ACTS 2:41 - Lacid Common Language Bible

⁴¹ Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 2:41 Referans Kwoze

ACTS 4:4

Nghoid loug we' mungdang: ri tam" gyoo: bang: myoo" sho' bang: gi loem" jeung" lo boem bye. Houg: yoomo loem" jeing" mo, gi wim: khyeing" koo: je myo: loung: lo nyid boem bye.

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

YOHAN 14:12

Deing" deing nanu" ri ngoo tid da" zigi ngoori loem" jeing" su: gi ngoo zei: da" moo" ri yo" zei: wa. Hau: tho' re je gyi: da" moo" ri we' yo" zei: wa nghoid. Khasu" wim gari ngoo gi phoo jhang khyoo: loo" wa yoomo nghoid.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

ACTS 3:23

Hau: Lapi: tid da" mungdang: ri a phau" cang loo" su: gi Mangso byumyu" mo kho' khyo, pyam zi shau" lho: lhu: phyo' lhu: shoin pyam zi shau" wa nghoid ga: tid.

ACTS 7:14

Houg: yoomo Yoseb gi nya: phoo Yaku ri yhoem: byu nyhed xe: wim: yug goin" su- Egutu mung" khyoo: zug byoung: ri" wa shid mo, dang: pyeung: kaid bye.

ACTS 27:37

Gyid sangphoo' mo da" byu yi dangain" bang: gi eig sho: nyhed xe: khyug yug nghoid.

Roma 13:1

Byu dangain" mo Asuya zoug: yi da" amyeing" ri tam" gyoo: ca". Khasu" wim ga ri - kha: asuya' nghoid loug Mangso: akhang" mo za: anghoid ri hang" zoug: ayo" koid'. Amyeing" yo" da: zoug: yi gi Mangsoo: wigi nyheig too" shau" mo nghoid.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.

Pang Shug 16:3

Hau: lho: eig yug ein: da" moug: lagyoo: gi nya: da" goem, ri Panglai gyid thoem" moo" moo foid khyo' kaid- hau" gyid thoem" gi byu shid: yi da" suid" yhang: ti" bue" lo. Hau: gyid thoem" khoug: moo nyid da" dei noem, gi suid" gyid bue" lo.

YOHAN 21:11

Simun Petru gi lhid' tho' moo do, lo" lho: ngoodo' zeing: joem yo" byeung" jo, da" goin ri tung: gung ju" sho' she: yu da. Ngoodo' dasho: wim: xe soem" du: bo da:- ngoodo' houg: myhoo, myoo: nghoid loug we' goin gi ajeig loo.