ACTS 5:2 - Lacid Common Language Bible

² Nghoid loug we' nya: Yhoem: seing: myhi' myed veung" ziyo' dakhyoo" ti" ngei dayham" ri nya: eig youg shid re" myho, yhoem" to" lho: wigi-deung da" ngei ri lagyoo: yi da" lo, khoug: moo yhe: ab, byid: da.

ACTS 5:2 Referans Kwoze

ACTS 4:37

Nyang: yo" da" moug: myed ri oung" pyam' lho: yo" yu da" ngei joem ri lagyoo: yi jang" moo re" ab, byed.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

YOHAN 12:6

Nyang: gi thang: phyang" Yesu ri gyivoo yi da" lo, moo ab pyam wa su: nghoid. Nyang: hid: su" tid da" zigi shojhen: mo, ri nheig khyeig yoomo tid zi anghoid. Khoug" su: nghoid. Nyang: gi ngei thung: voin su: nghoid yoomo ngei ri lhoung gau" khau" yhung: nyid.

MATHE 23:5

Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

MALAKHI 1:14

Nyang: gi nya: da" gougnyhoug kyung mo ‹Reung: thang da" gougnyhoug ngoo ri byid: wa› ga: dangsoo" to" lho: dam boo noo bo da" gougnyhoug said lho: xoin" ngei" byid: da" lhoid zoo: lhoid shug byu yigi nheing" khoin" zang" mo, nghoid. Khasu" wim gari ngoo gi ‹Khokham zeing nghoid nyid wigi ngoo rigi byumyu" yi bain sho' gyoug phoug" nyid boem» ga: wigi yoem: moo" bo da" Aseing Mangsoo gi tid nyid.

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

ACTS 2:44

Loem" jeung" bang: gi dage" za: zoem" khau: nyid boem lho: nyangnu" yo" da" ziyoo joem ri" we' dage" za: coem' gam go" ci: nyid ago".

ACTS 5:1

Anani ga: da" byu dayug yo' nya: yhoem: seing: myhi' Saphira gi nya: eig yug seung: da" yoo moug: myed dayham" ri oung" pyam ago".

ACTS 5:8

Houg: lang" Petru gi-re" eig youg da" yoo moug: myed oung" da" ngei dangain" he: gu: za: nghoid bye: la". ngoori tid kyoo" we' ga: nyang: ri lhoem: myed, Houg: lang" nyang: tid zigi" Nghoid bye ngei dangain" "Hau: gu: nghoid bye ga: phoug tu" da.