ACTS 24:14 - Lacid Common Language Bible

¹⁴ Shoid ga: nyangnu" tid da" houg: khyoo: ein: da" phung: loem khau: da" khyoo: moo cang yhe: khyo" wigi-Ngoo gi nyangnu" phoug" phyid" yi da" Mangsoo ri noku nyid ein: - he: khyoo: rigi re" shid' khoin" moo ngoo yhen: yu bye. Nghoid loug we' ngoo gi Moshe tarha" yo' lapi: yi da" mougsoug" joem moo lhid" to" khyoo: dangain" ri loem, khau: cang pyeung nyid.

ACTS 24:14 Referans Kwoze

ACTS 9:2

Aseing: da" khyoo: ri phau" cang nyid mo Yuggi myiyi: yi ri myang lang" nyangnu" ri myheug yu lho: wigi Yerusalem voomoo" khyoo: shu" tau" loo" wa shid mo khainjung pho, jang" mo Damasku voo moo jo, da- tarha" jung yi jhang being" si' byid: da" akhang" mougsoug" ri yhe: mho' ci: da.

Roma 3:21

Hougsu" nghoid loug akhid" uri - Mangso: da" shid' khoin" moo- xangsu: byu yi khasu" koid' lho: yo" deingbyeing" wa da" khyoo: ri - toin" shid' too" bye. Hau: zigi tarha" cang khyoo: khyo" anghoid. He: da" khyoo: ri - Moshe da" tarha" yo" lapi: yi da mungdang: gi sagsi: kham byid: nyid.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 3:13

Abraham Isag yo' Yaku da" Mangsoo nghoid nyid ngoonu" phoug" phyid" yi da" Mangsoo gi Nya: deizoo: Yesu ri yoem: moo" phung yoeb, byid: to" abye:. Nghoid loug we' nanu" gi nyang: ri amyeing" ci: mo, da" lo, moo, ab, byid: pyam lho-pilaid gi nyang: ri pyoin kaid' wa ga: lang" bain myed phyed' to" thang: ri nanu" gi Pilaid' shid khoin" moo-Nyang: ri he: ngeug pyam boem abye: go.

ACTS 26:22

Nghoid loug we' akhid" nyid" ju" sho' Mangsoo gi ngoori pang" thung byid: nyid yoomo hid: moo yab, jo, lho: - gyi: su: ngisu: a ein: loo: yug khang" moo" ri sagsi: yo" kham, byid: nyid zi nghoid.

ACTS 24:5

Byu he: yug gi ayoug: akhi" bui" nhang: su: nghoid ziyo' mougmyid gyab, goin" jang" mo Yuda Byumyu" yi ri mo, thei" mo, yug bui" nhang: wa shid mo pui: su: nghoid yoomo Nazared phung: mo vhu" jhung: dayug nghoid ziri ngoonu" shau" myang bye.

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

ACTS 26:27

Khokham" Agripa we" - Lapi: yi da" jhoem: mungdang: ri nang loem" jeung" la". Nang loem" jeung" nyid ziri ngoo se- ga: tid.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

1PETERU 1:11

He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.

TITU 3:10

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.

GALATI 5:20

Goug ngu soolhoo: no' khyoo:- maintain khyau" fa" lung khyoo: join: yu kau" phajhi" - anoug angei ziyo' myeing" myoo: yhoo: she: khyoo:- noo" goo" zoo go"- nheig yoo ung: jhen:- nyang: nya: da" akyu" te: sho: zi gang: loo" lain' lo" da" khyoo:- phung kho' go" lo" khyoo:-

1Korinthians 11:19

Houg: mo gam, thu' loo" mo, kha: phung: bang: gi jo shoid khyoo: yab, bang: nghoid ein: da"- deingmain" khyoo: gi bang bang nyang: myang loo wa shid re"- nanu" moo: kho' gam, gang: go" lo" zigi: nyid gu, nghoid.

ACTS 26:6

Mangso wigi ngoonu" da" phoug" phyid" yi ri byid: to" da" dang: soo" ri" ngoo myed, byu nyid yoomo akhid" ngoo gi he: joyoo moo yab, jo, wigi myed: ca: yu" ziri shau" nyid da.

