ACTS 28:26 - Lacid Common Language Bible

²⁶ Nyang: tid da" khyoo: gi Nang gi hau" mung" byu yi jhang khyoo: yhe: tid we'. Nanu" gi tam" gyoo: nghoid loug we' ase' gyoo: goo" wa Nanu" gi yu" nghoid loug we' amyang goo" wa.

ACTS 28:26 Referans Kwoze

EZEKIEL 12:2

Nyang: tid zigi «Shid: se' da" byu we" nang gi goemlu to' da" byumyu" yi phung: gung moo nyid nyid da:. Nyangnu" myojid" dab nghoid loug we' ci: amyang nghoid da:. Nukhyab dab nghoid loug we' ci: ashau" gyoo: nghoid da:. Ciwim gari nyangnu" gi goemlu too' nau ago".

MARKU 4:12

Khasu" wim ga: ri nyangnu" gi yu" nghoid loug we' amyang - tam" gyoo: nghoid loug we' ase' gyoo: nghoid ago". Nyangnu" myang lho: se' gyo: yu boem nghoid rigi Mangso jang" moo doem tau" loo goo" wa Houg: lang" nyang: gi nyangnu" ri Yooboo khyoid pyam byid: wa ga:

LUKA 24:45

Hau: thang: ri cangzoo: yi gi jhoem: mungdang: ri se' gyoo: wa da" shid' re" nyangnu" da" nheigloem: khoem" duang: byid.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

YEREMIA 5:21

Myojid" dab loug amyang- nukhyab dab loug ashau" gyo: da" nheig agyeing: ko" da" byumyu" yi nanu" we"- goolhoo' tam" gyoo: we'..

ESAIA 66:4

Hougsu" yoomo ngoo gi nyangnu" adang moo nyangnu" gyoug da" ja: kyi" khyeug yau: khi" ziri bui" nhang: wa. Ciwim gari ngoo khe: uri hang" are" byid:. Nga" dang: ri hang" atam" gyoo: byid: yoomo nghoid da:. Nyangnu" gi ngoo ri tid dang: agyoo: byid: wa yo' akhyeing" zi koid wa khyen: yu ago"» ga: tid da:.

ESAIA 29:14

Houg: lho: ngoo gi amyid to" da" ja: daloem: thang: daloem: wigi nyangnu" ri dain moug" nhang: wa. Phajhi" boo bang: ri koodoug: bui" loo" nhang: wa. Nyangnu" da" se' jhang: nheig bo: khyoo: dangain" gi ajain" bui" wa» ga: tid.

ESAIA 29:10

Aseing gi nanu" ri yhoeb noug noug nhang: wigi yhoeb moo" myid" nhang: wa jen" jen" koid to" abye:. Lapi: yigi byu yi da" myojid" joem nghoid ago". Nghoid loug we Mangsoo gi nyangnu" ri myo, thoeb too" byid: da:.

TARHA" TID POIN" 29:4

Nghoid loug we' akhid" nyid" ju" sho' nanu" thung" shoug" lo da" khyoo: ri nyang: wigi nanu" ri ase' gyoo: nhang: shi" nghoid da:.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.