ACTS 4:20 - Lacid Common Language Bible

²⁰ Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

ACTS 4:20 Referans Kwoze

ACTS 22:15

Khasu" wim gari Nang gi nanyang: shau" myang bye: da" khyoo: yo' nanyang: shaug" gyoo: bye: da" dang: ri byu yug khang" moo" ri tid kyoo" byid: wa shid mo hau: Aseung: da" sagsi: bue" loo" wa.

YEREMIA 20:9

Nghoid loug we' ngoo gi «Aseing ri to" myhid pyam lho: Nya: myeing moo dang: atid loo wa ein: ngoo tid lang" Re" mungdang: gi myi: yhang: ti" nge" nyid da:. Ge bue" yhi: ngoo hau: ziri zoem: ci: nghoid loug we' hau: ziri ngoo ayo" zoem: ci: nghoid da:.

ACTS 5:32

Hau: da" khyoo: joem yo' sen: lho: wigi nyangnu" gi sagsi: yi nyang: nghoid boem bye- Mangso mungdang: phau" cang mo, ri byid: da- Mangso jhung: shug gyeungshang: Venyi gi sagsi: nghoid- ga: phoug tu" ago".

EZEKIEL 3:11

Houg: lho: pyoung" she: nyhid: too" shau" da" re" byumyu" yi jhang yhe: wigi ngoo yoem: moo" bo Aseing nyangnu" ri tid ziri nyangnu" tam" gyo: nghoid nghoid- atam" gyo: nghoid nghoid nyangnu" ri tid kyoo" we» ga: tid.

ACTS 18:5

Sila yo' Timothi eig yug Makedoni mung" moo zheung: ju" ri" lang" Polu gi nya: ayo, dangain" mungdang: kho" kyo" khyoo: moo za: kaid pyam' wigi Yesu gi Meshia nghoid ga: Yuda byumyu" ri sagsi: kham, byid: nyid.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

YEREMIA 4:19

Dam noo- dam noo ri ngoo atho' zeing: kham. Nga" seing" nyang: we"- Nga" seing" gug gi gye" thung" nyid. Ngoo gi sam: zoo: ayo" tam" too". Ngoo gi laboo" joem thui: yo' meing: zain: jang: mo thui: ri shau" gyo:.

YEREMIA 1:7

Nghoid loug we' Aseing ngoo ri «Nang ngi shi" ein: atid. Nang ri ngoo yhe: shu" nhang: da" byu yi jhang yhi: we' houg: lho: nang ri ngoo tid wa amyeing" byid: to" zi ja: khang" moo" nyangnu" ri yhe: tid kyoo" we'.

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

GYUNG: SOO" 23:20

Main kaid byid: wa shid re" ngoo ri jhau" shed too" bye:. Mangsoo mainkaid byid: ziri ngoo ayo" doem tau" pyam.

GYUNG: SOO" 22:38

Balam gi «Ngoo ri" bye: anghoid rhe" nghoid loug we' akhid" nga" jang" moo: ce: yoem: so' bo lha". Ngoo gi Mangsoo tid we' ga: ziri kyeing" dayo" tid» ga: tid.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

YEREMIA 6:11

Nyangnu" ri nang nheig yo: zigi nga" gung khoo: moo we' nge" lung" jo, da:. Aseing we" hau: ziri ngoo ayo" zeing: ci: loo: nghoid kyi» ein: tid bye:. Houg: lang" Aseing gi ngoo ri «Nga" nheig yo: zigi fu" moo" khyoo: mo zooshang: yi adang khyoo: foid shoin" kaid wa. Houg: lho: zoolu: yi phung: moo foid shoin" kaid wa. Yhoem: seing: phoo yi yo' yhoem: seing: myhi' yiri we' shu" lo" boem wa. Houg: lho: gye" mang: byug bye: bang: rilang" teing too" byid: wa zi anghoid.

AMO 3:8

Khang khyi myeung kaid ri agyug mo, hang" boo wa la". Myhang: thang Aseing tid kaid lang" nya: mungdang: atid fu" kaid loo: za: hang" yo" nyid wa la".