Biblia Todo Logo
Bib sou entènèt

- Piblisite -




ACTS 5:14 - Lacid Common Language Bible

14 Nghoid loug we' Mangsoo ri loem khau: da" yug gi myiyi: yi gi hau: phung: moo daje, loung: lo nyid boem.

Gade chapit la Kopi




ACTS 5:14
24 Referans Kwoze  

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.


Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.


Ngoo gi khyoo: he: khaid cang mo, ri ashid: sho' shen" yhen lo yu" da" byu dayug nghoid. Ngoo gi yug gi myiyi: yi ri myheug yu lho: thung: lhoung lo yu" su: nghoid.


He: ludang: gi Yopa voogung goin" moo byeung" sho' fu" lo" wigi byu myoo" sho' mo, gi Aseing: ri loem" lo boem bye.


Luda voogung yo' sharon voo moo nyid mo, mung" byu yi dangain" bang: gi Ainea ri zheung: myang lang" gi Aseing: jhang khyoo: lheung: lo boem ago".


Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.


Aseing: da" khyoo: ri phau" cang nyid mo Yuggi myiyi: yi ri myang lang" nyangnu" ri myheug yu lho: wigi Yerusalem voomoo" khyoo: shu" tau" loo" wa shid mo khainjung pho, jang" mo Damasku voo moo jo, da- tarha" jung yi jhang being" si' byid: da" akhang" mougsoug" ri yhe: mho' ci: da.


Nghoid loug we' - Mangso mungdain da" ludang: seig yo' yesu khristu da" khyoo: yo' sen: lho: wigi Philib, kho" kyo" da" mungdang: ri nyangnu" loem" jeung" lo boem wigi nyangnu" myiyi: yug gi dangain" bang: babtisma kham: yu boem bye.


Nghoid loug we' sholu gi phung ri phyo' shoin, pyam' byid: wa shid re" yoem: kaid' nyid da. Nyang: gi dayhoem: bain' dayhoem: khyoo: cang vang yhe: lho: loem" jeung" da" yuggi myi: yi: dangain" bang: ri she: khyoid' thu yu lho: nyangnu" ri thung: lhoung pyam.


Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".


Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.


Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".


«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.


Houg: yoomo Ezra gi yuggi yi myiyi: yi yo' se' gyoo: wa yhi' nheigboo bye: da" zooshang: yi phung: foem: nyid da" joyoo khyoo: hau: tarha" pug ri ci: loo byid: da:.


Ezra gi Noku Yhoem: Moo" shidkhoin" mo goeb pid wigi yooboo joem ri ngau lho: akyu" mho' tung bain: nyid uri Israela byumyu" byu phung: zeing yi myiyi: yuggi zooshang: dangain" gi nya: jhang zeung: re" wigi nheig khoo" sho' yoid ngau nyid ago".


Nyangnu" dangain" ri zoo: shug gam byid: bye:. Nyang: gi Israela byumyu" yuggi myiyi: dangain" ziri zooyho' daloem: loem: shoo" dakhyi' khyi' yo' zabyid shi" kyug dajhi' jhi' byid: bye:. Hau: thang: yugkhang" moo" yhoem: khyoo: loo" khari" bye:.


Byid: nau da" nheigloem: yo' myiyi: yuggi dangain" gi shoung: yhoung zi nghoid da" ngabkyen"- nuxei"- theung"- yi:- phoug" dab da" sheing: zi aja: ja: ci: re" boem wigi Aseing ri re" shugbyid: ago".


Barnaba gi byugi, nghoid ziyo' gyeungshang: nheigloem: yo' loem" jeung" da" nheigloem: byeung" su: nghoid wigi byu myoo" sho' mo, ri Aseing: jhang khyoo: yo" phoug lheung: loo nhang: su: nghoid.


Khristu yo' satan gi Khasu" wim wigi e" myed se' zhung" goo wa Loem" jeung" su: dayug yo' aloem" jeung" da" byu dayug gi khasu" se' du goo" wa lha".


Swiv nou:

Piblisite


Piblisite