ACTS 19:34 - Lacid Common Language Bible

³⁴ Nghoid loug we' nyang: gi Yuda byu nghoid da" khyoo: ri mung" byu yi zheung: se' yu" boem lang" gi Ephesu voogoung da" Atemi gi gyi: sheung: jo, ga:-eig na: yi: koo: nyangnu" dangain" mo, dage" za: zheung: deug yoid nyid boem ago".

ACTS 19:34 Referans Kwoze

ACTS 19:28

Hau: da" dang: joem ri zheung: shaug" gyoo: lang" hau: lo, moo" koid zo: nyid mo, gi nheig zheung: gyo: yo: lo wigi Ephesu voobyu yi da" - Atemi gi gyi: sheung: jo, zi nghoid- ga: nyho: lo ago".

Pang Shug 13:4

Main jung: ni, zeing gi nya: amyeing" ri hau" akhyeung" da" gougnyhoug lo, moo ab, byid: too" su: nghoid yoomo byu yug khang" moo" gi main jung: ni, zeing ri noku nyid boem ago". Hau" byu yi gi akhyeung" da" gougnyhoug ri we' noku zoore"-" He" akhyeung" da" gougnyhoug yo' hang" se' du go" lha". nyang: ri hang" to' voem" zain: wa lha"» ga: tid nyid boem ago".

ACTS 16:20

Nyang: nu" gi nya: eig yug ri Roma zoug: yi da" shid' moo shu" vang yhe: lo" lho: He: eig yug gi Yuda byumyu" zheung: nghoid lho: wigi nya: eig yug gi ngoonu" da" byumyu" yi ri ayoug: akhi" bui" nhang: nyid ago".

MATHE 6:7

«Nanu" akyu" mho' nyid ri tarha" tungbau mo byu yi yhangti"- dang: pug apoug mho' goo. Khasu" wim gari dang: sheing" sheing: mho' nyid yoomo tam" gyoo: byid: wa yhangti" nyangnu" myid wim nyid boem ago".

Roma 2:22

Nang gi subi" myi: ri alhoid' goo" ga: tid lho: - ciwim wigi nang nyang: gi subi" myiyi: lhoid' nyid lha". Nyang gi soolhoo no' zi ri nheig no ga: lho: ciwim wigi nanya gung gi noku yhoem: ri phyo' nyid lha".

ACTS 19:26

Akhid" gi hau: da" Polu ga: su: gi ce: noem koid nyid da" khyoo: ri nanu" nyang: shaug" gyoo: bye: ziyo' - hau: zigi myang nyid gu nghoid ago". Nyang: tid zigi-byu lo, wigi koid da" phara" soolhoo: joem gi Mangsoo anghoid ga: tid wigi He: Ephesu Voogung bang: yo' Asia mung" goin" moo nyid mo, alug dangain" ziri yo" loem" jeing" sho' tid oung: too" bye.

1 KHOKHAM 18:26

Nyangnu" shid re" she: lo da" nuloo: ri nyangnu" yu wigi soin' bye: ziyo' nyid" gung tei: sho' Bala ri akyu" mho' bye:. Nyangnu" gi «Bala we" ngoonu" ri tam" gyoo: byid: la» ga: nyho: mho' ziyo' nyangnu" koid to" da" phoin: lheing: khab' go" nyid: boem ago". Nghoid loug we' atam" gyoo: byid: nghoid da:.

ACTS 19:24

Demetri ga: da" ngei sheing: shau, da" lo, moo" zei: su: dayug gi Atemi phara" myhi, da" ngei yhoem: soolhoo: nu" joem shoin" lho: nya: moozoo" yoomo lo, moo" zei: bang: ri ngei gye" yo" shoo: nhang: nyid.

ACTS 19:33

Yuda byu yi gi Alexandru mung" byu yi da" shid' vhu" khyoo: yhi: nhang: kaid' yoomo mung" byu yi dayham" gi Alexandru we'-mo, thei" mo, yug lu: fu: go" lo da" khyoo: yo' sen: wigi nghoid wa"- ga: jho: ago". Houg: lang" Alexandru gi mung" byu yi ri sam" zoo: nyid boem wa shid re-lo, tu, tu, lho: nyang: ashoid da" khyoo: ri tid yed: yu wa shid mo, yoem: kaid' nyid.

ACTS 19:35

Lo" thang jang" moo gi voo goung jare" phoo gi mung" byu yi ri sam" zoo: tam" too" nhang: lho: Ephesu voobyu yi we' - Ephesu voogung gi gyi: sheung: da- Atemi phara" yhoem: yo' moug: khung: mo gyoo" re" da" lug zeing ri zoem: ci: da" voogung nghoid ziri yug khang" moo" se' ago".