ACTS 24:22

Hau: thang: ri philid' gi hau: khyoo: ein: da" phung: da" khyoo: yo' sen: wigi nyeing" za: se' too" su: nghoid yoomo myed: ca: yu" da" khyoo: ri theung: pyam' bye. Houg: lang" nyang: gi gyizoug: moo" Lusi ju" loo lang" Ngoo nanu" moo" ri dang: phyed' byid: wa ga: nyangnu" ri tid.

ACTS 22:14

Anania tid zigi nang gi ngoonu" phoug" phyid" yi Mangsoo nyang: vho: da" khyoo: ri si' wa shid re" we' Mangso da" deingmain" da" deizoo: ri shau" myang wa shid re" we' Mangsoo gi nang ri khyen: yu bye.

ACTS 19:9

Nghoid loug we' nyangnu" mo dayham" bang: gi nheigloem: thain: nyid boem yoomo aloem" jeung" boem nghoid ago". Houg: yoomo nyangnu" gi mung" byu dangain" bang: da" shid' khoin" moo Aseing: da" khyoo: ri age khyo" tid phue: pyam' byid: boem ago". Houg: yoomo polu gi loem" jeing" bang: shu" lho: nyangnu" mo zheung: thu' lo" wigi Turanu ga: su: da" phajhi" jung moo nyid" khang" moo" mungdang: ri tid go" koin, da" zoeb, phung ri koid nyid boem ago".

ACTS 13:15

Moshe tarha" yo' lapi: yi da" mungdang: ri bain, nghab lang" tarha" jung mo da" agyi yi gi mang: nhung" yi we" - mung" byu yi ri yoem: byid: wa da" mungdang- nanu" yo" boem nghoid rigi re" tid kyoo" ge" - ga: byu nhang: kaid' lho: tid nhang.

ACTS 10:43

Nyang: ri loem" jeing" bang: yug khang" moo" gi nya: myeing mo amyeing" akhang" khyo" wigi yooboo khyoid pyam' byid: zi shau" wa shid re" nya: khyoo: yo' sen: lho: lapi: yi dangain" bang: gi tid boem abye: go" ga: tid.

ACTS 7:32

Nghoid loug we' nyang: gi Aseung: da" thui: ri shau" gyo: zigi Ngoo, gi nanu" phoug" phyid" yi da" Mangsoo- Abraham da" Mangsoo- Isag da" Mangsoo Yaku da" Mangsoo nghoid- ga: da" thui: ri yhe: shaug" gyoo: yoomo Moshe gi gyoug nain" ziyo' avoem" yu" loo.

ACTS 5:30

Ngoonu" phoug" phyid" yi da" Mangsoo gi nanu" wigi pyang" zeing tho' moo baid' jen" said' pyam da" Yesu ri shid: jang" mo doem dei to'' loo nhang: bye.

YOHAN 1:45

Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye. Hau: yug gi Yoseb da" nya: zoo:- Nazared mo Yesu nghoid ga: tid.

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

LUKA 16:29

Abraham gi re" nhoung" ri tid poin" wa shid' re" Moshe yo" lapi: yi nyid bye. Houg: bang: da" dang: ri tam" gyoo: goo" baja" ga: tid poin" bye.

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

LUKA 1:70

Aseing: gi ngoonu" ri gyivoo yi da" lo, mo we' ngoonu" ri ngheing" mo, da" lo, mo we' khyoid yu wa da" shid' re"

MATHE 22:40

He: da" tarha" eig loem: gi Moshe da" tarha" dangain" yo' Lapi: yi jhoug" byid: da" dang: gung apoem: nyang: nghoid bye:» ga: tid kyo.

MATHE 10:32

«Hang" nghoid loug we' Sube" shidkhoin" moo ngoori yhen: yu ri Mougkhung: tho' moo nyid nga" pho, da" shid khoin" moo ngoo we' hau: yug ri yhen: yu wa.

