ACTS 19:30 - Lacid Common Language Bible

³⁰ Polu nyang: gi-Meing: byu yi da" shid khoin" khyoo: yhi: nau, nghoid loug we' -Loem" jeing" bang: gi nyang: ri ayhi: nhang: nghoid ago".

ACTS 19:30 Referans Kwoze

ACTS 21:39

Houg: lang" Polu gi Ngoo gi kiliki mung" Tarshu voogung moo khu: lo da" - Yuda byu dayug nghoid. yhoug: gyen: da" voomoo" zeing mo byu dayug nghoid. Jeju yo' ngoori mung" byu yi ri dang: tid wa akhang" byid: we' ga: mho' tid.

2 SAMUELA 21:17

Nghoid loug we' Zeruia da" nya: zoo: Abishai gi David ri re" pang" ziyo' hau: yoem: moo" boo su: ri khaid zain: wigi nyang: ri said pyam bye:. Hau: thang: David da" byu yigi David ri nyangnu" yo' khanham we' meing: zain: jang khyoo: ayhe: wa khyo" dangsoo" too" nhang: bye:. «Nang gi Israela byumyu" yi da" nheig byu jang: danghoid- nang soem" byug wa ziri ngoonu" avhoo:» ga: nyangnu" tid bye:.

ACTS 19:9

Nghoid loug we' nyangnu" mo dayham" bang: gi nheigloem: thain: nyid boem yoomo aloem" jeung" boem nghoid ago". Houg: yoomo nyangnu" gi mung" byu dangain" bang: da" shid' khoin" moo Aseing: da" khyoo: ri age khyo" tid phue: pyam' byid: boem ago". Houg: yoomo polu gi loem" jeing" bang: shu" lho: nyangnu" mo zheung: thu' lo" wigi Turanu ga: su: da" phajhi" jung moo nyid" khang" moo" mungdang: ri tid go" koin, da" zoeb, phung ri koid nyid boem ago".

ACTS 19:31

Polu nya: bidnoem yi zheung: nghoid da- mungdain moo amyeing" yoo" mo, dayham" we' pui" mo, goo" jang: moo ayhe: nyid shug wa shid re byu nhang: kaid' wigi Polu ri mho' tid boem.