ACTS 23:6 - Lacid Common Language Bible

⁶ Polu gi Tarha" yab, do' moo boo bang: dayham" gi Pharishe" nghoid wigi dayham" gi Saduke nghoid ziri myang lang" Polu tid zi gi mang: nhung" Israela byumyu" yi we"- ngoo gi Pharishe" dayug nghoid wigi pharishe" dayoug nya: zoo: we' nghoid. Shid: jang" mo doem dei to'' loo wa ziri ngoo myed byu lang" nyid khyoo: athang shi" wigi ngoo gi he: khyi, moo myed: ca: yu" ziri shau" nyid zi nghoid-ga: tarha" yab, do, moo nyho: tid nyid.

ACTS 23:6 Referans Kwoze

ACTS 24:21

Ngoo, gi nyangnu" da" shid' khoin" moo yab, jo, uri" Shid: bye: bang: doem dei, to loo wa khyoo: ri loem, khau: loem" jeung" nyid yoomo akhid" nyid" ngoo gi nyangnu" da" myed: ca: yu" da" khyoo: ri kham, nyid, , ein: yoid, nyho: da" tho' moo jain" lho: nyangnu" gi ngoori ce" ja" yooboo we' ayo" foin: boem nghoid ago".

ACTS 24:15

Ngoo gi nyangnu" yo' dakhyoo" ti" xangsu: byu yi gimo, agi mo, dangain" dakhyoo" te" - shid: jang" mo doem dei to'' loo wa nghoid ein:- Mangso khoug: moo myed lang" nyid su: nghoid,

PHILIPI 3:5

Ngoo gi apyaid' ngi shi" da" ayo, mo nyang:- athang: yham" ci: bye- Israela byumyu" Ben-yamin akung: ako'' yo' Hebre byumyu" yi mo we' Hebre suid" agyeing" nyang: nghoid nyid Yuda yi da" toung; to" tarha" ri cang pyeing shang ga: rigi ngoo Pharishe" nyang: nghoid bye.

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

MATHE 22:23

Hau: bidnyid ri nyang: Saduke dayham" gi Yesu jang" moo ju" re" boem. Houg: bang: gi shid: jang" mo doem dei to'' loo wa ziri aloem" jeung" mo, nghoid ago".

ACTS 22:5

Ngoo tid nyid da" dang: khoin" joem gi deung: khyoo: ri Khainjung agyi phoo yo' tarha" yab, do, goin" mo mo, gi sagsi: yo" kham, boem wa zi nghoid. Ngoo gi nyangnu" da" lo, mo Damasku voogung moo zheung: nyid da- Yuda mang: nhung" yi ri lhid" foin: kaid' da- mougsoug" ri lhoem: yu ci: lho: houg: moo nyid mo, ri yoobo dam byid: wa shid re" myheug yu lho: Yerusalem voomoo" khyoo: tei" she: yhi: wa shid mo ngoo gi Damasku voogung khyoo: do, loo" bye.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

ACTS 22:3

Ngoo gi Kiliki mung" Tarshu voogung moo khu: lo da" - Yuda byu dayug nghoid. Nghoid loug we' he: da" Yerusalem voomoo" mo Gamale da" jung nu" dayug khyo" nyid gyi: loo su: nghoid- nanu" da" phoug" phyid" yi da" tarha" khoug: moo thain: khyo" jhoug" byid: ziri we' - ngoo kham: yu lo yu" bye. Akhid" nyid" hid: moo nyid boem da" nanu" dangain" mo, yo' dakhyoo" ti" ngoo we' Mangso shid' moo kang: lung bu lo yu" su: nghoid bye.

ACTS 22:30

Gyizoug: moo" gi Yuda byumyu" yi ci: yoomo Yooboo foin: go" khyoo: ri khyag za: si noug yoomo nyang: gi thang: nyid ri Polu ri jang co" tei" to" ziri phoid: pyam' nhang: lho: khainjung agyi moo"' yi yo' Yuda tarha" yabdo, moo boo mo, dangain" ri zeung: phoung lo boem wa shid' mo amyeing" khyo' kaid' bye. Hau: thang: ri nyang: gi Polu ri shu" lo wigi nyangnu" da" shid' khoin" moo yab, jo, nhang.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 23:7

Polu he: dang: ri tid kaid' yo' - Pharishe" yo, Saduke" gi nyang: cang" nyang: tid ngeug byo, go" thu' lo wigi tarha" yab, do' moo boo bang: gi eig phung go, gyo" loo" khari" bye.

ACTS 23:15

Houg: yoomo ngoonu" yo' tarha" yab, do, mo phung: bang: gi Polu da" khyoo: ri je" si' noug goin' koid lho: Polu ri nanu" jhang khyoo: shu" gyo" loo wa shid mo Roma gyizoug: moo" jhang dang: pyeung: kaid ge'. Nanu" jhang khyoo: nyang: aju" gyo" loo shi uri ngoonu" gi nyang: ri said' wa shid re" - jen" jen" lang" nyid boem wa ga: yhe: tid boem.

ACTS 23:20

Houg: lang" hau: da" zoolu: zoo: gi Yuda amyeing" akhang" ci: bang: gi Polu da" khyoo: ri je" wigi si' noug goin, koid boem lho: wigi nab, kyoo, polu ri tarha" yab, do, mo shu" gyo" loo wa shid re" Nang zoug: moo" ri mho' wa ga- sham: veing" to" ago".

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

HEBRE 6:19

Ngoonu" gi hau nheig byu joyoo ri ngoonu" da" kangso' dei khyoo: moo joto' nghui" zeing daloem: yhang: ti"- yo" kham: yu boem bye. Hau: zigigoem, loem, khyoo: yo' geung: teung khyoo:- nghoid wigi moug: khung: tho' mo noku yhoem: yo' pain" yam, akhau: shoid mo yab, khyoo: yo" kyang lid vang lo" boem bye.