ACTS 16:36 - Lacid Common Language Bible

³⁶ Hougsu" wi hau: thung: agyi, phoo gi Polu yo' Sila eig yug ri Zoug: yi gi nang yo' Sila ri nhang: kaid' wa da" amyeing" khyo' kaid abye: go" - Houg: yoomo re" eig yug ngei pyoo: tung" za: loo" loo: ge" ga: tid kaid' da.

ACTS 16:36 Referans Kwoze

ACTS 15:33

Nya: eig yug gi hau: voogung moo dayo, zoo: theung: nyid wigi hau: thang: ri loem khoug: bang: gi nya: eig yug ri gyoonoug tung" vhu" dang: tid boem lho: zheung: nhang: kaid' boem bye. Nya: eig yug we' nya: eig yug ri nhang: kaid' bang: jhang khyoo: doem tau" lo" ago".

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

ACTS 16:27

Thung: agyi phoo gi yhoeb, jo, jang" mo so" re" lho: thung: yhoem: mo, khoem" duang: joem dangain" bang" jo, ziri to' myang lang" nyang: gi thung: byu yi dangain" phang: thu' loo" wam: bye"- ga: myed wigi nya: sham: coin" ri she: yu lho: nyang: ri thau" said' wa ga: soin' loo" bye.

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

2 KHOKHAM 5:19

Elisha gi «Ngei pyoo: yug yoo za: loo" we'» ga: tid. Houg: lho: Naman to' lo" da:. Nyang: vi: sho' aloo" shi" ri

1 SAMUELA 29:7

Hougsu" yoomo yhoem: khyoo: myenjham" tung" doem tau" loo" we'. Nyangnu" ri myid apyo: khyoo: ciwe' akoid lhe"» ga: tid.

1 SAMUELA 25:35

Hau: thang: David gi nya: shid re" ci: re" da" jhungshug joem ri yu to" wigi nyang: ri «Yhoem: khyoo: doem tau" loo" we'. Ci we' amyed ci' nyid loo:- nang vho: ziri ngoo koid byid: wa» ga: tid da:.

1 SAMUELA 20:42

Hau: thang: Yonathan gi David ri «Mangsoo gi nang yo' dage" nghoid baja" o". Hau: Aseing gi nang yo' ngoo ri we' re" akung: ako'' yiri we' nga" akung: ako'' yiri we' nyha" tang: agyoo: moo to" too" bye: da" deingbyeing" dang: theing ri apyaid atoo: geing: teing nyid nhang: wigi gyeing" nyang: deingbyeing" loo nhang: baja" o"» ga: tid bye:. Hau: thang: David thu' loo" khare" lho: Yonathan we' voogung khyoo: doem tau" loo" bye:.

1 SAMUELA 1:17

Eli gi «Yug yoo tung" za: loo" we'. Israela yi da" Mangsoo gi nyang: ri nang mho' ziyo' dakhyoo" ti" byid: baja"» ga: tid.

TARHA" AGYI 18:6

Khainjung phoo gi «Nanu" ciwe' aci' ca" nghoid ago". Aseing gi he: gyung: khyoo: moo nanu" ri yu" goem coung: byid: nyid da» ga: tid da:.

THU' LO" MOUGSOUG" 4:18

Houg: lang" Moshe gi nya: yug phoo Yethru jhang lo" lho: nyang: ri «Egutu mung" mo nga" bidnoem yi nyid shi" go" la'. Ngoo lo" yu" nau:- jeju" mo nhang: kaid la» ga: tid lang" Yethru we' myid veing" lho: goolho' so" yhe: lo" we' ga: pyeung: kaid da:.

ACTS 16:23

Hougsu" nya: eig yug ri dam xoo" sho' - bain, baid' yu thang: ri thung: khoug: moo yhe: lhoung to" boem bye. Nya: eig yug ri teung" teing myheug lhoung too" wa shid re" nyangnu" da" thung: agyi, phoo ri amyeing" khyo, to" ago".

ACTS 16:35

Thang: nyid nab, kyoo ri Roma amyeing" ci: mo, gi pya: da: zoug: ri hau: eig yug ri lhoid, kaid' ge' ga: da" amyeing" yo' dage" nhang: kaid' bye.