ACTS 21:40 - Lacid Common Language Bible

⁴⁰ Gyizoug: moo" gi nyang: ri akhang" byid: - hougsu" wi Polu gi zoem" lhang: phyoo" moo yab, jo, lho: mung" byu yi ri sam: zoo: nyid goo" wa shid' re- lo, tu, tu, nyid da- mung" byu yi tam" loo" lang" Polu gi nyangnu" ri Hebre myeing" khyo" wi, tid zi gi

ACTS 21:40 Referans Kwoze

ACTS 12:17

Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

ACTS 26:14

Ngoonu" dangain" bang: gi myidjang: moo leung lo" byug boem wigi Hebre" myeing" khyo" Sho" lu- Sho" lu Nang ngoori cikoid shen" yhen nyid lha". Nujung loo: gi nya: Aseung: da" voosi" zucoin: moo khyid: peig peug yu ziyo' dakhyoo" ti" nang gi ngoori gyi, koid wigi - nanya: gung ri nanyang: noo nhang: da- ga: tid da" thui: ri ngoo shau" gyo.

ACTS 22:2

Nyang: nu" gi Hebre" myeing" khyo" nyangnu" ri tid da" dang: ri shau" gyo: boem lang" gi je" tam lo" boem bye- houg: lang" Polu gi xo' lho: wigi

YOHAN 5:2

Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid.

ACTS 21:35

Nyangnu" gi gyidab, zoem" lhang: moo ju" loo" yo' - mung" byu yi gi aphoug" akhyoid' koid lo boem yoomo - gyizoo: yi gi Polu ri nyangnu" da" lo, phyoo" khyo" vu, do, loo" ca" bye.

ACTS 19:33

Yuda byu yi gi Alexandru mung" byu yi da" shid' vhu" khyoo: yhi: nhang: kaid' yoomo mung" byu yi dayham" gi Alexandru we'-mo, thei" mo, yug lu: fu: go" lo da" khyoo: yo' sen: wigi nghoid wa"- ga: jho: ago". Houg: lang" Alexandru gi mung" byu yi ri sam" zoo: nyid boem wa shid re-lo, tu, tu, lho: nyang: ashoid da" khyoo: ri tid yed: yu wa shid mo, yoem: kaid' nyid.

Pang Shug 16:16

Hau: thang: moo hau" venyi joem gi Khokham" yi ri Hebre myeing" khyo" Armagedon ga: da" joyoo moo khe: zheung" phoung too" bye.

Pang Shug 9:11

Nyangnu" ri vhoeb, khang" nyid da" Khokham" gi no, athang da" duang: khuang" mo lagyoo: nghoid. Nya: da" myeing gi Hebre myeing" khyo" Abadon ga: Heleni myeing" gi Apolion nghoid. (Hau: da" dangkang: gi (Lhu: phyo' su) ga: zi nghoid.

ACTS 13:16

Houg: lang" Polu gi to yab, lo, tu, lho: tid zigi Israela byumyu" yi we' hid: moo nyid da" Mangsoo ri coung" nghei tungbau byumyu" yi we' tam" gyo: yu" ge'.

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

YOHAN 19:20

Yesu ri pyang" zeing; tho' moo baid jen" said da" joyoo gi voogung yo" gye jhang yoomo byu myoo" sho' mo, gi hau: xang: yoeb ladoo" mougsoug" ri re" yo" nghab boem. Hau: mougsoug" ri Hebre myeing"- Latin myeing"- Greek myeing" khyo" lhid" tab to" boem.

YOHAN 19:17

Yesu gi vhu" gyab' boug ga: da" joyoo khyoo:- nya: pyang" zeing: ri vu, lho: yhe: lo. (Hau: da" joyoo ri Hebre myeing" khyo" Golagotha ga: zi nghoid.)

YOHAN 19:13

He: da" dang: ri shaug" gyoo: lang" gi Pilaid khokham" gi Yesu ri nghe: shoid khyoo: shu" thu' lo" lho: Lug pyi" myhu" to" da" tarha" gabyam: tho' mo, zhungtang tho' moo zhoung: jo, nhang. (Hau: lug pyi" myhu" to" da" gabyam: ri Hebre myeing" khyo" gi Gabatha ga: da" joyoo nghoid.)

LUKA 23:38

Nya: da" vhuloem phyoo" moo He: Yug Gi: Yuda khokham" Nghoidga: lhid" tab to" boem.

2 KHOKHAM 9:13

Dalheing: dam Yehu da" gyizoug: byencang" yigi nyangnu" byisheing: joem ri zoem" lhang: phyoo" moo: Yehu da" khyid: yang: moo khyoid myu" lho: laboo" moid wigi «Yehu gi khokham nghoid» ga: nyho: ago".

ACTS 1:19

Yerusalem voomoo" moo nyid mo, dangain- hau: khyoo: ri shau" gyo: boem bye- Hougsu" wi nyangnu" gi hau: nya: da" myed jang: cu' ri nyangnu" da" myeing" khyo" Akeladama ga: myheung to" ago- Akeladama ga: tid zigi suid" moug: myed ga: zi nghoid.)