MATHE 7:12

«Subi" nanu" ri pang" thoug byid: wa nanu" vho: nyid ziyo' dakhyoo" ti"- subi" ri we' nanu" cang pang" thoug ge'. Hau: da" zigi toung: to" da" tarha" yo"- lapi: yi da" dang: gung nyang: nghoid bye.

MIKHA 4:2

Nyangnu" da" byu yigi «Israela da" Noku Yhoem: Moo" jo, da" Aseing bouggung khyoo: nyhang" do, yhi: shang. Nyang: gi nyhang" ri koid nhang: nau da" khyoo: joem ri jhau" byid: lho: nyhang" gi nyang: khyen: byid: to" da" khyoo: moo: so" yhe: lo" boem wa zi nghoid. Khasu" wim gari Aseing da" jhau" mho' da" khyoo: gi Yerusalem mo ju" re" wigi nyang: gi nya: da" byumyu" yiri Ziun boem mo tid kaid» ga: tid go" nyid wa.

AMO 8:14

Samari voo mo soolhoo: yu phara" joem ri jham' tang: lho: «Dan mung" mo yu phara" khyo" hougsu" anghoid lang" gi Berasheba mo yu phara" khyo" ga: jham' tang: da" byu yigi gyoeb gyo" lo" lho: khanham we' adoem yo" too' loo: goo" wa» ga: tid nyid.

COUNG" NGHEI 119:46

Re" da" amyeing" dang: joem ri khokham yiri: ngoo tid fu" kyo" loo" wa zi nghoid lho: ngoo gi gyoug sho' shoug" wa zi anghoid.

1 KHOKHAM MHOOMYID: 29:18

Ngoonu" da" phoug" phyid" Abraham- Isag- Yaku bang: da" Aseing Mangsoo we"- re" byumyu" yi da" nheigloem: khoug: moo: hid: su" dang: zung" da" myid ri khanham we' zoem: ci: byid: la. Nang ri khanham we' jhug zug da" myid ri kaid byid: la.

THU' LO" MOUGSOUG" 3:15

Ngoo gi Nanu" phoug" phyid" yi da" Mangsoo- Abraham- Isag- Yaku da" Mangsoo Ngoo Aseing gi nang ri nyangnu" jhang nhang: kaid ein: Israela byumyu" yiri tid we'. He: zigi apyaid atoo: mo nga" myeing nghoid. He: zigi ju" loo wa da" byuxeig xeig khang" moo" bang: ngoo ri yoid wa da" myeing nghoid.

ACTS 19:23

Hau: ayo, moo Aseing: yesu gang mo Ephesu voogung moo yau: khe" khyoo: azeing bue" thu' loo bye.

ACTS 15:5

Nghoid loug we' pharishe be da" phung moo bo da" loem" jeung" mo, dayham" gi zheung: to' yab, lho: wigi tungbau byumyu" yi gi shooyid' thang: yham" khyoo: kham: yu ca" hau: lho: Moshe da" tarha" ri bo phau" cang wa shid re" nyangnu" ri tid ca" ga: bo tid nyid boem ago".

ACTS 25:8

Nghoid loug we' Polu gi Ngoo gi yuda byumyu" yi da" atrha" ri we' Mangso jhoem: mungdang: ri we' Roma Khosen" ri we' shoid vhang: da" yooboo gi ngoo daja" we' akoid- ga: wigi nya: da" gung ri tid ve, yu da.

ACTS 26:4

Ngoo gi zooyam, pyaid mo khasu" kang: so' dei nyid lid lo da" khyoo: ri Yuda byumyu" yi dangain" se' boem ago". ngoo gi xang: shed" ayo, moo ngoo nyang: khu: lo da" meing: moo nyid lho: hau: thang: rigi Yerusalem voomoo" moo- nga" da" pyaid goin" nyid lo da" khyoo: ri nyangnu" se' ago".

ACTS 28:22

Khasu" wim gari nang bo da" phung: ri khyi, khang" moo mung" byu yi ngeug thoug shang" nyid ziri ngoonu" se. Nghoid loug we' nang myed khyoo: ri ngoonu" we' tam" gyoo: nau- ga: tid ago".

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.