhe: lho: Yesu ri nyang: khasu" koid: fain" lho: ab byid: wa da" khyoo: ri yhe: sham: goo" nyid.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

ACTS 5:23

Ngoonu" thung: moo ju" yhe: ri thung: khoem" joem gi teing teing za: myhed" to" ziyo' - zung" mo, we' khoem" duang: moo nyeing" za: zung" nyid boem ziri yhe: myang. Nghoid loug we' ngoonu" khoem" yhe: phang kaid' ri akhoug: moo hang" ri we' amyang loo- ga: ludang: ri lo doem tid kyo" boem.

ACTS 5:25

Hau: thang: ri byu dayug ju" re" lho" gyo: yu" ge' -nanu" thung: moo lhoung to" da" byu yi gi noku yhoem: moo" khoug: moo- mung" byu yi ri dajhoug" byid: nyid ago" - ga: nyangnu" ri tid kyo.