ACTS 18:8 - Lacid Common Language Bible

⁸ Houg: yoomo tarha" jung mo agyi phoo Krispu yo' nya: yhoem: byu yi dangain" mo, gi Aseing: ri loem" jeung" lo boem ago". Korinthu voobyu yi myoo" sho' bang: we' - hau: mungdang: ri shau" gyo: lho: loem" jeung" lo wigi Babtisma kham: yu boem bye.

ACTS 18:8 Referans Kwoze

ACTS 11:14

Hau: yug gi nang yo' re" yhoem: bang: khyoid yu zi shau" wa shid re" Mungdang: ri kho" kyoo" wa nghoid- ga: nyang: ri tid da" khyoo: ri we' ngoonu" ri tid khyoo" bye.

ACTS 8:12

Nghoid loug we' - Mangso mungdain da" ludang: seig yo' yesu khristu da" khyoo: yo' sen: lho: wigi Philib, kho" kyo" da" mungdang: ri nyangnu" loem" jeung" lo boem wigi nyangnu" myiyi: yug gi dangain" bang: babtisma kham: yu boem bye.

ACTS 18:17

Nyang: nu" gi tarha" jung mo agyi phoo- Sosteni ri myheug yu lho: tarha" yung" shid' moo baid' ago- nghoid loug we' Galio gi hau: ziri cishu: anhang: nghoid da.

ACTS 16:34

Hau: thang: ri nyang: gi Polu yo' Sila eig yug ri nya: yhoem: khyoo: shu" lo" wigi zoo: noem we' doo" zhoo" bye. Thung: agyi phoo yo' nya: yhoem: byu yi gi Mangsoo ri shau" loem" jeung" lo boem bye: yoomo gye" nyang: ngeibu: gau yi nyid boem bye.

ACTS 13:15

Moshe tarha" yo' lapi: yi da" mungdang: ri bain, nghab lang" tarha" jung mo da" agyi yi gi mang: nhung" yi we" - mung" byu yi ri yoem: byid: wa da" mungdang- nanu" yo" boem nghoid rigi re" tid kyoo" ge" - ga: byu nhang: kaid' lho: tid nhang.

ACTS 10:2

Nyang: gi Mangso khyoo: ri kang: lung bu, su: nghoid wigi nyang: yo' nya: ikoin deungkhu: byu yi dangain" mo, gi Mangsoo ri Noku nyid ago". Nyang: gi sho" jhen: da" Yuda byu yi ri myoo" sho' pang" thoug byid: wigi Mangsoo ri beung abyid' akyu" mho' nyid su: nghoid.

MARKU 5:35

Yesu hougsu" da tid nyid shi uri-Ya-i-ru yhoem: mo lagyoo: yi ju" re" wigi re" myiyi: zoo: shid: abye:- sara ri ce: ayoug akhi: koid nyid shi" lha"» ga: tid boem.

MARKU 5:22

Ya-I-ru ga: su:- tarha" jung mo agyi phoo ju" re" lho: Yesu ri myang lang" nya: khyid: yang: moo goeb pid wigi

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

APOEM AYANG: 17:27

Abraham da" join yi dangain" bang: yo' dage" shooyid thang: yham" boem ago".

ACTS 18:1

Hau: thang: ri Polu gi Athen voogung mo thu lo" wigi Korinthu voogung khyoo: ju" yhe: lo.

ACTS 19:1

Apolo gi Korinthu voogung moo nyid da" uri Polu gi hau: mung" agung khyo" so" lid: lo" wigi Ephesu voogung moo ju" lo". Hau: voo moo nyang: gi loem" jeing" mo, dayham" ri yhe: myang wigi

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

2~KORINTHU 1:1

Mangsoo myid vho" ziyo' dakhyoo"- Khristu Yesu da" Lagyoo: ngoo Polu yo' ngoonu" da" mang: nhung" Timothi gi Korinhtu voo mo Mangso da" phung yo' Akhaia mung" goin" jang" mo Mangso da" byu dangain" bang: ri vhu" kaid.

2~KORINTHU 1:23

Korinthu voo khyoo:- ngoo adoem ri loo: wa" ein: ngoo myid phyed, to" khyoo: gi-nanu" ri khyam" sa byid: noug yoomo nghoid da" khyoo:- nga" nheigloem: ri si' byid: da" mangsoo gi nga" da" sagsi" nghoid nyid.

2~KORINTHU 6:11

Korinthu' voo mo jheddab da" bidnoem yi we"- ngoonu" gi nanu" ri di: bang" za" tid bye- ngoonu" gi ngonu" da" emyid ri hain" lam: khyo" nyang:- nanu" shid mo khoem: phang too: bye.

2 TIMOTHI 4:20

Erastu gi Korinthu voo moo nyid nyid Trophimu gi noo yoomo Melitu voo moo ngoo nyhed: too" kho' bye.