ACTS 26:23 - Lacid Common Language Bible

²³ Meshia gi dayam, dayoo: kham, zo: wigi nyang: gi shid: jang" mo xang: shed" doem dei to' loo su: nghoid ziyo' - Yuda byumyu" yi yo' tungbau byumyu" yi ri khyoid yu khyoo: ri tid fu" loo" goo" wa ga: Meshia yo' lapi: yi tid too" khare" ziyo' dakhyoo" ti" ngoo kho" kyo"- ga: tid.

ACTS 26:23 Referans Kwoze

LUKA 24:26

Meshia gi myonhoo: phung" yoeb akham: yu shi" ri hid: yhang: te" da" kyi" khyeug yau: khe" khyoo: ri kham: zo: ca" nyid anghoid goo" la"» ga: tid.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

KOLOSE 1:18

Nyang: gi nya: gung du: ein: da" phoung: da" vhuloem nghoid nyid nyang: gi hau: gung du: da" kangso' apoem: we' nghoid nyid nyang: kyeing" za: dangain" da" yhoug: gyen: thang nam: baid' daloem: da" jo yoo ri yo" yu baja"- shid: bye: bang: mo doem dei to'' loo nhang: da" zooshid" mang: moo" nyang: nghoid.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

1Korinthians 15:3

Khasu" wim gari- ngoo kham: yu bye: da" akhyag thang da" khyoo: joem ri- ngoo nanu" ri tid kyo" kaid bye- Hau: khyoo: gi jhoem: mungdang: moo: lhid" to" ziyo' dakhyoo" ti" Khirstu gi ngoonu" da" youg: noo yooboo shid mo shid: kham: byid: bye.

LUKA 2:32

Aseing: soin jen" to" da" khyoid yu jeju" ri ngoo gi myang nyang: myang kho" bye- ga: coung" byid.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

YOHAN 10:18

Khayug we' nga" kangso' ri ayo" yu pyam byid ngoo nya: myid khyo" ngoo byid: pyam da" khyoo: nghoid. Ngoo gi kangso' ri byid: pyam wa amyeing" yo"- Kangso' doem yo" tau" yu wa amyeing" ngoo ci:- Hid: su" koid; wa shid' re" phoo gi ngoori akhyeing byid: to" amyeing" byid: to" zi nghoid ga: tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 26:8

Mangso wigi byu yi shid' re" dei to' loo nhang: ziri age loem" ga: he: khyi, moo nyid to" da" nanu" gi khasu" ein: jho: nyid go" la".

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

LUKA 24:46

Nyang: nyangnu" ri tid zigi Meshia gi kyi" khyeug kha, lho: hau: thang: ri shid: jang" mo soem" nyid" kyoo: lang" doem dei to' loo wa ga: lhid" to".

MATHE 27:53

Yesu shad: jang" mo doem dei to' lo thang: ri houg: bang: we' loeb khoug: mo zheung: thu' lo boem lho: gyeungshang: da" voogung khyoo vang lo" boem wigi nyangnu" byu myoo" sho' mo nyangnu" ri lhoem: myang boem.

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

ACTS 3:24

Hau: lho: Samuela yo' Nya: thang: moo ju" ri" mo, mungdang: ri yo" da" lapi: yi dangain" mo, gi he: da" bidnyid moo bue" nyid da" khyoo: dangain" ri we' lapi: pe: too" bye.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.