ACTS 17:14 - Lacid Common Language Bible

¹⁴ Loem" jeing" bang: gi houg: lang" jang- Polu ri panglai gyid yam, moo ju" sho' yhe: de" kaid' boem ago". Nghoid loug we' Sila yo' Timothi eig yug gi Beria voogung moo theung: nyid shi" ago".

ACTS 17:14 Referans Kwoze

ACTS 17:10

Moug: coid' loo yo' - loem" jeing" bang: gi Polu yo' Sila eig yug ri Beria voogung khyoo: nhang: kaid' ago". Hau: voogung moo zheung: ju" yhi: lang"=nya: eig yug gi Yuda yi da" tarha" jung khyoo: yhe: lo.

MATHE 10:23

Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 9:30

He: da" khyoo: ri - loem" jeung" nyid phung byu yi se. lo boem wigi nyangnu" sholu ri kesare voogung khyoo: shu" yhe: lo" boem lho: Houg: mo wigi Tarshu khyoo: nyang: ri nhang: kaid' ago".

ACTS 9:25

Nghoid loug we' damyen rigi sholu da" cangzoo: yi gi nyang: ri shu" yu lho: gyoin khoug: moo zhung: nhang: wigi vang khyam: yam, bang: zo: khoem" khyo" wigi nyang: ri shoid' khyo' kaid' ago".

TITU 1:5

Kreti moo zei: ca" shi" da" khyoo: khaid khang" moo" ri khyag joo sho' cang yu" so' nyheing wa khyoo: yo' voo khang" moo" mo phung joem ri vhoeb khang" yoovoin yu wa da" ludaid yi ri cang nyheung too" wa shid' re- ngoo nang ri nyhed: too" kho'. Akhid" ngoo tid kho da" dang: soo" khoin" joem ri xoem" too" we'.

1 TIMOTHI 1:3

Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

ACTS 20:3

Hau mung" moo lham" moo" soem" khyab, yhe: theung: nyid Nyang: gi Suri mung" khyoo: yhe: loo" wa ga: doem, soin' nyid uri Yuda byu yi gi nyang: ri said' pyam' wa da" phajhi" gau" khyau" wigi kuang lo nyid da" khyoo: ri nyang: si' lang" Polu gi Makedoni mung" khyoo: doem, tau" phang: loo" wa ga: myed phyed' too" bye.

ACTS 19:22

Houg: yoomo Polu gi nyang: ri bo pang" da" Timothi yo' Erastu ri makedoni mung" khyoo: nhang: kaid' lho: nyang: gi Asia mung" moo dayo, daboin: theung: nyid jo, da.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

YOSHU 2:16

Nyang: gi: «Boem moug: khyoo: lo" nyid ge'. Anghoid rigi khokham phoo byu yi re" tang: ri myang boem wa. Hau: joyoo moo: nyangnu" doem tau" loo ju" sho' soem" nyid" nyid nyid ge'. Hau: thang: ri re" tang: da" gyung: khyoo: khyoo: yo" yhi: wa nghoid» ga: tid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 17:4

Nyang: nu" mo dayham" gi loem" jeung" lo boem wigi Polu yo' Sila shoid khyoo: bo dab, ago".

ACTS 17:6

Nyang: nu" gi azheung: shau" sho: myang lang" nyangnu" gi Yasun yo' loem" jeing" bang: dayham" ri hau: voogung mo amyeing" ci: mo, shid' moo she: khyoid re" lho:" Hid: bang: gi joyoo khyi, khang" moo" moo yau: khe" da" khyoo: ri ze" bue byid: loo mo, nghoid ago'- akhid" ngoonu" da" voogung moo we' ju" lo boem abye: go"-,, Yasun we' nya: yhoem: moo he: eig yug ri lhoem: kham: yu to" da" - ga: zheung: tid kyo".

ACTS 17:15

Polu ri yhe: de" kaid' khoo, mo, gi Athen voo moo ju" sho' Polu yo" dage" zheung: cang yhe: wigi Sila yo' Timothi eig yug ri ge, bue" yhi' myab, khyo" nya: jang" moo cang ri nhang: ge' ga: Polu pyeung: kaid' da" dang: ri voin, lho: Beria voo khyoo: doem tau" lo ago".

ACTS 18:5

Sila yo' Timothi eig yug Makedoni mung" moo zheung: ju" ri" lang" Polu gi nya: ayo, dangain" mungdang: kho" kyo" khyoo: moo za: kaid pyam' wigi Yesu gi Meshia nghoid ga: Yuda byumyu" ri sagsi: kham, byid: nyid.