ACTS 24:26 - Lacid Common Language Bible

²⁶ Nyang: gi Polu ngei kyab, byid: abe» ga: myed wigi Philid' gi daso' so' khe: yu lho: doem, go" nyid.

ACTS 24:26 Referans Kwoze

DANG: ZHOEM 17:23

Akyang" yoin" da" tarha" agyi phoo gi khoug" byid: da" khougvhoid jhungshug yo" yu zo: da deing byeung" moo" ri azei: nghoid da:.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

1Korinthians 6:9

Akhyeing" ashoeb bang: gi Mangso mungdain ayo" vang seing: wa ziri: nanu" nyang: deing" deing se' nyid bye. Khyoo: avhang: goo"- youg: shoo: goo" mo, phara" soolhoo: no mo, sube" myi: lhoid mo, yug gi nyang: cang aved avhu: koid goo" mo

ACTS 24:17

Ngoo gi Yerusalem voomoo" mo thu' lo" thang: ri myang" sho' zain ri nga" byumyu" yi shid' mo, alu: ngei ri voin, yhi: wa shid' re yo' Mangsoo ri xoin" ngei" byid: wa shid re" hau: voogung khyoo: ju" loo" bye.

MIKHA 7:3

Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

HOSEA 4:18

Zabyid yhid: myoo" sho' shug thang: ri nyangnu" da" shava myhi' shava phoo moo" moo pyo: nyid ago". Nyangnu" gi ngi: shab wa tho' ngi yoem" shang pyang: wa ziri je vho: ago".

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.

EZEKIEL 22:27

Mung" vhoeb zoug: yigi nyangnu" yo" khaid yu to" da" shoo" ri ngaid phyo' zo: nyid da" zeigni joem yo' du ago".

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

ESAIA 33:15

Nanu" jo da" dang: tid wigi jo da" moo" zei: boem nghoid rigi nanu" yo" nyid deing boem goo" wa. Sho" jhen: bang: ri fain" zoo: wa nanu" da" yoem so' ri aci: goo". Khougvhoid jhungshug ri ayu goo". Byu said wa yo' akhyeing" da" gootu: moo" joem ri koid wa soin to" da" bang: yo' azoem" goo".

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

DANG: ZHOEM 29:4

Khokham gi deing: byeung" khyo" cang nyid ziri nya: mungdain: moo: yoem: bo, loo wa zi nghoid. Nghoid loug we' nyang: gi ngei sheing: riza: te: myid nyid nghoid rigi nya: mungdain: ri lhu: phyo' pyam, loo wa nghoid.

DANG: ZHOEM 19:6

yhouggyen: da" byu yi wigi myonhoo: byid: yu zi shoug" wa shid re" yugkhang" moo" yoem: kaid ago"- myonhoo: byid: su: yo' yugkhang" moo" bidnoem koid nyid boem.

DANG: ZHOEM 17:8

Byu dayham" gi khougvhoid ri fa" da" phajhi" ri yhang: ti" yo" bui" wa ga: jho: ago". Nyangnu" gi ja: khang" moo" ri yo" ze" bui" wa ga: myid loem nyid ago".

YOBA 15:34

Mangsoo ri ase' bang: gi amyed ashen ayoo" wa. Houg: lho: khougvhoid ngei wigi zhug to" da" yhoem: joem ri myi: wigi nghe' pyam wa.

2 KHOKHAM MHOOMYID: 19:7

Aseing ri ngi: shab byid: lho: zid" lhid wigi nyeing" koid we'. Ciwim gari ngoonu" da" Aseing Mangsoo gi mhau' zi myonhoo: khyen: zi khougvhoid jhungshug yu ziri zeing: kham: byid: su: anghoid » ga: jhau" shid da:.

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 8:3

Nghoid loug we' nya: tang: gi nya: pho da" leig ri acang loo: za: ngei myo, no, da" moo" zoo" moo za: nheig dab nyid boem ago". Khougvhoid jhungshug joem ri nya: eig yug khab yu nyid yoomo jo eung: khyo" moo" zoo" ri ayo" tid phyed byid: nghoid ago".

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

THU' LO" MOUGSOUG" 23:8

Khougvhoid age khab, yu zoo: wa zi nghoid. Ciwim gari khougvhoid gi byu yi da" deungmain" myojid" ri jid, nhang: nyid ziyo' deungbyeung" su: da" dang: ri byo, yoin nhang: nyid da" zi nghoid.

MATHE 17:3

Hau: lho: cangzoo: soem" youg bang: gi Moshe yo" Elia thu' lo lho: Yesu yo" doem, go" nyid zi zheung: myang boem.