ACTS 21:13 - Lacid Common Language Bible

¹³ Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 21:13 Referans Kwoze

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

2 TIMOTHI 4:6

Nga" shid' re" koem gi ngoo nya: kangso' ab, byid: pyam wa da" ayo, ju" loo bye- akhui" hid: moo lang" nga" mougmyid' kangso' ri to" pyam' khoo, wa yo, gi ju" lo nyid bye.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

2PETRU 1:14

Ngoonu" da" Aseing Yesu Khristu- ngoori bang" bang nyang:- tid poin" too" bye: ziyo' dakhyoo" ti" -he: da" shid: se' gungshoo" ri khamyhang amyang" ri khyoid' she: pyam wam, bye: ziri ngoo se' nyid bye.

ACTS 20:37

Nyang: nu" gi Polu ri po: vu, ci: lho: ngau, nyid boem ago".

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

1Korinthians 15:31

Mang: nhung" yi we"- ngoo gi nyid" khang" moo" shid: gyoin' noogyoin' za: dathoung" shau" nyid. Yha" da" Aseing Yesu Khristu moo: daloem: dadeing: za: nghoid da- yha" da" kangso moo: nanu" da" atho' moo: phau: khuang myonhoo: shoo: yoomo- ngoo hidsu" yo" tid zi nghoid.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

PHILIPI 2:26

Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.

YONA 1:6

Sangphoo khang" su: gi nyang: ri houg: moo yhe: myang lho: tid zigi «Nang khasu" wigi yhoeb pyo: nyid lha". Too' we' pang" thoug yu zi shoug" wa shid re" re" yu phara" ri mho' we' nyang: gi nyhang" ri nheig khyeug lho: yha" kangso' ri to' lhoid pyoin kaid shi" abe» ga: tid.

EZEKIEL 18:2

Nyang: tid zigi «Israela mung" moo byu yi pug gi pug gi tid nyid da" he: dang: zhoem' gi cinghoid la" ‹Myhi' phoo yigi zabyid shi" jhen: zo: ago". Nghoid loug we' zoo: yi zei: kyoem: boem ago"›.

ESAIA 3:15

Nanu" gi nga" byu yiri doin: khyoeb pyam wa yo' sho" jhen: bang: ri jhoeb zoo: wa akhang" ayo" nghoid ago". Yoem: moo" bo myhang: thang Aseing ngoo tid too" bye:» ga: yooboo zhug da:.

1 SAMUELA 15:14

Samuela gi «Hau: ri nu: joem myeung ziyo' yang joem myeung da" thui: ri shau" gyo: nyid zigi cinghoid la"» ga: myid: bye:.

1 SAMUELA 1:8

Nya: yhoem: seing: phoo Elakana gi nyang: ri «Hana nang ciwim ngau nyid nang ciwim wigi azoo: ashug lha". Yuggi zoo: daxi: yug nyid tho' moo re" shid mo ngoo je" akyu" bo nyid anghoid la"» ga: myid: da:.

YEREMIA 40:1

Gyizoug: moo" Nebuzaradan wigi Rama moo ngoo ri nhang: kaid byid: thang: ri Aseing gi ngoo ri dang: ji da:. Ngoo gi thung: byu yhi khyo" Babelon khyoo: shu" loo" shau" da" Yerusalem yo' Yuda mo byu gootu: yi yo' dage" jangcoo" wigi tei" she: lo" zi shau" da:.

1 KHOKHAM MHOOMYID: 11:18

Myeing gyi: da" gyizoo: soem" yug gi Philisti byu yi dab khyo" phyed vang yhe: wigi hau: gyid thung" mo gyid yhe: kham: yu lho: hau: ziri David jhang ci: loo" byid: da:. Nghoid loug we' David gi hau: ziri ashug nghoid da:. Hau: gungthid Aseing ri shugbyid: da" xoin" khyo" nyang: gi hau: ziri foid khyo' pyam lho: