ACTS 21:33 - Lacid Common Language Bible

³³ Gyizoug: moo" gi Polu jhang khyoo: yhe: lo" lho: myheug yu lho: jangcoo" eig khaid yo' tei" too" wa shid re" amyeing" khyo' kaid' bye. Hau: thang: ri gyizoug: moo" gi he: yug hang" nghoid lha". Nyang: ce: noem koid shoid lha". myed: yu.

ACTS 21:33 Referans Kwoze

Ephesu 6:20

akhid" ngoo gi thung: loung" jo, su: danghoid loug we' hau" ngei bu: lu dang: ge shid re" lagyoo: zeing dayug nghoid- hau: ngei bu: lu dang: gi ri kho" kyoo" wa shid' re" ngoo kho" kyoo" eung: ziyo' dakhyoo" ti"- seing" yang" ziyo' yo" tid kyoo" baja"- akyu" bo mho' byid: nyid ge'.

ACTS 21:11

Nyang: gi ngoonu" jang" moo ju" ri" lang" Polu da" phyid" cu" ri yu lho: hau: ze wigi nya: khyid: yo' lo, joem moo tei" da. Hau: lho: nyang: gi he: phyid" cu" seing: ri Yuda byumyu" yi wigi Yerusalem voomoo" moo hidsu" tei" joeb, lho: nyangnu" gi nyang: ri tungbau byumyu" yi da lo, moo ab, byid: pyam' goo" wa gyeungshang: Venyi tid» ga: tid da.

ACTS 20:23

Thung: loung" ziyo' yau: khe: jam jau khyoo: gi ngoori lang" nyid ga: voogung khang" moo" moo gyeungshang: da" Venyi gi ngoori tid poin" lo khyoo: riza: ngoo se' nyid.

ACTS 12:6

Herod gi Petru ri mung" byu yi da" shid khoin" khyoo: shu" thu' loo" wa da- xang: shed" myen" ri Petru gi goem loem gyizoo: eig youg da" agyoo: moo yhoeb, myhed' jo. Nyang: ri jang coo" eig khaid yo' tei" to" ago- thung: khoem" duang: moo we' goem loem gyizoo: yi zung" nyid boem bye.

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

ACTS 22:29

Houg: lang" nyang: ri myed ca: yu" wa ga: soin' nyid mo, gi nung zoid zoid, lo" ago gyizoug: moo" gi Polu Roma mungdain byu nghoid- ga: ziri si' lang" nyang: ri jangcoo" foid shoid' bye: yoomo gyoug dain' pyam' bye.

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

ACTS 26:29

Polu doem tid zigi daso' dadam ga: nghoid loug we' - myang" sho' nghoid, nghoid hau: zigi yhoug: gyen: khyoo: anghoid - Khokham" phoo Nang yo' dage" akhid" nyid nga" dang: ri tam" gyo: nyid bang: dangain" gi Hid: nga" jangcoo" doem' ri atid noug- ngoo yo' dakhyoo" ti" bue" lo boem wa shid re" Mangsoo ri ngoo akyu" mho' nyid ga: phoug tu.

ACTS 25:16

Nghoid loug we' ngoo gi nyangnu" ri yooboo foin: zi shau" su: gi nyang: ri yooboo foin: bang: yo' myonhoo: zoem" zhoung: to" lho: nyangnu" yooboo foin: da" khyoo: yo' sen: wigi nya: gung ri tid ve, yu wa da" akhang" shi" abyid: loo- hang" nghoid loug we' yooboo yo" ein: ab, byid: kaid' wa shid re" ngoonu" da" Roma thung" tarha" moo aboo ein: tid khoo, bye.

TARHA" AGYI 16:21

Philisti byumyu" yigi nyang: ri myheig yu lho: nya: myojid" ri thoug" thoid pyam byid: ago". Nyangnu" gi nyang: ri Gaza khyoo: shu" lo" lho: gyid: mid" jangcoo" yo' tei" to" wigi thung: khoug: moo lug lheing: gyeig moo" ri koid nhang: ago".

TARHA" AGYI 16:12

Houg: yoomo Delila gi tei" seig joem shoug" yu lho: nyang: ri tei" da:. Houg: lho: «Samson we"- Philisti byumyu" yi re" nyid ago"» ga: nyho: kaid da:. Yuggi yigi gootu: yab moo lang" nyid boem ago". Nghoid loug we' nya: lo, sain: mo tei" joem ri khyeing: joem yo' dayhang: ti" lang: phyed pyam da:.

TARHA" AGYI 16:8

Houg: yoomo Philisti khokham yigi lid: pyi' aseig nyhed khaid ri Delila jhang ci: ri" byid: ago". Houg: lang" nyang: gi Samson ri tei" da:.

TARHA" AGYI 15:13

Nyangnu" gi «Gi bye:- Ngoonu" gi nang ri tei" za: tei" lho: nyangnu" ri yhe: ab byid: wa. Ngoonu" nang ri asaid wa» ga: tid boem ago". Houg: yoomo nyangnu" gi nyang: ri tei" seig eig khaid yo' tei" lho: hau: lug pyo' mo nyang: ri shu" thu lo ago".

ACTS 22:30

Gyizoug: moo" gi Yuda byumyu" yi ci: yoomo Yooboo foin: go" khyoo: ri khyag za: si noug yoomo nyang: gi thang: nyid ri Polu ri jang co" tei" to" ziri phoid: pyam' nhang: lho: khainjung agyi moo"' yi yo' Yuda tarha" yabdo, moo boo mo, dangain" ri zeung: phoung lo boem wa shid' mo amyeing" khyo' kaid' bye. Hau: thang: ri nyang: gi Polu ri shu" lo wigi nyangnu" da" shid' khoin" moo yab, jo, nhang.

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".