ACTS 18:10 - Lacid Common Language Bible

¹⁰ Nang ri hang" we' ce: dam we' ayo" tab wa He: voogung moo ngoori loem" jeung" loo wa mo, myoo" sho' nyid boem ago- ga: tid.

ACTS 18:10 Referans Kwoze

2~KORINTHU 12:9

Nghoid loug we' Mangsoo gi Nga" jeju" gi nangca" khyoo: shid re" ge" nyid bye- Khasu" wim gari nang: yoem: nu: lo" uri nga" yoem: moo" so' moo" gi reung: thang nyida" ga: wigi ngoori tu" byid: bye. Hougsu" nghoid yoomo Khristu da" yoem: zeing so' moo" gi-ngoo ri goem loem byid: lho: khau nghi: joyoo nghoid nyid tho' moo agoo"- ngoo yeom: nu: loo" yoomo ngo phau: khuang joyoo nghoid nyid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

THU' LO" MOUGSOUG" 4:12

Akhid"- yhe: we' nang dang: tid uri ngoo bo pang" wa nang citid wa ziri ngoo tid khyoo" wa» ga: tid.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

2 TIMOTHI 4:22

Hau" Aseing: gi re" venyi yo' dage" dangyi nyid baja"- Mangso da" Venyi gi nanu" yo' dage" dajo, jo, baja" o".

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

MATHE 10:30

Nanu" da" vhuloem mo xam: dangain" ri we' Mangsoo gi nghab' too" bye.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

LUKA 21:18

Nghoidloug we' nanu" da" vhuloem mo xam: dakhaid we' byug wa zi anghoid.

ESAIA 43:2

Nang gyid thoem" no, khyo" so" lid: lo" uri ngoo nang yo' dage" nghoid wa. re" da" yau: khi" gi nang ri aoung: pyam wa. Nang myi: khyo" so" lid: lo" uri nang angi" wa. Yau da" jham" yu" khyoo: ju" lo ri nang ri dam atab wa.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

ESAIA 8:10

Nanu" soin' nyheing too" ge'. Nghoid loug we' hau joem gi oung: doid wa zi anghoid. Nanu" nau tid yhi' tid ge'. Nghoid loug we' dangain" zigi aji amyed za: danghoid. Ciwim gari Mangsoo gi ngoonu" yo' dage" nyid.

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.

TARHA" AGYI 2:18

Aseing gi Israela byumyu" yiri vhujhung: byid: khang" moo" Aseing gi nyang: ri pang" thoug wigi hau: vhujhung: dei nyid da" ayo, cang gyivoo yi lo, mo byumyu" yiri khyoid yu da:. Nyangnu" kyi" khyeug shoug" ziyo' doin: zeig zo: akhoug: moo nyangnu" kyi" khyeug ngau boem yoomo Aseing gi nyangnu" ri nheig khyeug yu da:.

YOSHU 1:5

Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.

ACTS 18:9

Myen" damyen, moo Polu gi yoeb, myang daja: ri myang bye- Hau: yoeb myang mooAseing: gi Polu ri ‹‹Agyug- xo' lho: kho" kyoo" we' Yoem: ashoin: khasu" wim gari ngoo gi nang yo' dage" nyid.

ACTS 18:11

Houg: yoomo Polu gi hau: voogung moo dazain lham" moo" khyug khyab, ju" sho' nyid nyid lho: mung" byu yi ri Mangso mungdang: kho" kyoo" bye.