ACTS 4:24 - Lacid Common Language Bible

²⁴ Loem" jeing" bang: hau: da" dang: ri shaug" gyoo: lang" gi nyangnu" nheigloem: dadeing: za: shoin" lho: wigi akyu" zheung: mho' boem zigi Moug: khung: myed jang: panglai gyid mung" yo' hau: akhoug: moo nyid moo nyid ri phain" to" da" Aseng: we"-

ACTS 4:24 Referans Kwoze

THU' LO" MOUGSOUG" 20:11

Khyug nyid" ju" sho' akhoug: moo ngoo Aseing gi myid phain" so: moug phain" so: panglai: yo' hau: akhoug: moo bo da" dangain" ziri phain" so: to" da:. Nghoid loug we' nyhed nyid" nyid" rigi ngoo theing: nyid. Houg: yoomo ngoo Aseing gi Dougno: Bidnyid ri mainkaid wigi hau: nyid" ri gyeung" shang: nhang: bye:.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

NEHEMIA 9:6

Hau: thang: Israela byumyu" yigi he: akyu" mho' dang: ri mho' ago". «Nang Aseing we"- nang dayug khyeing" za: Aseing nghoid da:. Nang gi mougkhung: joem yo' mougkhung: mo kyi: joem ri phain" so: phug to" da:. Nang gi myidgung yo' panglai: ri we' hau: joem moo bo da" ja: khang" moo" ri we' phain" so: to" da:. Nang gi dangain" bang: ri kangso' byid: da:. Mougkhung: mo yoem: so' joem gi nang ri goeb pid wigi nang ri coung" byid: ago".

2 KHOKHAM 19:15

Houg: lho: nyang: gi «O" Israela Aseing Mangsoo dung dab dei noem atho' moo zhung: jo, da" su: we"- nang dayug za: mougmyid dangain" mo mungdain: dangain" ri vhoeb da" Mangsoo nghoid da:. Nyang: gi mougkhung: yo' myidjang ri phain" so: to" da:.

YEREMIA 20:13

Aseing ri jikhoin" khoin" ge'. Aseing ri coung" ge'. Nyang: gi akhyeing" da" byu yi yoem so' lo, khoug: mo zeig zoo: shoug" bang: ri khyoid yu da:.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

2 KHOKHAM 19:19

Ngoonu" Aseing Mangsoo we"- akhid" ngoonu" ri Asuri byu yi lo, mo khyoid yu la o"- houg: lang" Aseing we"- nang za: Mangsoo nghoid khyoo: ri mougmyid dang mo byumyu" mungdain: dangain" se' ri" goo" wa» ga: akyu" mho' da:.

ACTS 16:25

Gam, gung myen: koo: moo gi Polu yo' Sila eig yug gi Akyu" mho' lho: Mangsoo ri coung" nghei ji: khoin" ri khoin" nyid ago". Thung: byu gooji yi gi hau: ziri tam" gyo: lho: nyid boem.

ACTS 4:23

Petru Yo' yohan gi nya: eig yug ri nhang: kaid' yo' su- nyangnu" da" phoung foem: khyoo: doem tau" lo" lho: khainjung zeing yi yo' ludaid' vhu" jhung: yi nya: eig yug ri tid kaid' da" dang: joem ri nyangnu" ri lo" doem tid kyo" ago".

ACTS 14:15

Byu yi nanu" we"- khasu" wim wigi hid: su" koid' go" lha". Nga" eig yug gi nanu" yo' dakhyoo" te" da" xang: su: byu za: danghoid. Houg: ce: akyu" abo ja: ri coung" nghei byid: wa shid re" gi moug: khung: yo' myed jang: panglai yo' hau: akhoug: moo nyid ja- jo, moo jo, dangain" ri phain" so: too" su- dei nyid da" Mangso shoid khyoo: - phoug loo" wa shid re" ludang: seig nanu" ri tid kyoo" byid: wa shid re" nga" eig yug gi hid: moo ju" re" zi nghoid.