ACTS 16:25 - Lacid Common Language Bible

²⁵ Gam, gung myen: koo: moo gi Polu yo' Sila eig yug gi Akyu" mho' lho: Mangsoo ri coung" nghei ji: khoin" ri khoin" nyid ago". Thung: byu gooji yi gi hau: ziri tam" gyo: lho: nyid boem.

ACTS 16:25 Referans Kwoze

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

COUNG" NGHEI 119:62

Ngoo ri: myen" gam gung ri yhoeb so" lo wigi re" da" deingmain" tarha" dang: phyed khyoo: shid mo nang ri: ngoo coung" nghei nyid wa zi nghoid.

Roma 5:3

Sho" jhen: koug shu: nyid loug we' ngoonu" gau yi ngei pyo: nyid. Sho" jhen: koug shu: da" khyoo: ri yo" zeing: oung: pyam' wa khyoo:

COUNG" NGHEI 77:6

Ngoo gi damyen, goin" no" no, myid yu" bye:- ngoo myid yu" ziyo' ngoonya gung ri ngoo myid yu bye:.

HEBRE 5:7

Yesu gi mougmyid tho' moo kang: so' dei nyid shi" ayo, - Nyang: ri shid: jang" mo yo" khyoid yu da" Mangso jhang thui: zeing yo' ngoug byid' ngoug nhab, thu' wigi akyu" mho' toung" pain zi koid yu" bye. Mangsoo we' Yesu da" mho' toung" pain: da" thui: ri tam" gyo: yu bye- Khasu" wim gari Aseing Yesu gi nyhoem: khyo, goeb, vang ziyo' ab, noung" xoin" to' zi nghoid yoomo lhoem: kham: yu bye.

Ephesu 5:19

Nanu" nyang: cang" nyang- coung" nghei da" jikhoin" dang- venyi loem" jeung" khyoo: yo' sen: da"-gyeungshang: da" lid' jhoem" dang: yo' tid go" nyid lho: nanu" da" emyid khoug: moo Mangsoo ri jikhoin" khoin" wigi coung" nghei nyid boem ge'.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

YOBA 35:10

Nghoid loug we' nyangnu" gi nyangnu" ri phain" so: to" da" Mangso jhang khyoo: alheing: loo nghoid da:. Nyang: gi nyangnu" no, seing" kyid: bui" da" ayo, moo myid byu khyoo: byid: su: nghoid.

ESAIA 30:29

Nghoid loug we' Mangso byu nanu" gi gyeung" shang: da" pui" myen" ri nanu" koid boem ziyo' dayhang: ti" ngei pyo: wigi jihkoin" khoin" loo wa. Nyangnu" gi Israela da" gyi zung" su: nghoid da" Aseing da" Noku Yhoem: Moo" khyoo: khoolhang thui: ri cang wigi so" yhe: loo" bang: yhi' pyo: da:.

COUNG" NGHEI 71:7

Nang gi nga" yoem bo da gyivo su" nghoid nyid yoomo nga" apyaid gi byu myoo" sho' mo, da" shidkhoin" moo khoo" shid: bue" nyid bye:.

COUNG" NGHEI 34:1

Ngoo gi khanham we' Aseing da" jeju" ri boin: so" nyid wa. Ngoo gi nyang: ri coung" nghei khyoo: khanham we' anoo: wa.

1PETERU 4:14

Nanu" gi Khristu da" thang: cang mo, bui' yoomo gei sang: shang pyang: zi shau" da" uri ngi lho, boem bye. Khasu" wim ga: ri houg: yhang: ti" thoung" shau" nyid da" uri Mangso venyi ein: da" myonhoo: phung" yoeb, yo' joeb byeung" da" venyi gi nanu' da" atho' moo ju" nyid bye: yoomo nghoid.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

2~KORINTHU 6:10

Koug shu" zi shau" boem nghoid loug we' ngoo gi khanham we' dagau yi nyid sho" jhen" bang: yhang: ti" nghoid loug we' byu myoo" sho' ri yoo: zoo: yo" shug nhang" mo, nghoid- ci" ayoo" mo, yhang: ti" nghoid loug we' ngoonu" gi gyeung" nyang"- jo, moo jo, ri seung: ci" mo, ngoid.

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

ZEKHARIA 3:8

Khainjung zeing Yoshua yo' nya: byencang" yi we"- tam" gyoo: ge'. Nanu" gi ju" loo wa da" bidnyid moo ge da" sagse: yi nghoid. Yu" ge'. Akung: ako' ga: myheing to" da" nga" join thu loo wa nghoid.

COUNG" NGHEI 119:55

Aseing we"- myen" mo da" ayo, moo ngoo nang ri: myid boin: nyid wigi re" tarha" da" khyoo: joem ri ngoo myid soin: yu" nyid zi nghoid.

COUNG" NGHEI 42:8

Aseing gi nyid" ayo, moo nya: da" geung: teung jhed khyeing: kang: khyeing: ri toin" shed nyid baja". Houg: yoomo myen" ayo, moo ngoo gi jikhoin" yo' coung" nghei nyid wigi nga" kang so, Aseing Mangsoo ri akyu" mho' baja".

LUKA 22:44

nyang: gi atho' tid loo: sho' nheigloem: moo kyi" khyeug nyid wigi soo" soo" akyu" mho' nyid. Houg: yoomo nya: da" bidkyu" khyi, gi suid" zo, yhangti" myidjang: moo gyo" nyid.

COUNG" NGHEI 91:15

Nyangnu" ngoo ri yoid lang- ngoo nyangnu" ri tu" byid: wa nghoid. Nyangnu" yau: khe" khyoo: shoug" nyid uri ngoo nyangnu" yo' dage" nyid nyid wa nghoid. Ngoo nyangnu" ri khyi yu lho: tu: to' coung" nghei byid: wa nghoid.

COUNG" NGHEI 77:2

Yau: khe" kyi" khyeug zi shoug" nyid uri ngoo Aseing ri akyu" mho' nyid. Damyen, goin" ngoo gi nga" lo, ri tu: ci: lho: noku nyid. Nghoid loug we' nheug teing ung: teung khyoo: ri ngoo ashau" myang.

YAKU 5:13

Nanu" mo dayug yug noo phyoo" jam jau phu" nyid go" la". Nyang gi akyu" mho' nyid baja"- dayug yug gi myid pyo: nyid go" la". Nyang: gi coung" nghei jikhoin" khoin" nyid baja".

COUNG" NGHEI 22:2

Nga" Mangsoo we"- nyid" kyo, ayo, ri ngoo mho' yoid, nghoid loug we' nang atu" byid: nghoid da:. Myen" khoug" sang" gam, ri yoid mho' nghoid loug we' myenjham" khyoo" ayoo.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 16:19

Hau: myiyi: nu" da" join, seing: gi nyang: ngei yo" nyid da" khyoo: jed" byug. ziri si' lang" nyangnu" gi Polu yo' Sila eig yug ri myheug yu lho: kid" vang" moo zeung: foem: nyid da" amyeing" yoo" mo, jhang khyoo: she: khyoid' yhe: lo" boem ago".

ACTS 16:33

Hau: myen, nyang: thung: agyi phoo gi nya: eig yug ri shu" yu lho: nya: eig youg da" dam noo joem ri ced" san byed. Nyang: yo' nya: da" yhoem: byu yi dangain" mo, gi houg: lang" jang: Babtisma ri zheung: kham: yu boem bye.