ACTS 26:29 - Lacid Common Language Bible

²⁹ Polu doem tid zigi daso' dadam ga: nghoid loug we' - myang" sho' nghoid, nghoid hau: zigi yhoug: gyen: khyoo: anghoid - Khokham" phoo Nang yo' dage" akhid" nyid nga" dang: ri tam" gyo: nyid bang: dangain" gi Hid: nga" jangcoo" doem' ri atid noug- ngoo yo' dakhyoo" ti" bue" lo boem wa shid re" Mangsoo ri ngoo akyu" mho' nyid ga: phoug tu.

ACTS 26:29 Referans Kwoze

Ephesu 6:20

akhid" ngoo gi thung: loung" jo, su: danghoid loug we' hau" ngei bu: lu dang: ge shid re" lagyoo: zeing dayug nghoid- hau: ngei bu: lu dang: gi ri kho" kyoo" wa shid' re" ngoo kho" kyoo" eung: ziyo' dakhyoo" ti"- seing" yang" ziyo' yo" tid kyoo" baja"- akyu" bo mho' byid: nyid ge'.

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

Roma 10:1

Mang: nhung" yi we" - ngoo gi ngoonya: da" byumyu" khyoid' yu zi shau" wa shid' re" - nheigloem: ungkhoug: dangain" yo" myid byu zoo" re" - Mangso: da jhang; moo akyu" mho' nyid.

ACTS 21:33

Gyizoug: moo" gi Polu jhang khyoo: yhe: lo" lho: myheug yu lho: jangcoo" eig khaid yo' tei" too" wa shid re" amyeing" khyo' kaid' bye. Hau: thang: ri gyizoug: moo" gi he: yug hang" nghoid lha". Nyang: ce: noem koid shoid lha". myed: yu.

2~KORINTHU 11:1

Ngoo dajhi ko" go da" khyoo: ri nanu" seing: kham, byid: ngoo vho: nyid Jeju" yo'' gyeung" nyang: kham, zeung: byid: ge'.

1Korinthians 7:7

Gyeing" nyang: ga: rigi- byu dangain" bang: ri ngoo yhang: ti" nyid nhang: nau zi nghoid. Nghoid loug we' byu yug khang" moo" gi Mangso jang" mo yo" yu da" mainkaid byid: jeju" gi adu, goo- byu dayug yug gi gootu: daja- gootu: dayug gi gootu: daja: ri yo" yu.

1Korinthians 4:8

Akhid" nanu" moo: ca" moo: ca" joeb byeung" sho' yoo" bye: anghoid goo" la" Nanu" yo" de, lo bye: go" la" Nghoid bye: ngoonu" gi nanu" yo' dage" khokham yo" bui" sho'- nanu" gyeing nyang: khokham bue" yu" ge mhai".

ACTS 25:14

Hau: voogung moo nyangnu" gi myoo" sho' nyid" zheung: nyid thang: ri Phestu gi Polu khyoo: yo' sen: lho: wigi Khokham" phoo ri tid kyo" da. Phestu gi Khokham" phoo ri Hid: moo Philid' wigi thung: lhoung too" khare" da" thung: byu dayug nyid.

ACTS 12:6

Herod gi Petru ri mung" byu yi da" shid khoin" khyoo: shu" thu' loo" wa da- xang: shed" myen" ri Petru gi goem loem gyizoo: eig youg da" agyoo: moo yhoeb, myhed' jo. Nyang: ri jang coo" eig khaid yo' tei" to" ago- thung: khoem" duang: moo we' goem loem gyizoo: yi zung" nyid boem bye.

YOHAN 5:34

Nga" da" khyoo: ri byu dayug yug gi sagsi: kham: byid: aca" loo. Nanu" khyoid yu zi shau" wa shid' re" za: he: dang: ri ngoo tid nyid zi nghoid.

YEREMIA 13:17

Nanu" atam" gyoo: nghoid rigi nanu" da" nghoid boin: myid yoomo ngoo gi gau: da" joyoo moo ngoug wa. Aseing da" byumyu" yi thung byu khyo" shu" loo" bye: yoomo ngoo gi nheig khoo" sho' ngau wigi nga" ngoug byid joem yau loo" wa.

2 KHOKHAM 5:3

Danyid" ri nyang: gi nya: join, seing: myhi' ri «Ngoo gi nga" yhoem: seing: ri Samari moo nyid da" Lapi: pho jhang yhi: nhang: nau da:. Lapi: gi nya: dam ri yo" byang" gi byid: wa» ga: tid da:.

2 SAMUELA 18:33

Khokham phoo gi nheig koug nheig nge zi shoug" nyid bye:. Nyang: gi vang khyam: khoem" mhang" mhoug: tho' khyoo: do, lo" wigi ngau nyid da:. Nyang: do, lo" lho: nga" zoo: we"- nga" zoo: Absalom we"- Absalom we"- nga" zoo we" nang shid: wa gungthid ngoo da shid: wa zi nga" zoo: Absalom we" nga" zoo: we"» ga: ngau nyid da:.

GYUNG: SOO" 11:29

Moshe phug lho: «Nga" shid re" nang myid ci' byid: rhe". Aseing gi nya: da" Venyi: ri nya: byumyu" yi dangain" ri kaid byid: wigi nyangnu" dangain" ri lapi: yhang: ti" nyhoo: nhang: wa ziri ngoo vho: ngei nyid» ga: tid.

THU' LO" MOUGSOUG" 16:3

«Aseing ngoonu" ri Egutu moo said pyam wa ziri ngoonu" je" vho:. Hougmoo: neing: thang gi ngoonu" zhung: jo, wigi shoo" yo' gootu: zoo: shug ri ngoonu" vho: da" nhoo' shoug" zo: zi nghoid. Nghoid loug we' he: dain" pyoid yoo moo zooyoid wigi ngoonu" dangain" shid: wa shid re" re" tang: ngoonu" ri shu" thu lo abye:» ga: tid ago".

YEREMIA 38:20

Ngoo tid zigi «Nang gi nyangnu" lo, khyoo: ab byid: pyam zi ashau" wa. Aseing da" Mungdang: ri tam" gyo: cang yhe: wa shid re" ngoo nang ri mho' yoid. Houg: lang" nang yoo yoo nghoid wa. Re" kangso' loid byoin wa.