ACTS 4:27 - Lacid Common Language Bible

²⁷ Khasu" wim gari gyeing" gyeing" nyang- Herod yo' puntu pilaid' gi tungbau, byumyu" ri Israela byumyu" yi yo" we' nang xu: joid lho: khyen: nyheung to" da- Meshia re" gyeungshang: dei zoo: ri gyi koid wa shid re" He, voomoo" khoug: moo sham: go" nyid bye.

ACTS 4:27 Referans Kwoze

MATHE 27:2

Yesu ri tei" lho: Roma mung" zoug:- Pilaid jhang khyoo yhe: shu" ab pyam bye.

ACTS 4:30

Noo gi byid: wa shid re re" da" lo, ri yhoin" kaid' byid: we'. Re" da" gyeungshang: dei zoo: Yesu da" myeing khyo"-mau" pho" alhoo: again bue" thu' loo nhang: we' ga: mho' nyid ago".

LUKA 9:22

Nyang yang: nu" ri i- byu da" nya: zoo: gi kyi" khyeug khyoo: myo" sho' shau" zoo: wa zi nghoid. Yuda Ludaid vhu" jhung: yi Khai jung zeing yi yo' tarha" sara: yi wigi ngeug pyam' zi shau" lho: said' pyam' goo" wa zi nghoid- nghoid loug we' soem" nyid" thang: ri doem dei to' loo wa zi nghoid- ga: tid kyo.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 2:27

Khasu" wim gari Nang gi ngoori - shid: lo" da moovo, moug: moo she: pyam too" wa zi anghoid. Nang gi loemlug da re" deizoo: ri loeb duang: khoug: moo boeb, pyam nhang: wa zi anghoid ga: tid nyid.

YOHAN 19:34

Nghoidloug we' gyizoo: dayug gi Yesu da" nam joug moo lham: toin wi thau" kaid da" uri dalheing: dam nyang: suid" yo" gyid yau thu' lo.

YOHAN 18:28

Nabsoin: myo, hain" zoo"Yesu ri Kayapha jang" mo zi Pilaid khokham" khoo" khyoo doem shu" yhe: lo" boem. Yuda zoug yi gi lhed: kaid pui" myen" xoin zoo: wa da" shid' re"-noku thung" tarha" yo' dakhyoo" ti"-- nyang: nya: da" gung ri ced" shang: nyid boem yoomo hau: khokham" khoo" khyoo: abo cang yhe: boem.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 1:11

Nyang: gi nya: da" moug moo juri" nghoid loug we' nya: da" byu yi gi nyang: ri alhoem: kham: yu boem.

LUKA 22:63

Yesu ri zung" nyid mo, gi nyang: ri juang" yi youg baid boopyug pyoug to" boem.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

MARKU 15:31

Houg: yo' dakhyoo" ti" khainjung agyi moo" yi yo' tarha" sara yi we Yesu ri juang" lho: subi" goo" ji ri gi nyang: khyoid yu lho: nya: gung rigi nyang: ayo" khyoid yu nghoid da" ga: juang".

MARKU 10:33

Tam" gyo" yu" ge"-ngoonu" gi Yerusalem khyoo: do, lo" nyid bye. Byu nya: zoo: gi houg: moo khainjung agyi moo" yi yo' tarha" sara yi da" lo, moo ab pyam zi shau" wa nghoid. Houg: su: nyangnu" gi byu nya: zoo: ri said pyam wa shid re" dang: phyed wigi tung: boug yi da" lo, moo ab pyam' lho:

MATHE 23:37

«O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.

MATHE 21:28

Hau: thang: ri Yesu gi «nanu" khasu" ein: shau" myid go". Lu daid' dayug moo zooshang: eig yug yo. Nyang: gi nya: zoo: mang: mo" jang" moo yhe: lho: ‹nga" zoo: we" akhid" nyid" zabyid khyam: moo moo" yhe: zei: we'› ga: tid.

MATHE 14:1

Hau: uri Galile mung" ri vhoeb ci: su:- Herod khokham" gi Aseing Yesu da" khyoo: ri shau" gyoo: lang"

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

COUNG" NGHEI 45:7

nang gi deingmain" da" khyoo: ri nang jheddab nyid lho: akhyeing" ashoeb da" moo" ce" ja: ri we' ngheung" nyid. Hougsu" nghoid yoomo Mangsoo re" da" Mangsoo gi nang ri khyen: yu lho: gootu: khokham hang" tho' moo: we' je" gau yi ngei pyo: da" khyoo: nang ri: foid shoin" byid: nyid.

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

COUNG" NGHEI 2:2

Aseing ri nyangnu" da" khokham yi tu: lhoin" lo wigi mung" zoug: yi we' lhoem: thougtheung wa shid re" zheung: gau" sham: go" nyid boem lho: nyang: khyen: soin' to" da" khokham phoo ri we' thougtheung nyid boem.

YOBA 25:4

Mangso shidkhoin" moo khayug gi deingmain" wigi yo" gyeung" shang: su: nghoid la.

YOBA 15:14

Byu xangsu: dayug gi gyeing" nyang: yo" gyeung" shang: wa la". Byu dayug gi Mangsoo yo' yi" wa la"

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

ESAIA 37:26

He: gu: dangain" ri ngoo goonham' mo soin too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem: so' nang ri byid: bye:.

MATHE 14:3

Ciwim gari he: shid mo Herod gi nya: nhung" Philib da" yhoem: seing: myhi' Herodi yoomo Yohan ri myheig lho: thung: tei" lhung nhang: too" bye.

MATHE 14:6

Hau: thang: ri Herod da" khu: lo pui" koid: da" bidnyid moo Herodi da" zoomyi: zoo: gi mung" byu yi da" shed moo go" shug lang" Herod gi soo" soo" nheigloem: pyo: wigi

LUKA 23:1

Phung: goin" bang: gi to' lo boem lho: Yesu ri Pilaid shid' khoin" khyoo: shu" yhe: lo" boem.

YOHAN 18:29

Houg: yoomo Pilaid khokham" gi houg: bang: yo" shau" goo" wa shid' re" nghe: shoid khyoo: thu' re" lho: He: yug ri ce: ja: shoid vhang yoomo yooboo foin: go" ga: myid.