ACTS 19:22 - Lacid Common Language Bible

²² Houg: yoomo Polu gi nyang: ri bo pang" da" Timothi yo' Erastu ri makedoni mung" khyoo: nhang: kaid' lho: nyang: gi Asia mung" moo dayo, daboin: theung: nyid jo, da.

ACTS 19:22 Referans Kwoze

2 TIMOTHI 4:20

Erastu gi Korinthu voo moo nyid nyid Trophimu gi noo yoomo Melitu voo moo ngoo nyhed: too" kho' bye.

Roma 16:23

Ngoo ri being" di" su: - phung: byu yi akyu" mho' zeing: foem: nyid da" yhoem: seing: Ge u we' nanu" ri u" kaid' Hau: voomo ngei deig zoem: su: Erastu eig yug Kuartu we' nanu" ri u" kaid'.

ACTS 19:29

Hau: da" mo, thei" mo, yug lu: fu" go" lo da" khyoo: gi davoo gung goin" moo byeung" lo wigi byu yi gi Polu yo' gyung: soo" byen, cang" nghoid da- Makedoni mung" byu- Ge-u yo' Aristaku eig yug ri myheug yu lho: Pui" mo goo" jang: khyoo: myab, myab, shu" vang yhe: lo" ago".

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 18:5

Sila yo' Timothi eig yug Makedoni mung" moo zheung: ju" ri" lang" Polu gi nya: ayo, dangain" mungdang: kho" kyo" khyoo: moo za: kaid pyam' wigi Yesu gi Meshia nghoid ga: Yuda byumyu" ri sagsi: kham, byid: nyid.

ACTS 16:3

Polu gi Timothi ri nyang: yo' dage" shu" yen" noug yoomo nyang: ri shooyid thang: yham" da" thung" koid byid: khasu" wim gari nya: phoo gi Grid" byumyu" nghoid ziri hau: gyoo: mo mo, si' byid: boem yoomo Polu gi hougsu" koid byid: khyo" nghoid.

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 13:5

Nya: eig yug gi Salami voo moo ju" loo" lang" tarha" jung moo Mangso mungdang: ri kho" kyo" ago". Nya: eig yug ri bo pang" thoug wa shid mo Yohan Marku ri we' bo, shu" yhe: ago".

1THESALONI 1:8

Khasu" wim ga: ri nanu" jang" mo wigi hau" Aseung: da" mungdang: gi Makedoni mung" yo' Akhaia mung" goin" jang" moo fu" nheung lo" ziza: we' anghoid loo- Mangsoo moo nanu" da" loem" jeung" loem, khau: khyoo: ri we' joyoo khyi khang" moo" moo byo ngam, loo" bye- Koug: su" nghoid yoomo nanu" ri citid' cang aboo loo.

2~KORINTHU 8:1

Jheddab, da" mang: nhung" yi we"- Makedoni mung" mo phungbyu yi ri Mangsoo gi cenoem jeju" byid: bye: ziri-nanu" ri ngoonu" si' nhang" nau nyid boem.

2~KORINTHU 1:16

Khasu" wim gari Makedoni mung" khyoo: yhe: lo" u" we' houg: mo doem tau" lo uri we' nanu" moo vang lo lho: Yuda mung" khyoo: yhi: wa gyung: khyo: shid re" we-nanu" jang" mo pang" thoug khyoo: yo" yu baja" ein: ngoo myid too" bye.

ACTS 20:1

Houg: su" mo, thei" mo, yug lu: fu: go" da" khyoo: joem tam" lo" thang: ri Polu gi loem" jeing" bang: ri khe: zheung" yu lho-yoem: byid: dang: tid. hau: thang: ri nyangnu" ri vhu" too" khare" lho: Makedoni mung" khyoo: yhe: loo" bye.

2~KORINTHU 11:9

Hau: tho' moo gootu: ngoo gi nanu" yo, dage" nyid nyid da" ayo, moo ngei sheung: ca" lo da" u ri pang" thoug yu wa shid re" ngoo nanu ri phibu, apu' yu". Makedoni mung" mo ju" re" da" mang: nhung" yi koem gi ngoo ca" gu: dangain" ci: ri byid: ago". lailoo bye: da" ayo, moo we' nanu" ri yoovoin alid: nhang" yhang: ti" - ju" loo wa da" ayo, moo we' ngoo nanu" ri khanham we' yoolid: afoin: wa.

2~KORINTHU 2:13

Nghoid loug we' ngoonu" da" mang nhung" phoo - Titu yo' ngoo ashug" goo" yoomo ngoo atho' tid loo: sho' myid myoo ung: loug nyid. Houg: yoomo Houg: mo da" byu yi ri vho" too" kho' lho-Makedoni mung" khyoo: yhe" loo" bye.

ACTS 19:21

He: da" moo" bain bue" lid lo" da" thang: ri Polu gi Makedoni Mung" yo' Akhaia mung" khyo" so" lid lo" wigi Yerusalem voomoo" khyoo: yhe: loo" wa shid' re- myed phyed' too" - Nyang: gi ngoo hau: voogung moo bain ju" yhe: thang: ri Roma voomoo" khyoo: we' ngoo ju" lo" yu" ca" ga: tid.

ACTS 20:34

Hid: byen cang" yi da" ci: ca" gu: dangain" yo" ci: yhoung: zigi nanu" nyang: si' gu, nghoid boem bye.

2~KORINTHU 8:19

Hau: tho' moo gootu: hidsu" jheddab da" myid yo' pang" thoug da" alu: ngei khyu: da" moozoo" moo we' ngoonu" yo' dage" so" yen" wa shid re" phung byu yi lo, tu: khyen: nyheung too" shau" su: dayug we' nyang: nghoid nyid. Hau: khyoo: gi Aseing: da" myonhoo: phung" yoeb ri thoin" pang" byid: wa shid re" yo' ngoonu" da" bo pang bo thug nau da" emyid, ri we' toin" shed wa shid re" nghoid nyid.