ACTS 20:19 - Lacid Common Language Bible

¹⁹ Yuda" byumyu" yi gi phajhi" gau" khyau" lho: koid da" gang mo yau: khe" khyoo: shau" nyid da" agyoo: moo nheigloem: ri nyhoem: khyo, lho: ngoug byed' ngoug nhab, gyo" wigi Aseing: da" dei zoo: khyo" ngoo moo" zei: lid loo bye.

ACTS 20:19 Referans Kwoze

KOLOSE 3:24

Aseing: gi nya: byumyu" yi shid' re" shoung: to" da" agyid asoo: ri jhung: shug khyo" wigi nanu" ri byid: zi nghoid ziri daboin: so" nyid ge'- khasu" wim ga: ri Khristu koem gi pang" zei: nyid da" Aseing: agyeing" nyang: nghoid bye.

2~KORINTHU 2:4

Ngoo gi shid: gyoin noogyoin,- nheig koug nheig shu: zi gye" shau" wigi-ngoug byid: myoo" sho' thu' zoore"- hau: mougsoug" ri lhid" kaid zi nghoid. Ngoo myid soin" khyoo: gi nanu"' ri nheung kug nhang: wa shid re" anghoid. Nanu" ri ngoo khayhi' jheddab nyid ziri si' nhang: noug yoomo lhid" kaid zi nghoid.

Roma 12:11

Anei" ashu: loo: - moozoo" jid, zoo" ri yoem kaid zei: nyid ge'. Nheugloem: yoem: booboo Mangso: da" moozoo" ri zei: so voin vu nyid ge'.

ACTS 20:3

Hau mung" moo lham" moo" soem" khyab, yhe: theung: nyid Nyang: gi Suri mung" khyoo: yhe: loo" wa ga: doem, soin' nyid uri Yuda byu yi gi nyang: ri said' pyam' wa da" phajhi" gau" khyau" wigi kuang lo nyid da" khyoo: ri nyang: si' lang" Polu gi Makedoni mung" khyoo: doem, tau" phang: loo" wa ga: myed phyed' too" bye.

2~KORINTHU 7:5

Makedoni mung" khyoo: ngoonu" ju" yhe: uri lang" gi ngoonu" moo myenjham" khyoo: ci: ayo" yu boem nghoid da. Joyoo loem: khang" moo" moo yau khe" jam jau shid: gyoin noogyoin'- gootu: byu yo' myeng: myoo: yhoo: she: khyoo: bo. Ngoonu" nheigloem: khoug: moo myid myooung: loug khyoo: aja: ja: thoung" shau" boem.

YEREMIA 13:17

Nanu" atam" gyoo: nghoid rigi nanu" da" nghoid boin: myid yoomo ngoo gi gau: da" joyoo moo ngoug wa. Aseing da" byumyu" yi thung byu khyo" shu" loo" bye: yoomo ngoo gi nheig khoo" sho' ngau wigi nga" ngoug byid joem yau loo" wa.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

PHILIPI 3:18

He: khyoo: ngoo nanu" ri shid' phyang" myoo" sho' lheing" tid kyo" yu" bye- akhui" we' ngoug byid' yo' doem poug tid kyo" nyid Khristu gi pyang" zeing tho' moo kham" shid: da" khyoo: ri gyi koid lho: kangso' di nyid bang: myoo" sho' bo.

Ephesu 6:7

Byu shid re" zei: byid: yhang: ti" za: anghoid- hau: Aseing: shid re" yhang: ti"- vho: ngei nheigloem: yo' nanu" da" moozoo" ri zei: nyid ge'.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

2~KORINTHU 3:5

Ngoonu" gi he: da" moo" ri yo" zei: ein: yo" tid wa ngoonu" moo ce" yoem: so' we' abo boem› Ngoonu" yo" yu da" yoem: so' gi Mangso jang" mo za: nghoid nyid.

ACTS 20:31

Houg: su" wigi ngoo nanu" yug khang" moo" ri soem" zain loem: loem: nyang: nyid" ri myen" ri ngoug byed' ngoug nhab, myoo" sho' gyo" lho: wigi kho" kyo" jhoug" byid: bye: khyoo: joem ri myed boin: lho: lhid' zoore nyid nyid ge'.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

1PETERU 1:6

Nanu" gi jham" ca, yu' da" gunglau aja: ja: thoung" shau" yoomo akhid" daso' dadam myid myoo: ung: loug zi shau" nyid boem nghoid loug we' tid lid loo bye: da" khyoo: yoomo gau yi ngei pyo: nyid ge'.

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 17:13

Nghoid loug we' Polu gi Beria voogung moo we' - Mangso mungdang: ri tid kyo" nyid ga: da" ludang: ri Thesaloni voogung: mo Yuda byumyu" yi shau" gyo: boem wigi nyangnu" gi Beria voo khyoo: zheung: ju" re" lho: mung" byu yi ri lu: fu: loo wa shid re" re" pue: boem ago".

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

LUKA 19:41

Nyang: gi Yerusalem voo yam moo ju" lo" wigi hau: voo ri myang lang" ngau lho: tid nyid zigi.

YEREMIA 9:1

Nga" da" vhuloem gi gyid thung" Houg: lho: nga" da" myojid" gi ngau byid gyid cu" nghoid yoo: o". Houg: lang" said pyam shau" da" nga" byumyu" yi shid re" myen" ri nyid" ri yo" ngoug wa nghoid.

COUNG" NGHEI 119:136

Byu yigi re" da" tarha" ri atam" gyo: nyid boem yoomo nga" ngoug byid joem gi gyid zeing lang su" dayau, nyid.

Pang Shug 7:15

Houg: yoomo nyangnu" gi Mangso zhung: tang shid khoin" moo zheung: yab, jo, lho: nya: da" Mangsoo yhoem: moo" moo nyid" ri myen" ri coung" nghei noku nyid boem. Zhung: tang tho' moo zhoung: jo, su: we' nyangnu" yo' dage" nyid lho: nyangnu" ri yu" goin, yu" coung: nyid.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

ACTS 17:5

Nghoid loug we' Yuda byu yi gi myed, zheung: noug: yoomo fu" moo" khyoo: cang nyid yen" da" - byugang: yi ri khe: zheung" yu lho: byu phung: daloem: koid yu boem ago". Nyang: nu" gi davoo, goin" ziri lhu: nhau" zhuang" to' kaid' boem lho: wigi Yasun ga: su: yhoem: khyoo: sarhi' yhe: zheung: koid wigi Polu yo' Sila eig yug ri mung" byu yi da" shid khoin" moo she: khyoid thu' yu wa shid re" - yhe: pue: ago".

ACTS 21:27

Nghoid loug we' bidnyid nyhed nyid" byeung" loo lang" gi Asia mung" mo Yuda byu yi dayham" bang: gi noku yhoem: moo" moo shau" myang abye: go. Nyang: nu" gi mung" byu phung: goin" ziri lhu: nhau" pu: to' kaid lho: Polu ri myheung yu ago".