ACTS 2:23 - Lacid Common Language Bible

²³ Mangsoo gi nyang: soin: to" ziyo' dakhyoo" ti" Yesu ri nanu" da" lo, moo ab pyam wa shid re" myed phyed' too" su: nyang: nghoid da" lo, moo ab pyam wa shid re" myed phyed' too" su: nyang: nghoid bye. Nanu" gi yooboo yoo" bang: da" lo, yo' Pyang" zeing moo nyang: ri baid' jen" said pyam nhang: khyo" Yesu ri said' pyam boem bye.

ACTS 2:23 Referans Kwoze

LUKA 22:22

Byu da" nya: zoo: gi Mangsoo nyheing soin to" ziyo' dakhyoo" ti"- byu nya: zoo: gi shid: kham: wa. Nghoidloug we' byu da" nya: zoo: ri ab pyam su: koem gi jeom: loo" wa zi nghoid ga: tid.

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.

APOEM AYANG: 50:20

Nanu" gi ngoo ri age khyo" koid kaid nghoid loug bue" loo bye: da" moo" zoo" gang mo akhid" nyid" dei nyid bang:- mung" byu yi da" kangso' yo" khyoid yu wa shid re" Mangsoo gi houg: age ziri ge khyo" koid byid: bye:.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

ACTS 13:27

Yerusalem voomoo" moo nyid mo, yo' nyangnu" da" vhu jhung: yi gi Yesu gi khyoid yu Aseing: nghoid ziri ase' boem- Dougno: Bidnyid khang" moo" nyangnu" nghab da" lapi: yi da" jhoem: dang: joem ri we' nyangnu" gi ase' gyoo: nghoid ago- Nghoid loug we' nyangnu" gi Yesu ri dang: phyed' byid: khyo" lapi: yi da" jhoem: dang: ri - joeb byeung" loo nhang: mo, nghoid boem ago".

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

Roma 4:17

Ngoo gi nang ri byumyu" myoo" sho' mo da" nya: phoo bui" nhang: bye: ga: jhoem: mungdang: moo tid to" ziyo' dakhyoo" ti" nghoid.Hougsu" Mangsoo: dang: soo" khoin" too" yoomo - Hauda dang: soo" khoin" gi deing nyid. Mangsoo: gi Abraham loem" jeung" da" Mangsoo: shid' mo doem dei loo nhang: da" Mangsoo yo' xang: shid" ri ci: ajo, jang" moo jo, loo nhang: wa shid' re" amyeing" byid da" Mangsoo: nghoid.

ACTS 5:30

Ngoonu" phoug" phyid" yi da" Mangsoo gi nanu" wigi pyang" zeing tho' moo baid' jen" said' pyam da" Yesu ri shid: jang" mo doem dei to'' loo nhang: bye.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.

1PETERU 1:2

Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

LUKA 24:20

Ngoonu" da" khainjung agyi moo" yi yo"-vhoeb, khang" zoug: yi gi nyang: ri tarha" dang phed lho: nyang: ri Pyang" zeing: mooshid: kham wa shid' re" nyang ri ab pyam bye.

LUKA 22:37

Nanu" ri ngoo tid zigi hau: yug gi byu said mo, da" zhayen" moo yo" bo ga: da" jhoem: dang: yo' dakhyoo" ti"- ngoo moo bui" wa nghoid. Khasu" wim gari nga" khyoo: ri lhid" to" ziyo' dakhyoo" deing" deing bue" loo yoomo nghoid.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

YOHAN 19:24

Gyizoo: yi gi he: byi: ri aceig goo"- me" lab lho: dayu shang ga: nyang: cang" nyang: sham: go" nyid. Gyizoo: yi hid: su" zheing: koid; da" khyoo: gi jhoem mungdang: moo Houg: bang: gi nya: da" byi: ri zheing: gam go. Nga" da" byi: sheung ri me" lab, lho yu lo" boem: gyizoo yi gi hid yhang: ti" koid boem ago".

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

ESAIA 37:26

He: gu: dangain" ri ngoo goonham' mo soin too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem: so' nang ri byid: bye:.

MATHE 20:19

Hau: thang: ri nyangnu" gi nyang: ri juang" yi baid youg lho: pyang" zheung: moo baid jen" too" wa shid re" nghi: zain byumyu" yi da" lo, moo ab pyam boem wa zi nghoid. Nghoidloug we' nyang: gi soem" nyid" lang" doem dei to'' loo wa zi nghoid» ga: tid kyo.

MATHE 27:35

Hau: thang: ri nyangnu" gi Aseing yesu ri pyang" zeing tho' moo baid jen" too" bye. Hau: thang: ri nya: byimi rigi me" lab' lho: gam go" boem.

MARKU 15:24

Houg: su" nyangnu" gi Yesu ri pyang" zeing moo baid jen" said pyam ago". Nya: byimi joem ri gi-gamboem kho' to" lho: khayug kha: boem yu wa ziri-phid, baid lho: coem gam go" ago".

LUKA 23:33

Vhu" gyab' boug ga: da" joyoo moo ju" lang" Yesu yo" said moin: da" byu eig yug ri pyang" zeing: moo baid jen" to" boem. Said moin: da" eig yug ri dayug gi lo, yo shoid khyoo:- dayug rigi lo, koung" shoid khyoo:- bo baid jen" lhang" to" boem.

YOHAN 19:18

Houg: moo Yesu ri Pyang" zeing: moo baid jen" said boem bye. Yesu yo" dage" gootu: byu eig yug ri we' Yesu da" lo, yo shoid moo dayug- lo, koung" shoid moo dayug- pyang" zeing: tho' moo bo baid jen" said boem. Yesu rigi gung" gung moo kaid to.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

Roma 2:12

Moshe da tarha" ri dajhi' we' ase' da" Yuda byumyu" anghoid tungbau byumyu" tarha" shoid' lo" nghoid rigi - nyanu" gi tarha" ri asi' mo nghoid. Moshe tarha" ri se' da" Yuda byumyu" yi tarha" shoid' lo" ri nyanu" gi - lhid" to" tarha" moo tid to" zi yo" dakhyoo" ti" yooboo dam shau" kham wa zi nghoid.'

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.