ACTS 28:5 - Lacid Common Language Bible

⁵ Nghoid sho' loug we' Polu gi nya: lo, mo da" lhang: myu ri myikhyoem khoug: khyoo: pyi: khyo kaid lho: ci: we' aca" loo: za: danyid nyid.

ACTS 28:5 Referans Kwoze

LUKA 10:19

Tam" gyoo: ge'- lhang: myu yo' gunggau" tho' moo yo" nang: led lo" lho: gyivo: da" yoem: so' dangain" ri yo" ung: pyam' wa da" amyeing"- Ana: ri ngoo nanu" ri byid: too" bye. Ceja: gyi we' nanu" ri ayo" ung: wa.

MARKU 16:18

Nyangnu" gi lhang: myu joem ri myheug zei: nghoid loug we-shid: lo" ja: myoo: no, dug yeung daja: ja: shug loug we' ci: aca" goo" wa hau: lho: noo phyoo" shau" mo, tho' moo nyangnu" lo, ki" byid: lang"-noo phyoo" shau" mo, we' ge shang: lo" boem wa"-ga: tid kyo".

COUNG" NGHEI 91:13

Akhyeung" da" khangkhyi joem yo' dug bo lhangmyu joem da" atho' moo nang yo" nang: gu: lid loo" wa zi nghoid. khangkhyi nu" joem yo' lhangmyu joem ri re" khyid: yo' yo" nang: pye" pyam wa zi nghoid.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

ACTS 28:6

Nyang: nu" gi Polu ri gung goin" yam: loo wa anghoid lang" gi dalheing: dam, shid: leung loo" wa" zheung: yu" nyid boem ago". Nghoid loug we' nyangnu" gi houg: su" myang sho' zheung yu" nyid ri Polu moo daja: we' abue" lo ziri myang boem lang" gi nyangnu" da" nheigloem: thed' lo lho: he: yug gi phara" dayug danghoid ga: tid go" nyid boem.